Verdict tru dosarlu Microsoft
Tru dosarlu Microsoft, ti cari presa di Bucureşti alu spuni cu numa, cu ndriptati, un di naicama spectaculoase dit istoria judiciară a României post-comuniste, Analta Curte de Casaţie şi Justiţie al’i condamnat, prit una decizie definitivă, tuţ atel’I patru inculpaţ. Doi cunuscuţ emburi, Dorin Cocoş şi Nicolae Dumitru, un fostu ministru a Comunicaţiilor, Gabriel Sandu, şi un ex-primar a casabalui Piatra-Neamţ, Gheorghe Ştefan, loara tut cu tut, 14 di ani di hapsani cu executare. Tutunaoara, Analta Curte apufusi şi confiscarea a cama di 17 milioane de euro de la atel’i patru. Uidisitu cu DNA, tru aprilie 2004, contractul di loari cu toc a licenţelor Microsoft fu simnat tru condiţii oneroase tra bugetul di stat şi deadi cali ti paltearea a nascantor comisioane cătra persoanele mintiti.
Florentin Căpitănescu, 04.10.2016, 17:43
Tru dosarlu Microsoft, ti cari presa di Bucureşti alu spuni cu numa, cu ndriptati, un di naicama spectaculoase dit istoria judiciară a României post-comuniste, Analta Curte de Casaţie şi Justiţie al’i condamnat, prit una decizie definitivă, tuţ atel’I patru inculpaţ. Doi cunuscuţ emburi, Dorin Cocoş şi Nicolae Dumitru, un fostu ministru a Comunicaţiilor, Gabriel Sandu, şi un ex-primar a casabalui Piatra-Neamţ, Gheorghe Ştefan, loara tut cu tut, 14 di ani di hapsani cu executare. Tutunaoara, Analta Curte apufusi şi confiscarea a cama di 17 milioane de euro de la atel’i patru. Uidisitu cu DNA, tru aprilie 2004, contractul di loari cu toc a licenţelor Microsoft fu simnat tru condiţii oneroase tra bugetul di stat şi deadi cali ti paltearea a nascantor comisioane cătra persoanele mintiti.
Una arusfeti di 60 di miliun’i di euro şi una zn’ie adusa a Statlui di 27 di miliun’I di euro fura stipserli adusi a gruplui infracţional. Tru mari, procurorl’ii anchetara dedesubturli a contractilor prit cari, tru ma multi guvernări de coloraturi diferite, sistemlu di educaţie fu beneficiarlu a nascantor licenţe IT, ca numir, cu multu pisti ananghiseri reale, şi, ca paha, anaparti di iti logică economică. Tra aesti contracti cu dedicaţie — alta turlie, una practică ici di aradă tru politica di achiziţii a instituţiilor publiti româneşti -, decidenţal’ii şi afaceriştil’i vrea s-l’’ia comisioane niantimil’eati.
Dorin Cocoş, aca avu reputaţia a afaceristului di succes ti aleapsi totna s-aibă una prezenţă publică discretă, easti lugursitu pescul nai cama mari. Duchmasitu, an’i buni, ca un aprucheat a şeflui a statlui, Traian Băsescu, Cocoş, idyea cum multa aşi-dzaşi mari afacerişti băştinaşi, nu sidzu alargu di contractili cu paradz publit, tra cari, pi hiotea a chirolui, presa scrisi că sidzu la baza a imperiului financiar pi cari apraftasi să şi-l clădească. Gheorghe Ştefan, canascut s-cu numa Pinalti, tra implicarea pasională tru fotbal, fu exemplu perfectu a edilului a unui casaba relativ n’ic di provincie cu una mari influenţă tru sinlu a principalului partid di guvernari.
Tru arada lui, fostul ministru Sandu, după mărturisirea isis, nu feati ca masi s-aduna, la ordin, paradz tra partid, dinintea a alidzerlor prezidenţiale dit 2009, amintati di Traian Băsescu.Ştefan şi Sandu featira parti dit PDL, tukitu, tru aestu chiro, ca formaţiune di sine stătătoare, după fuziunea cu PNL. Dosarlu Microsoft, una nauă victorie eclatantă a DNA, spuni multe tra un sistem pseftu, ahandos toxic, tru cari politicienii şi afaceriştii ş-da mâna tra s-faca sinferurli isis ti paradz, partidele aşi seamina oamini niuidisiţ tru patomatili superioare ale administraţie, iara formaţiunile polititi s-finanţeadză prit sifonarea a paralui public.
Autor: Florin Capitanaescu
Armanipsearea: Tascu Lala
