Omlu a Anlui 2014 la Radio România Internaţional
Vruts sots, RRI u dusi ma largu tradiţionala a l’ei anchetă di opinie tru bitisita di an anamisa di ascultătorl’ii şi ufilisitorl’i di Internet şi pareili sutiali dit lumi. Va calisim s-alidzet atea personalitate, dit iti dumeni, cari avu contributie, prit acţiuni, purtaticu ica idei la imnaticlu tra nainti a lumil’i tru anlu 2014.
Eugen Cojocariu, 05.01.2015, 13:37
Vruts sots, RRI u dusi ma largu tradiţionala a l’ei anchetă di opinie tru bitisita di an anamisa di ascultătorl’ii şi ufilisitorl’i di Internet şi pareili sutiali dit lumi. Va calisim s-alidzet atea personalitate, dit iti dumeni, cari avu contributie, prit acţiuni, purtaticu ica idei la imnaticlu tra nainti a lumil’i tru anlu 2014.
Anamisa di oamin’il’i politit cari fura nominalizat la titlu di “Omlu a Anlui 2014 la RRI” s-aflara naulu prezidentu ali Românie Klaus Iohannis, prezidentul rus Vladimir Putin, prezidentul ali China, Xi Jinping, fostul suveran spaniol, Vasil’elu Juan Carlos I, prezidentul ali Lituanie, Dalia Grybauskaitė, atel ali Columbie, Juan Manuel Santos, şi ministurlu german di externi Frank-Walter Steinmeier.
Nica, amintara, ntra altal’i, nominalizări di partea a ascultătorlor şi ufilisitorlor Internet ali RRI yiatarl’i, asistentili medicale şi misionarl’i acataţ tru alumta contra a langoaril’ei Ebola tru Africa dit Ascapitata, Papa Francisc, agiucătoarea di tenis română Simona Halep, numirlu 3 mondial WTA, jurnalistul germano-francez Peter Scholl-Latour, economistul francez Tomas Piketty ica María Conchita Alonso, actriţă, cântăreaţă şi activistă cubanezo-venezuelană stabilită tru California, cari alumta tra democraţia dit vasiliili a l’ei di origine.
“Omlu a Anlui 2014 la RRI” easti, ama, una persoană cari u marca scena internaţională aca easti pi una ilikie ma n’ica, tinira militantă pakistaneză tra ndrepturli a omlui Malala Yousafzai, laureată Nobel tra Irini tru 2014, nai ma tiniră laureată Nobel pi hiotea a kirolui. Ea aminta prestigioslu Premiu deadun cu activistul indian tra ndrepturli a cilimean’ilor Kailash Satyarthi.
“Aestă tiniră easti un model tra tuti mul’erli cari baneadza tru vasilii tru cari mul’erli nu au ndreptul la educaţie aşi cum u spun cu vreari. Malala easti un model şi una inspiraţie tra ele. Nu easti ti ciudie că al’i si deadi Premiul Nobel tra Irini”, argumenta ascultătorlu di la RRI Adrian Micallef, di Malta, tra alidzearea a tiniral’ei Malala tru harea di “Omlu a Anlui 2014 la RRI”.
Autor: Eugen Cojocariu
Armanipsearea: Tascu Lala
