Habari dit bana romaneasca si internationala (02.10.2016)
BUCURESTI – Priorităţli a Partidlui Naţional Liberal, a daua formatiune ca ponderi tru Parlamentul ali Romanie, sunt programlu di guvernare şi pareia cu cari liberalii va s-duca la alidzerli legislative dit andreu, dimanda, dumanica, liderlu PNL, Alina Gorghiu, pe contul a l’ei di Facebook. Adutem aminti ca sambata, liberalii, apufusira ca aesta s-hiba prezidentu unic PNL, după demisia al Vasile Blaga di la co-prezidentil’ea a partidului dupu stepsurli di arusfeti. Faptele tra care Vasile Blaga este cercetat sum control judiciar vahi fura adrati tru kirolu 2009 – 2012, cand aestu, ministru di Interne si deapoa prezidentu a Senatlui di Bucuresti tru atea perioada, vahi ari intervenita tra s-da nascanti contracte tru una turlie preferenţiala. Tra aestu trafic di influenta, s-pari ca el ari loata comisioane de 10%, tut cu tut sapte sute di n’il’i di euro — paradz loat tra nas isis, ama şi tra partidlu a curi secretar general eara şi cari atumtea eara la guvernare, fostul Partid Democrat Liberal.
Corina Cristea, 02.10.2016, 17:35
BUCURESTI – Priorităţli a Partidlui Naţional Liberal, a daua formatiune ca ponderi tru Parlamentul ali Romanie, sunt programlu di guvernare şi pareia cu cari liberalii va s-duca la alidzerli legislative dit andreu, dimanda, dumanica, liderlu PNL, Alina Gorghiu, pe contul a l’ei di Facebook. Adutem aminti ca sambata, liberalii, apufusira ca aesta s-hiba prezidentu unic PNL, după demisia al Vasile Blaga di la co-prezidentil’ea a partidului dupu stepsurli di arusfeti. Faptele tra care Vasile Blaga este cercetat sum control judiciar vahi fura adrati tru kirolu 2009 – 2012, cand aestu, ministru di Interne si deapoa prezidentu a Senatlui di Bucuresti tru atea perioada, vahi ari intervenita tra s-da nascanti contracte tru una turlie preferenţiala. Tra aestu trafic di influenta, s-pari ca el ari loata comisioane de 10%, tut cu tut sapte sute di n’il’i di euro — paradz loat tra nas isis, ama şi tra partidlu a curi secretar general eara şi cari atumtea eara la guvernare, fostul Partid Democrat Liberal.
BUDAPESTA — Tru Ungaria s-tani, aza, un referendum tra apruchearea a cotilor obligatorii bagati di Uniunea Europeană tra realocarea a 160 di n’il’i di emigranta. Uidisitu cu un proiect, dimandat, anlu ti tricu după criza a emigranţilor, Ungaria lipseasti s-aproachi 1.294 di solicitanţa di azil. Tru chirolu a crizal’ei emigranţalor, Ungaria agiumsi un stat di tranzit pi calea a Balcanilor dit ascapitata cătra Germania şi alte vasilii dit Uniunea Europeană. Tru gaeretea tra s-n’icsureadza influxul di emigranţa, ea ncl’isi sinurli cu Sarbia şi Croaţia — apofasi cutugursita di organizaţii cari cilastasescu tra tin’isearea a ndrepturlor a omului. Aproapea 8 miliun’i di insi au ndrept de vot la aestu referendum, iara tra validarea a aistui easte ananghi ti una prezenta di 50% s-cama.
LONDRA — Marea Britanie va s-baga tru practico ninti di bitisita a meslui martu articolu 50 a Tratatlui di Lisabona care declanseadza protedura ti ampartarea di Uniunea Europeana. Habarea fu fapta dumanica di premierlu britanic Theresa May, tra BBC, dupu trei mesi di la referendumul tru arada a curi britanitl’i sa spusira tra iesearea a vasiliil’ei dit Uniunea Europeana. Dupu rezultatlui a aistui referendum, fostul premier David Cameron s-deadi demisia.
BUCURESTI — Bucuresti, a treia ediţie a Festivalului Orchestrilor Radio, RadiRo, organizat di Radio România, s-bitisi cu un concertu ti alu ţanu BBC Orchestra di Londra. Pe scena a Sălal’ei Radio alinara, chiro di nauă dzali, şase orchestre simfonice cu anami dit Europa şi Asia, solişti şi dirijori di top a scenal’ei muzicala actuala, tut cu tut cama di 750 di muzicieni români şi xen’i. Tuti ateali nauă concerte s-ţanura cu casa ncl’isă. Evenimentul muzical unic tru lume fu transmis nyie, prit satelit, cătra un public potenţial di miliardi di ascultători pi ma multi continente.
BUCURESTI – România easti tru piricl’iu tra s-hiba sancţionată de organismele ali Uniunii Europene di furn’ia ca ari una slaba chiverniseari a curpiilor la nivel naţional – declara comisarlu european tra politit regionale, Corina Creţu, care fati, pana tu 3 di sumedru, una vizita tru Romania. Ea exighisi că 90 tru sută dit cupriili dit România nu suntu adunati asi cum lipseasti şi, ma s-nu s-ndreaga ntraoara aesta problemă naţională, va s-yina penalizări multu mari. Yinitorlu ali Uniunii Europene, rolu ali Românie pi continentu, oportunităţile şi provocările cu care s-ampuliseasti Comisia Europeană eara alti subiecte acatati tru moeabeti Iaşi (nord-est) di comisarlu european Corina Creţu, care feati vizita tru zona la obiective modernizate cu fonduri europene. Tru chirolu a aistui an, comisarul european feati timbihi ma multi ori arada ti priricl’iurli ti ies tru videala di furn’ia ca ari una slaba absorbţie a fondurlor europene. Paradzl’I comunitari ahardziţ tra dezvoltarea ali infrastructura suntu tru piricl’iu s-armână nihargiuiţ, cate tru actualu exerciţiu bugetar nu s-apruke nica niti un proiectu, spusi Corina Creţu. Tra exerciţiul bugetar 2014 – 2020, Romania ari ahardzita 22 di miliardi di euro.
Armanipsearea: Hristu Sterghiu
