Ti justiţie, tru naulu mandat prezidenţial
Sistemlu judiciar dit România feati jgl’oati ninti tru optul’i an’I dit soni, di cându easti tru lucru monitorizarea ali Comisie Europena prit Mecanismul di Cooperari şi Verificari, spusi prezidentul Klaus Iohannis, cari cumandusi prota andamusi di lucru a Consiliului Superior ali Magistratura di candu agiumsi pi ipotisi. Caplu a statlui lugurseasti că România lipseasti s-hiba fapta isapi cu obiectivitati s-că vini oara ca aestă monitorizari să s-bitiseasca.
România Internațional, 07.01.2015, 12:36
Sistemlu judiciar dit România feati jgl’oati ninti tru optul’i an’I dit soni, di cându easti tru lucru monitorizarea ali Comisie Europena prit Mecanismul di Cooperari şi Verificari, spusi prezidentul Klaus Iohannis, cari cumandusi prota andamusi di lucru a Consiliului Superior ali Magistratura di candu agiumsi pi ipotisi. Caplu a statlui lugurseasti că România lipseasti s-hiba fapta isapi cu obiectivitati s-că vini oara ca aestă monitorizari să s-bitiseasca.
Klaus Iohannis: Un ditru protl’I scupadz a sistemlui judiciar lipseasti s-hiba scutearea a Mecanismului di Cooperari şi Verificari. Tra bagarea tru practico a alustui scupo, tuti instituţiile dit justiţie, ama şi parlamentul şi putearea executivă lipseasti să-ş da concursul ti furn’ia ca atumtea când actualu CSM şi actualu parlamentu va ş-bitiseasca mandatili s-putem sa spunem ca featim deadun un lucru cu hairi.” Iohannis nica spusi ca easti ananghi tra sa u tana justiţia independentă, axizită, cu giudicători şi procurori tin’isit. Caplu a statlui deadi curayiu a magistraţlor s-nu hiba aspareaţ şi s-ducă lucurlu ma largu, asiguripsindalui că va la hiba un partener tin’isitu.
Prezidentul ali Analta Curti di Casaţie şi Justiţie, Livia Stanciu, lugurseasti că monitorizarea ali Comisie Europena lipseasti s-hiba tanuta tru idyea scara, acă aest lucru va u ţana Romania largu di spaţiul Schengen, toradioară.
Livia Stanciu: Dit a mea videală lipseasti s-tanem ma largu tru lucru MCV tra atea că ari nica multa scupadz ti nu suntu bitisit, ti nu suntu bagat tru practico”.
Naulu prezidentu a Consiliul Superior ali Magistratura, aleaptu, marta, Marius Tudose (pi lilichia di 42 di an’i) dimanda că ş-pripuni crişterea eficienţal’ei şi calitatea a actului di justiţie. El parastisi si ndoi scupadz: ”Protlu scupo ti lu avem noi tora va s-hiba s-adram planlu di misuri, după ti va s-fatem isapea tra raportul mutrindalui Mecanismului di Coopearari şi Verificari. Doilu scupo ti lipseasti s-hiba bagt tru lucru, şi io lu am tru minti, easti ca ti nai cama multu doi mesi di dzali s-niintăm pripunirli a noastri atea turlie ca ministurlu ali justiţie s-nchiseasca alaxerli tra nomurli ali justiţie.” Tudose hiritisi habarea fapta di prezidentul Klaus Iohannis, cari spusi că va s-cilastaseasca ca, em CSM, em Analta Curti di Casaţie şi Justiţie şi Ministerlu Public s-aibă ndreptul di iniţiativă legislativă.
Tru bitisita a alustui mes, executivlu di Bruxelles ari tru umuti s-tipuseasca un nau raportu tru atea ti muitreasti evoluţia a sistemlui judiciar dit Romania. Ministurlu ali Justiţie, Robert Cazanciuc, declara tru andamusea di lucru di la CSM că ari nadia ca aestu raportu s-hibă hairlaticu, nica si s-agiunga la thimel’ilu tra aderarea ali Românie la Schengen. Pruvidzută tra 2011, intrarea ali Romanie tru spaţiul Schengen fu amânată multi ori arada, di furn’ia ca nascanti stati membre s-ncuntrara, a deapoa nica si caftara reformi ma ahandoasi tru justiţie ica şi ma multa hairlatica tru alumta contra ali arusfeti.
Armanipsearea: Tascu Lala
