Strategii liberali
Pi 24 di mai 2015, libearal’i yiurtusiră 140 di an’i di la nhiinţarea a primlui partid politic dit România. Di numa şi istoria a PNL s-leagă nai cama importante evenimenti dit istoria modernă ali Românie: instaurarea ali monarhie constituţionala, amintarea ali independenta di stat, agiundzearea ali Românie pi rang di vasilie, Polimlu di fateari una a faral’ei şi crearea ali României Mari. Vulusearea ali Constituţie dit 1923 şi relansarea economică după criza dit 1929-1933. Tru tută aestă perioadă, libearalismul agiumsi fundamentul ideologic pi cari s-andreapsi România modirnă. Dupa instaurarea a regimlui comunistu şi proclamarea ali Republica, la 30 di andreu 1947, activitatea politică a PNL fu curmată, iara una mari parte a capiilor a fura ncl’işi, di murira tru hapsan’ili comunisti, chiro tru cari la alţa la si baga zori s-acaţă calea a exilului.
România Internațional, 25.05.2015, 14:41
Pi 24 di mai 2015, libearal’i yiurtusiră 140 di an’i di la nhiinţarea a primlui partid politic dit România. Di numa şi istoria a PNL s-leagă nai cama importante evenimenti dit istoria modernă ali Românie: instaurarea ali monarhie constituţionala, amintarea ali independenta di stat, agiundzearea ali Românie pi rang di vasilie, Polimlu di fateari una a faral’ei şi crearea ali României Mari. Vulusearea ali Constituţie dit 1923 şi relansarea economică după criza dit 1929-1933. Tru tută aestă perioadă, libearalismul agiumsi fundamentul ideologic pi cari s-andreapsi România modirnă. Dupa instaurarea a regimlui comunistu şi proclamarea ali Republica, la 30 di andreu 1947, activitatea politică a PNL fu curmată, iara una mari parte a capiilor a fura ncl’işi, di murira tru hapsan’ili comunisti, chiro tru cari la alţa la si baga zori s-acaţă calea a exilului.
Dupa cădearea a regimlui comunistu, tru andreu 1989, nai cama vecl’iu partid dit România ş-ahurhi diznau activitatea politică, la iniţiativa a 12 di vecl’i membri PNL, tru yianar 1990. Tru yinitorl’ii 25 an’i, PNL avut una istorie zbuciumată. Pi 24 mai 2015, tamam tru dzua tru cari s-umplea 140 di an’i di la nhiinţarea PNL, tru aestu chiro printipalu partid di opoziţie, co-prezidentul a partidlui, Alina Gorghiu declara că Noul, ama vecl’iul Partid Naţional Liberal easti una forţă tru politica românească şi va s-hiba nai cama vartoslu partid dit România tra mulţa an’i di aoa s-ninti. Tru idyea dzuua Consiliul Naţional PNL adopta programlu di guvernare, intitulat Reclădirea Naţională, cari ari ca obiectiv “bagrea tru operă a printipiilor şi obiectivilor dit platforma «România a lucrului ghini faptu», tra cari libearalii spun ca fu votată di cetăţen’il’i români unaoara cu alidzearea a prezidentului Klaus Iohannis, atel di ma ninti prezidentu a PNL, tru brumar 2014.
Programlu baga tru prota thesi educaţia, sănătatea, cultura şi nchisearea diznau motoarili economiti. Libearalii pripun, ntra altele, ahardzearea, ahuhrindalui dit 2016, a 6% dit PIB tra educaţie şi sănatate, genearalizarea a cotal’ei unica di 16% tra tuti tipurli di taxe şi impozite, revizuirea a sistemlui di impoziti şi taxi bagati nafoara di Codlu Fiscal şi n’icsurarea a numirlui a aistor cu nai ma puţan 50% ti un chiro di 3 an’i. Cu aestu program, PNL va tra s-ngaldzască yinitori parteneri di guvernare şi să distructureadza actuala coaliţie majoritară aflată la puteari, construită anvarliga di PSD. Coprezidentul PNL, Alina Gorghiu declara că va s-hiba iniţate consultări cu alanti partidi pi tema a moţiunil’ei di cenzură pi cari libearalii au naeti să u dipună pi 5 di cirisar. Tutunaoara, PNL adopta şi alaxeri la statutlu a partidlui tru ligatura cu criteriili di integritati. Ase, libearalii condamnaţ tru protaă instanţă va s-cheara ipotisili tru partid, iara atilor ti la si da una sentinţă difinitivă va s-hiba tu ananghea s-traga mana şi di la calitatea di membru al PNL.
Armanipsearea: Tascu Lala
