Nomlu 51
Daniela Budu, 12.07.2016, 14:10
Supermarketurli dit România au borgea s-vinda parmatii ti yinu di la producătorl’ii autohtoni tru proporţie di naima putan 51%, uidisitu cu nomlu adoptat tora ma ninti şi promulgat di prezidentul Klaus Iohannis. Actul normativ, care intră pi lucru dzalili aesti, pruveadi că marli singiruri di duken’i lipseasti s-aiba pi pulita alimenti ti yinu dit aşi-numasitlu “singir scurtu di aprovizionare”, respectiv dit izvur local ica reghional. Uidisitu cu naulu nom, comercianţal’i au borgea s-vindă carni, oauă, lactati, zarzavat yimisi şi n’eari di alghini ti suntu tru majoritati dit producţia internă. Excepţie fac yimisili si zarzavatli exotiti, cata cum şi ateali ti iesu tru România masi tru nascanti sezoani. Ministurlu ali Agricultura, Achim Irimescu, declara că naulu nom mutreasti tru amprotusa sectorlu a yimisilor si a zarzavatlor, iu România s-ampuliseasti cu importuri cabaia mari. Prezidentul ali Comisie tra agricultură di la Camera a Deputaţlor, Nini Săpunaru, veadi documentul ca un ambodyiu tu calea a atilor cari baga a produsilor adavdzeri multu mari.
Ia ti spuni Nini Săpunaru: Ari singiruri care s-andamusira cu fermieri şi la dimandara că vor tra s-l’ia produsi româneşti, că vor s-aiba prezenţă di produse româneşti, că vor s-ahurheasca contractărli cu el’i, dmimec lucarli sunt pi alaxeari. Actul normativ trapsi ma multi amânări isiti tru migdani, maxus, di niifharistuserli a patronatilor, cari contestara pruviderli a lui. Deputaţl’ii dit Comisia tra agricultură exighisira că nomlu nu fati pitriteari orlea-zorlea la produsi româneşti şi aesta turlie nu easti contra a printipiilor di pi pazarea unica. Confederaţiili patronali sunt, ama, gailipsiti şi spun că aesti pruvideri cari, spun eali, vahi u calca leghislaţia comunitară, va s-aduca zn’ie tu lucurlu a atilor cari opereadză tru dumenea a comerţului modernu dit România. Comercianţal’ii nica spun că problemili a producătorlor români di alimente nu va s-hiba ndreapti aesta turlie, al’iumtrea va s-hiba dezechilibrată cabaia turlia di lucru a comerţului alimentar. Nomlu mutrindalui vindearea a produselor alimentari u ngardeasti libirtatea a consumatorlor tra s-aleaga nai cama buni produse la un paha competitiv — sa spuni tru un comunicat a Sutatal’ei a Marlor Singiri Comerciale dit România. Aesta lugurseasti ca nomlu easti îndriptat contra a marlor singiri comerciale si, cu tuti ateali ti sa spusira public, nu garanteadză andrupamintu tra producătorl’ii locali ica produsili românesti.
Al’iumtrea, nica lugurseasti Asociaţia, nomlu ngradeasti libirtatea a consumatorlor români tra s-aleaga nai cama buni produse la pahadz competitivi. Di aoa si nclo, protlu scupo tra itido comerciantu nu mata va s-hiba haristusearea a mustiralui, ca masi tin’isearea a termenilor cabaia serta bagat di nom tu atea ti mutreasti paltearea ica servitiili comerciale cate alta turlie sanctiunea tra nitin’isearea a aistor poati s-duca pana la ncl’idearea a duchen’ilor” — nica cundil’eadza Asociaţia.
Armanipsearea: Tascu Lala
