Electrica, listată pi Bursă
Tră experţâl’i financiari, apofasea a statlui român di listari la bursa 51% dit actiunile pi cari li ari la Electrica, di altâ parti, unâ companie multu di multu pi amintatic, easti nu maşi unâ di curayiu, câ şi unâ istorică. Tră aţea că, după cum declara işişi ministurlu delegat tră energie, Răzvan Nicolescu, easti zborlu di nai ma marli proţes di listari cari s-feaţi vârâoarâ pi pâzarea di capital dit România. Iara ţifrili spun tut lucurlu. Statlu ş-pripusi s-amintă nai cama puţân 435 di miliun’i di euro, pâradz cari nu va s-intrâ tru visteria a lui, câ va s-armânâ tru companie, ca bază financiaraă tra planurli di investiţii pi cari Electrica va li aiba tru yinitorli an’i.
Florentin Căpitănescu, 16.06.2014, 13:17
Tră experţâl’i financiari, apofasea a statlui român di listari la bursa 51% dit actiunile pi cari li ari la Electrica, di altâ parti, unâ companie multu di multu pi amintatic, easti nu maşi unâ di curayiu, câ şi unâ istorică. Tră aţea că, după cum declara işişi ministurlu delegat tră energie, Răzvan Nicolescu, easti zborlu di nai ma marli proţes di listari cari s-feaţi vârâoarâ pi pâzarea di capital dit România. Iara ţifrili spun tut lucurlu. Statlu ş-pripusi s-amintă nai cama puţân 435 di miliun’i di euro, pâradz cari nu va s-intrâ tru visteria a lui, câ va s-armânâ tru companie, ca bază financiaraă tra planurli di investiţii pi cari Electrica va li aiba tru yinitorli an’i.
Subscrierli tră oferta publică ahurhirâ luni, 16 di cirişar, şi va s-bitiseascâ pi 25 di cirişar. 85% dit pacheta di acţiuni listati la bursă suntu dati tra investitorl’i instituţionali, iara alanti ţi armân, dimec, 15%, tră personili fiziţi, ca n’iţ investitori. Pâhălu a unei acţiuni easti anamisa di 11 şi 13,5 lei, dimec anamisa di 2,5 si 3 euro ti unâ acţiune. Cu scupolu tra s-li facâ ş-cama di sinfer acţiunile, statlu apufusi s-da şi discounturi. Investitorl’ii cari va s-ancuparâ anamisa di 1.000 şi 20.000 di acţiuni va s-aibâ unâ n’icşurari la pâhă di 5%.
Tră persoanili fiziţi, listarea Electrica la bursă poati s-hibâ unâ oportunitate, ti furjn’ia câ au ucazea să-şi diversificâ portofoliu di investiţii, icâ unâ alternativă, tru condiţiili tru cari, tru an’il’i dit soni, tocurli la depozitili bancari cunuscurâ unâ mari archişurari. Ideea easti ndrupâtâ di prezidentul a Bursâl’ei di Valori Bucureşti, Lucian Anghel:
”Electrica easti unâ companie cu mari amintatic. Anlu ţi tricu avu cama di 300 di miliun’i di lei (aproapea 70 de miliun’i di euro). Dit aestâ videalâ , tră persoanili fiziţi poati s-reprezintâ unâ alternativă, tru condiţiile tru cari tocurli bancari scădzurâ multu di multu şi di furn’ia ali inflaţie, ţi easti pi un minim istoric tru România. Neise, aşteptu ca mulţâ român’i sâ u aflâ investiţia tru acţiuni Electrica ca unâ oportunitati di diversificari a investiţiilor pi cari li au tru aestu chiro”.
Cu tuti aesti, tru prospectul di listari la bursă Electrica iasi tru videalâ aţea ţi pari s-hibâ punctul gol nevralgic tru bunlu imnatic ali companie. Aşi cum sâ spuni tru documentu, Electrica adună suplimentar di la muştiradzl’i a l’ei, prit taxarea diplo a certificatilor verdzâ, 50 di miliun’i di lei, aproapea 11 di miliun’i di euro. Di aestâ furn’ie, Autoritatea Naţională di Reglementari tru dumenea ali Energie apufusi câ aesti amintatiţi s-hibâ dati nâpoi, acutotalui, a consumatorlor. Turnarea a pâradzlor va sâ s-facâ tu ma multi hopi, prit nicşurarea a pâhadzlor di furnizari.
Armanipsearea: Tascu Lala
