Alidzeri parlamentari 2016: Rezultati partiali tru xinatati

Uniunea Salvati România (USR) aminta nai cama multi voturi, em tra Camera a Deputatlor, em tra Senat, di la român’il’i dit xinatati cari s-deadira votlu la scrutinlu legislativ di dumanică, uidisitu cu rezultatili partiali dimandati di BEC.

USR agiumsi pi primlu loc, cu un protentu di 28% tra Senat si 23,72% tra Camera a Deputatlor. PNL aminta 26,21% la Senat si 26,19% la Cameră, PMP 24,96% la Senat si 27,33% la Cameră, PSD 10,03% la Senat, 10,56% la Cameră, Partidlu România Unită (PRU) 3,52% la Senat si 3,78% la Cameră, ALDE 3,01% la Senat si 2,71% la Cameră, UDMR 2,43% la Senat si 2,63% la Cameră.

Votlu a român’ilor dit xinătati, isapea finala

Votlu a român’ilor dit xinatati la alidzerli tra Senat si Camera a Deputatlor s-bitisi luni tahina, la oara 7,00, oara locală ali Românie, unaoara cu ncl’idearea a atilor dit soni sectii di votari ditn SUA si Canada. Tut cu tut, tru ateali 417 sectii di votari dit xinatati votara 106.038 di alegători, asi cum dimanda Ministerlu tra Afaceri Externi.