România şi Ripublica Moldova
Brevetati aoa si un deceniu di Uniunea Europeană, tra să s-aproachi di standardili a l’ei — democraţie, stat di dreptu, prucukie economică — ateali di ma ninti colonii ali Moscovă, Politica di Vitinătate şi a Parteneriatlui Estic acată tru isapi şasi stati cari, alargu tra s-hibă un stur, s-aleg flagrantu. Cvasidictatura al Aleksandr Lukaşenko di Belarus ică docilitatea ali Armenie andicra di Rusia, vrearea a Azerbaidjanlui tra s-armămâ tru spuneri idyealui hăirlătiti ş-cu Bruxellesul, şi cu Moscova şi, di altă parti, acordurle di asociere şi libiră alăxeari simnati anu cu UE di Republica Moldova, Ucraina şi Georgia caftă abordări spetifiti tră cafi un di tu aesti stati.
Bogdan Matei, 05.03.2015, 12:36
Brevetati aoa si un deceniu di Uniunea Europeană, tra să s-aproachi di standardili a l’ei — democraţie, stat di dreptu, prucukie economică — ateali di ma ninti colonii ali Moscovă, Politica di Vitinătate şi a Parteneriatlui Estic acată tru isapi şasi stati cari, alargu tra s-hibă un stur, s-aleg flagrantu. Cvasidictatura al Aleksandr Lukaşenko di Belarus ică docilitatea ali Armenie andicra di Rusia, vrearea a Azerbaidjanlui tra s-armămâ tru spuneri idyealui hăirlătiti ş-cu Bruxellesul, şi cu Moscova şi, di altă parti, acordurle di asociere şi libiră alăxeari simnati anu cu UE di Republica Moldova, Ucraina şi Georgia caftă abordări spetifiti tră cafi un di tu aesti stati.
După andamusea di n’iercuri, di Bucureşti, cu omologlu a lui dit statlu vitin, Natalia Gherman, ministurlu român di Externe, Bogdan Aurescu, cundil’e că, prit reformili ti li feati după 2009 actuala administraţie pro-occidentală, Ripublica Moldova easti nai ma performantul stat dit Parteneriatlu Estic şi dimăndă:
Lucrăm la ună nauă abordari tu atea ti mutreasti Politica di Vitinătate şi, tru arada a aistei, şi la ună modernizare a Parteneriatlui Estic, atea turlie câ printipiile tră diferenţierea tru relaţia, nica si atea financiară, cu statile dit Parteneriatlu Estic s-hibă tănuti tru idyea scară şi tru idyiul kiro s-aflăm năi criterii di hăirlăatică tră Politica di Vitinătate şi tră Parteneriatlu Estic.
Conştientă că instalarea a năului guvernu pro-occidental di Chişinău cu voturli, dicisivi, a deputaţlor comunişti, tradiţional filoruşi, scoasi tru migdani niisihăsie şi nvirinari tru Occidentu, d-na Gherman deadi asiguripseri că tuti partidile di Chişinău u spun volea ti combaterea ali arusfeti şi reformarea ali justiţie simfun cu criteriili europene:
Tru premieră, Partidlu a Comuniştilor dit Ripublica Moldova vota tra un program di guvernare cari multu limbid spuni tra simasia mutrindalui dipunearea a căftaril’ei tră amintarea a statutlui di văsilie candidat la aderari tru UE di cătra Ripublica Moldova şi multu limbid spuni ti obiectivlu mutrindalui lansarea a negocierlor.
Tru chirolu anda, Bucureşti, ministurlu Aurescu năpoi spunea tră apofasea ali Românie tra s-armână nai ma cilăstisitor şi consecventu avocat ali integrari europenă a Chişinăului, Bruxelles, Comisia Europeană lansa, tut n’iercuri, ună consultari publică mutrindalui revizuirea ali politica di vitiinătati. Uniunea Europeană ari ananghi di năi hălăt, ma buni şi ma hăirlătiti — pricunuscu analtul reprezentantu tră afaceri externi, Federica Mogherini. Ea nica spusi că Occidentul lipseasti să-şi ufilisească tut potenţialu a ligăturlor bilatearali tra s-aibă impactu tru regiuni. Suntu provocări comuni, a curi lipseasti s-lă apăndăsim: securitatea, migraţia, vigl’earea ndrepturli di thimel’iu, apărarea ali democraţie, securitatea energetică, economia şi comerţul — cundil’e caplu ali diplomaţie comunitară.
Autor: Bogdan Matei
(Apridutearea: Tascu Lala)
