Ploi mări tu giumitatea sudicâ ali Românii
Tu aesti dit soni dzâli, sud-vestul şi sudlu ali Românii fu, cu şcurti dânâseri, sum coduri portocaliu şi galbin di ploi, ama ş-di inundaţii. Autorităţili dit locurli cu mari piricul di inundaţii, suntu etimi s-agiutâ cara s-lipseascâ. Nai ma lailu suntu giudeţili Mehedinţi, Vâlcea, Gorj, Dolj, Olt şi Argeş. Aoa câdzurâ ahât multi ploi, niscânti ori apa tricândaei di 80 di litri pi metru pătrat, iara ma multi arâuri inşirâ dit matcâ. Suti di casi şi suti di hectari di teren furâ asparti di api. Ma multi căil’iuri giudeţeni furâ ş-eali agiunsi di puhoai.
România Internațional, 29.07.2014, 12:56
Tu aesti dit soni dzâli, sud-vestul şi sudlu ali Românii fu, cu şcurti dânâseri, sum coduri portocaliu şi galbin di ploi, ama ş-di inundaţii. Autorităţili dit locurli cu mari piricul di inundaţii, suntu etimi s-agiutâ cara s-lipseascâ. Nai ma lailu suntu giudeţili Mehedinţi, Vâlcea, Gorj, Dolj, Olt şi Argeş. Aoa câdzurâ ahât multi ploi, niscânti ori apa tricândaei di 80 di litri pi metru pătrat, iara ma multi arâuri inşirâ dit matcâ. Suti di casi şi suti di hectari di teren furâ asparti di api. Ma multi căil’iuri giudeţeni furâ ş-eali agiunsi di puhoai.
N’ii di oamin’i dit ma mulţâ câsâbadz armasirâ fârâ curentu electric, dupu ţi ma mulţâ stâlchi di analtâ tensiuni câdzurâ ti furn’iea a vimtului. Tu aesti dit soni locuri, pompieri, angajaţ di la Inspectoratili ti catandisi di Urgenţâ (ISU) şi jandarmi agiutarâ cu motopompi, ta s-ascoatâ apa casi.
Prota, furâ agiutaţ oamin’ii, ta s-nu chiarâ — ei furâ scoşi dit puhoai şi duşi tu locuri afiriti. Bucureşti, viţepremierlu Liviu Dragnea s-andamusi cathi dzuâ cu Comandamentlu ti catandisi di urgenţâ, ţi armâni tu alertâ maximâ, ta s-aflâ zboarâ di autorităţili locali mutrinda lucârli şi s-fac aclo. Liviu Dragnea: Cu mari atenţii, tuti comitetili locali ti catandisi di urgenţâ, nâinti cu primarl’ii dit câsâbadz lipseaşti s-agiutâ. Tuti structurili a Ministerului di Interni suntu etimi ti agiutor ş-pot, cara s-nu adarâ faţâ, s-aducâ ş-altâ oamin’i. Cara s-vâ lipseascâ agiutor ş-tu alti giudeţi – nu aştiptaţ, ş-dzâţeţ ta s-ştim”.
Nâinti, secretarlu di stat tu Ministerlu di Administraţii şi Interni, Raed Arafat, hâbârisea că grupili dit Inspectoratlu General ti Catandisi di Urgenţâ dit giudeţili sum cod portocaliu di ploi şi inundaţii furâ bâgati pi cicioari. Tu minduita a lui, la nivelu a Inspectoratlui agiutarâ 1100 di oamin’i şi aproapea 500 di aparaturi di intervenţii.
Cara s-lipseascâ, dzâsi Arafat, anamisa di grupili operativi va s-yinâ şi lucrâtori di la Poliţii, di la Jandarmerii ş-di la Ministerlu di Apărari. Greu easti că meteorologii hâbârisirâ baia chiro di ploi, ţi va s-mai ţânâ şi chiola va s-agiungâ tu giudeţili di sud şi di ţentru ali vâsâlii.
