Habari dit bana romaneasca si internationala (6.09.2016)
BUCURESTI – Fostul premier soţial-democrat roman Victor Ponta fu plasat, ază, sum control judiciar trâ 60 di dzâle, într-un nou dosar di coruptie. El easte acuzat di DNA di trafic di influenta si complicitate la infractiunea di spilare di pâradz. Uidisit a procurorilor, in perioada in care eara lider a PSD, Ponta s-aibă câftată şi aprucheată 220.000 di euro di la un embur care vrea să candideadză într-un colegiu din Prahova (sud) la alidzerile parlamentare di-tru 2012. In veara anului tricut, Ponta avea agiumtă ţel dintan’i premier roman in exercitiu cercetat penal, dupa ţi DNA lu acuzăă di fals în înscrisuri sum simnătură privată, complicitate la evaziune fiscală şi spilare di pâradz. Premierulu demisionă in noiembrie 2015, pi fondul a unor masive manifestatii di strada indreptate contra coruptilei din clasa politica. (Bogdan Matei)
Bogdan Matei, 06.09.2016, 22:35
BUCURESTI – Fostul premier soţial-democrat roman Victor Ponta fu plasat, ază, sum control judiciar trâ 60 di dzâle, într-un nou dosar di coruptie. El easte acuzat di DNA di trafic di influenta si complicitate la infractiunea di spilare di pâradz. Uidisit a procurorilor, in perioada in care eara lider a PSD, Ponta s-aibă câftată şi aprucheată 220.000 di euro di la un embur care vrea să candideadză într-un colegiu din Prahova (sud) la alidzerile parlamentare di-tru 2012. In veara anului tricut, Ponta avea agiumtă ţel dintan’i premier roman in exercitiu cercetat penal, dupa ţi DNA lu acuzăă di fals în înscrisuri sum simnătură privată, complicitate la evaziune fiscală şi spilare di pâradz. Premierulu demisionă in noiembrie 2015, pi fondul a unor masive manifestatii di strada indreptate contra coruptilei din clasa politica. (Bogdan Matei)
BUCURESTI – Preşedintile PSD, ţel ma marile partid din Parlamentul di la Bucuresti, Liviu Dragnea, si prezentă, ază, la Analta Curte di Casaţie şi Justiţie, trâ audieri în dosarulu în care easte giudicat trâ instigare la abuz în serviciu. Liderulu soţial-democrat fu pitrict în giudicată di DNA di aform’ia că, în calitate di preşedinte a Consiliului Judeţean Teleorman (sud), s-aibă intervenită trâ menţânirea în funcţie şi plata a ndrepturilor salariale trâ dauă angajate di la Direcţia Ghenerală di Asistenţă Soţială, ţi cara că ştea că aestea lucra, de fapt, în cadrulu a organizaţilei judeteană PSD. In aprilie, Dragnea fu condamnat definitiv di Analta Curte la doi ani di încl’isoare cu suspendare, vrânda să fraudeadză referendumulu di-tru 2012 asupra a demiterilei a fostului sef a statului, Traian Basescu. (Bogdan Matei)
LJUBLJANA — Ministruul român di Externe, Lazăr Comănescu, pledă, ază, trâ menţânirea a coeziunilei tru Uniunea Europeana. Participant, in Slovenia, la Forumulu Strateghic di la Bled, ună reuniune anuală în cadrulu a cure sunt dezbătute probleme reghionale şi globale di actualitate, Comanescu are insistată trâ continuarea şi faţirea ma sânâtoasă a proiectului european. El adapse că toate acţiunile întreprinse tru aest sensu lipseaşte să-şi fixeadză ca obiectiv esenţial răspunsul cât ma concret la aştiptările a cetăţenilor europeani. In marja reuniunilei, sefulu a diplomatiilei di la Bucuresti avu ună intrivideare cu vicepremierulu sloven Karl Erjavec, ţi reiteră agiutorulu a tarâlei a lui trâ aderarea Romaniilei la Spatiul Schengen, dispre care spuse ca va să reprezinta ună certa valoare adaptă tră apărarea a frontierilor externe a li UE şi, implicit, trâ consolidarea securitatilei europeană. Pruvidzuta, initial, trâ marţu 2011, aderarea a Romaniilei la Spatiul Schengen fu amanata di repetate ori, pi fondul a rezervilor exprimate di unile state membre fata di reformarea justitilei si a eficientâlei a li alumtă contra a coruptilei. In tit aţist chiro, autoritatâle di la Bucuresti sustânură ca respecta, integral, criteriile tehniţe a li aderare. (Bogdan Matei)
