Veara cu protesti tru România
Transportatorl’ii rutieri şi fermierl’ii dit România, niifharistusit di pahadzl’I mari la asiguripserli obligatorii RCA, respectiv ti nipaltearea a subvenţiilor ti anlu ti tricu, s-plângu că la agiumsi caţutlu la os. Transportatorii rutieri dimandara ca va s-urdina cu viteză n’icsurată naima puţan una sahati ndzuua, pi protili cal’iuri dit vasilie. El’i stipsescu că, ti un an di dzali, poliţele RCA agiumsira diplo cu pahalu, di la 2.000 la cama di 4.000 di euro. Ase, companiile di transportu rutier dit România nregistreadză custuseri ma mari şi nu mata pot s-hiba competitive pi plan european.
Leyla Cheamil, 23.08.2016, 12:25
Transportatorl’ii rutieri şi fermierl’ii dit România, niifharistusit di pahadzl’I mari la asiguripserli obligatorii RCA, respectiv ti nipaltearea a subvenţiilor ti anlu ti tricu, s-plângu că la agiumsi caţutlu la os. Transportatorii rutieri dimandara ca va s-urdina cu viteză n’icsurată naima puţan una sahati ndzuua, pi protili cal’iuri dit vasilie. El’i stipsescu că, ti un an di dzali, poliţele RCA agiumsira diplo cu pahalu, di la 2.000 la cama di 4.000 di euro. Ase, companiile di transportu rutier dit România nregistreadză custuseri ma mari şi nu mata pot s-hiba competitive pi plan european.
Asociaţiile dit dumeni cafta a guvernului ngl’iţarea a pahadzlor ti poliţili RCA şi featira timbihi că, ma s-nu s-l’ia un apofasi tu ananghi, poati sa s-agiunga nica si la ambudyiusearea totală a lucarlui. Ia ti spuni secretarlu general ali Uniuni Naţionala a Transportatorlor Rutieri, Radu Ditescu: Viteza n’icsurata va s-aiba vahi un impactu cabaia mari tru locarli cu trafic pi calbalaki. Zburam tra cal’iuri catra amare, cal’iuri catra munti, centura a Bucureştiului. Al’iumtrea, tru 15 di yismaciuni easti pruvidzut un protestu babageanu Bucureşti. Lumea easti multu apufusită s-danaseasca protestili atumtea candu va s-ndreaga lucarlu.
Di alta parti, crescătorl’ii di pravdza isira şi el’i pi geadei, iu li duc ma largu protestile dinintea a Guvernului. Nascanta di aesta suntu tru greva a foamitil’ei dit stămâna ti tricu. El’i spun că nu va s-traga mana di la protesti până cându nu va la si da integral subvenţiile tra anlu ti tricu. Agenţia tra Plăţ şi Intervenţii tru Agricultură (APIA) pricanoscu că nu ş-tin’isi taxearea ti u feati a fermierlor tra s-la palteasca, până tru giumitatea a meslui agustu, 95% dit paradzl’I ahardzit tra subvenţii.
Ia ti spuni Directorlu ali Agentie, Nicolae Horumbă lugurseasti că si agricultorl’I au cabati: Judeţili na dimanda len turlii di cazuri cându îl’i calisescu fermierl’i, îl’i asună ma multi ori arada şi nu yinu la APIA, ica nu au documentele ti lipsescu şi atumtea lipseasti s-aştepţa ateali 10 dzale dimandati prit notificare tra s-l’iai apofasea pi cazlu respectiv, iara fermierl’ii s-ntreabă cate lucarli imna zorlea pi schemili di agiutor cu paltearea. Autorizarea a caftarlor nsimneadza un proces di verificari administrativă a caftarlor di palteari, caftari de plată care nu totna fura dipusi complete şi corectu.
Al’iumtrea, fermierl’ii cundil’eadza ca nu suntu simfun’I cu directorlu APIA şi spun că adrara corect şi tru oara ananghi documentaţia ti eara ananghi ti subvenţiili tra anlu ti tricu, ama guvernul nu ş-tin’isi taxearea. Directorlu APIA spuni că 1,9 miliardi di euro dit ateali 2,1 miliardi tra subvenţii fura virsat cătra agricultori, iara tra paltearea a dgheafuraual’ei di paradz funcţionarl’ii ali Agenţie lucreadză niacumtinatu.
Autor: Leyla Cheamil
Armanipsearea: Tascu Lala
