Audiovizualu public, finanţat di stat?
Camera a Deputaţilor di Bucureşti, for dicizional tru aestu caz, adopta, marţa, propunerea legislativă a PSD di eliminare a atilor cama di 100 di taxe nefiscale, inclusiv a atilor radio-TV, cari asiguripsescu ma marea parte a finanţaril’ei a posturilor publice. Luni, social-dimocraţii avea dimandata că trag mana di la eliminarea a aistei taxe, tru havaia a crititlor fapti di clasa politice, societatea civile, reprezentanţal’I a nascantor instituţii publice di media, cari lugursira că absenţa a lui va s-aduca zn’ia cabaia ti autonomia şi independenţa a Radioului şi Televiziunii publice.
România Internațional, 26.10.2016, 13:23
Camera a Deputaţilor di Bucureşti, for dicizional tru aestu caz, adopta, marţa, propunerea legislativă a PSD di eliminare a atilor cama di 100 di taxe nefiscale, inclusiv a atilor radio-TV, cari asiguripsescu ma marea parte a finanţaril’ei a posturilor publice. Luni, social-dimocraţii avea dimandata că trag mana di la eliminarea a aistei taxe, tru havaia a crititlor fapti di clasa politice, societatea civile, reprezentanţal’I a nascantor instituţii publice di media, cari lugursira că absenţa a lui va s-aduca zn’ia cabaia ti autonomia şi independenţa a Radioului şi Televiziunii publice.
Consiliul di Administraţie al Societăţii Române di Radiodifuziune spuni că eliminarea prit nom a taxal’ei radio-tv zn’iipseasti multu di multu independenţa şi echidistanţa a serviciilor publiti di radio şi televiziune. Nica si organizaţii di media cutuyursescu eliminarea a taxal’ei, lugursindalui că apofasea u matina ahandos misiunea a serviciilor publice di radio şi televiziune şi adara una relaţie di dependinţă excesivă andicra di factorlu politic. Tru apandisi, preşedintele a PSD, Liviu Dragnea, spusi că eliminarea a taxal’ei radio-tv nu nsimneadza subordonarea politică a atilor două instituţii publice şi pripusi ndridzearea a nascantor alocări di la bugetlu di stat.
Liviu Dragnea: Tra anlu ti yini, prit Legea a bugetlui di stat tru parlamentu aprobăm un nivel di paha di 21 di lei aferentu tyi cathi cetăţean român tra Radio ti va s-dzaca un buget di 420 di milioane di lei, iar tra Televiziune alocare va s-dzaca un total di 680 di milioane di lei.” Libearalii, protl’i rivali politci a PSD, exigisira cate votara proiectul. Deputatlu Andreea Paul: Partidul Naţional Libearal vota tra aestu proiect di nom ti furn’ia că tru ansamblu el easti un bun. Ama ari două riscuri majore cari sa s-tricurara. Easti zborlu ti eliminarea a taxal’ei radio-tv cari easti una babageana alathusi, cari va u curma libertatea şi autonomia a Radioului şi a Televiziunil’i publice cari pot ta s-ancumpăra aestă libertate ufilisindalui bugetlu di stat, a di alttă parte idyiul PSD na pripune di anlu ti yini alaxearea cu alte taxe şi tarife parafiscale atea ti va s-dzaca că suntu interesaţ masi di eliminarea a aistor taxi tru chirolu a campaniil’ei electorale.”
Guvernul spuni că iniţiatorl’i a nomlui nu spusira izvurlu di finanţare tra anvalearea a impactului bugetar presupus di anularea a aistor taxe. Uidisitu cu Ministurlu di finanţe, Anca Dragu, impactul bugetar dupa eliminarea a taxal’ei radio-tv va s-hiba di aproapea 600 di milioane lei tru an (140 di milioane di euro). Dragu fati timihi că tra finanţarea integrală di la bugetlu di stat a Radioului şi ali Televiziuni publice easti ananghi di alaxearea a Nomlui mutrindalui organizarea şi funcţionarea a atilor două instituţii, cari easti una organică.
Anca Dragu: Tru actualu cadru legal di la bugetlu di stat pot s-hiba paltiti masi nascanti turlii di hargi tra Radio şi Televiziune. Dimec nu putem s-anvalim tuti hargili. Tra atea, aesti taxe suntu ananghisiti şi suntu parte din cadrul legal di funcţionare a Radioului şi ali Televiziunii”.
Premierlu Dacian Cioloş feati timbihi că după adoptarea a aistui nom va s-hiba ananghi di crişterea a altor taxe şi impozite tra compensarea a efortului bugetar.
Autor: Andreea Bojoi
Armanipsearea: Tascu Lala
