Habari dit bana romaneasca si internationala

St.tr.I 26/06/2015 10.41.05

Roxana Vasile, 26.06.2015, 22:20

St.tr.I 26/06/2015 10.41.05

Washington — Corupţia instituţională arâmâne unâ problemă majoră în România – si spune într-un raportu a Departamentului amirican di Stat, care veade că anulu tricut au existatâ tentative a politician’ilor di compromitere a justiţil’ei şi di intimidare a jurnaliştilor, pricum şi acte di discriminare. Probleme majore mutrinda ndrepturile a omului includ arale tratamente fapte di poliţie şi jandarmerie, tirănipsirea a hâpsânaţilor şi a romilor. Raportul spune, întră altile, că Guvernul şi Parlamentul au elaboratâ şi adoptatâ nomuri într-unâ manieră nitransparentă, iara Parlamentul are votatâ di multe ori contra a daril’ei lanâparte a li imunitate a membrilor a lui tra-s poatâ s-hibâ urmăriţ penal trâ corupţie. Tutunâoarâ, ţi cara că leghislaţia din România garanteadză libertatea a presâl’ei, are grupuri media controlate di politician’i. Mita, ruşfetea, fu raspândită, ma multu în sectorulu di sănătate, cama veade documentul. Tru 2014, DNA u are continuată investigaţia cazurilor di corupţie la nivel analtu şi mediu, într-un ritmo constantu pi parcursul a întregului an. Furâ pitricute dinintea a justiţil’ei 710 persoane acuzate di corupţie faţă di 530 tru primil’i şapte meşi a anului 2013, menţioneadză administraţia americană.

(Aura Spiridon)

St.tr.I 26/06/2015 10:13:07

Bruxelles — Summitulu di veară a ţilor 28 di şefi di stat şi di guvern continuă la Bruxelles. Romania easte reprezentată di şefulu a statului, Klaus Iohannis. Azâ, pi agendă si află problema a terorismului şi, diz nou, probleme economiţe, în principal criza a datoriil’ei (borgea di pâradz) a li Grâţie. Aieri, în prima dzuuâ a reuniunil’ei, Grâţia fu unulu di subiectile predilecte, după ţi Eurogrupulu diz nou nu putu să agiungă la un acordu cu partea elenă. Lideril’i european’i aşteaptă ca miniştril’i di finanţe a Zonâl’ei Euro să agiungă mâne la unâ achicâsire cu guvernul di la Atena. Ma că nu si agiundze la un acord până pi 30 cirişar, Grăţia riscă intrarea în incapacitate di plată şi ieşirea din zona euro. Tru ţi mutreaşte criza a imigranţâlor, ţel’i 28 apofăsiră asupra a relocaril’ei a 40.000 di persoane care au agiumtă tru Grăţie şi Italia traversânda Mediterana cătră alte state, tru următoril’i doi an’i, şi a altor 20.000 din afoara UE. Pi agendă si aflară şi demersurile a Maril’ei Britanie trâ un referendum mutrinda ramanerea in spaţiul comunitar. Asupra a luştui subiect lideril’i va-s revină tru andreu, anul aestua.

(Aura Spiridon)

St.Tr.II — înloc. 26.06.2015 17:41:17

XXX — Ministrulu român di Externe, Bogdan Aurescu, categorisi, condamnă, cu sirţâl’e atentatulu terorist faptu azâ în Franţa, şi dzâse că aţista spune în mod traghic necesitatea trâ faţirea ma mare a eforturilor globale di acţionare contra a teroaril’ei. Easte nivol’e di unâ Curte Contra a Terorismului — dzâse ministrulu Aurescu, într-un mesaj postat pi contul di Twitter a Diplomaţiil’ei di la Bucureşti. Presupusulu atentator, în vârstă di 35 di an’i, fu acâţat di poliţie la puţân chiro după ataculu jihadist care viză nâ uzină di gaze industriale di-tru reghiunea Lyon (chentru-est), pâltit cu un mort şi doi răniţ. După spusa a autorităţilor, persoana decedată – care eara şefulu a atentatorului – fu aflatâ cu capulu tâl’iat. Pi di altă parte, tot azâ, vârâ 30 di oamin’i, întră care turişti xen’i, îşi chirurâ bana într-un atac tru Sousse, câsâbă turistic tunisian. Uidisit cu spusa MAE di la Bucureşti, niţiun român nu si află printre victime. Aţistua li continuă, ama, verificările. Şi în Kuweit, 25 di persoane au murită şi piste 200 furâ plighuiteau într-un atac asupra a unei moscheie şiită revendicat di gruparea ultraradicală Statulu Islamic. Ministrulu Bogdan Aurescu lu condamnă ferm atentatulu din Sousse şi si-are declarată şocat di ataculu terorist din Kuweit.

(Roxana Vasile)

St.tr.I 6/26/2015 11:23:55 AM

Bucureşti — Cama di unâ m’il’e di militari din ţări membre NATO exersară, în cadrulu a exercitiului militar Trident Joust 15, tru poligonulu Cincu di-tru judeţulu Braşov (chentrul a Romaniil’ei), transferulu a li comendă şi controlul a Forţâl’ei di Răspuns a NATO cătră unâ unitate temporară. Trâ prota oară, structuri a Comandamentului Aliat si-au mutată temporar in Romania pi durata a exercitiului. Vinit la Cincu, şefulu a Comandamentului Aliat Întrunit di la Napoli, amiralulu american Mark Ferguson, dzâse că aţiste exerciţii militare v’in tra să demonstreadză capabilitatea a forţilor NATO tra sâ si adapteadză a actualilor câftări di securitate, accentuânda latura defensivă a li aplicatie. Exerciţiul Trident Joust si desfăşoară di-tru 17 cirişar până duminică în chentrul Romaniil’ei.

(Aura Spiridon)

ST.TR.I 6/26/2015 10:25:28 AM

BUCURESTI – Comisia Europeană nu agiumse la un acord cu autorităţâle române tru ţi mutreaşte Codulu Fiscal, ama va sâ decidă în cadrulu a adunaril’ei a miniştrilor di Finanţe (Ecofin) di-tru 14 alonar care easte stadiul a acordului cu România. Fondul Monetar Internaţional nu mata va sâ efectueadză vizita di evaluare mesulu ţi v’ine di aform’ia că va s-aibâ deja concluziile a misiunii a li Comisiei Europene, preciză ministrulu a Finanţilor Publiţe, Eugen Teodorovici. Creditoril’i internationali a li Romanie au frixe ca relaxarea fiscala pruvidzuta di noulu Cod fiscal, in special scadearea TVA di la 24 la 19%, s-poate să ducă la depasirea tintâl’ei (nişane di scupo) di deficit bugetar di 2,9% faptâ achicâsire trâ 2016.

(Faneos)