Hâbări dit bana românească si internatională
BRUXELLES — Reprezentanţăl’i ali Românie şi a alăntor văsilii s-ncuntrară cu succes tră proiectului a unei Uniuni Europeană cu doauă viteze, ase că aestă expresie numata s-veadi tru Declaraţia di Roma şi niti tru discursul a liderlor europeni — cundil’e seflu a statlui român, Klaus Iohannis, tru bitisita a Summitului dit capitala ali Italie, cari nsimna umplearea a 60 di ani di la semnarea tratatlui fondator ali Uniuni. Prezidentul dimanda, tru idyiul kiro va s-ahurheasca Bucureşti, consultări cu reprezentanţii a partidilor polititi pi tema a yinitorlui ali Uniuni Europene. Şefan’il’i di state şi di guverne participanţa la summitlu di Roma znuira angajamentul că va s-cilastaseasca deadun tra una Europă ma vartoasa şi ma rezistentă.
Corina Cristea, 26.03.2017, 17:48
BRUXELLES — Reprezentanţăl’i ali Românie şi a alăntor văsilii s-ncuntrară cu succes tră proiectului a unei Uniuni Europeană cu doauă viteze, ase că aestă expresie numata s-veadi tru Declaraţia di Roma şi niti tru discursul a liderlor europeni — cundil’e seflu a statlui român, Klaus Iohannis, tru bitisita a Summitului dit capitala ali Italie, cari nsimna umplearea a 60 di ani di la semnarea tratatlui fondator ali Uniuni. Prezidentul dimanda, tru idyiul kiro va s-ahurheasca Bucureşti, consultări cu reprezentanţii a partidilor polititi pi tema a yinitorlui ali Uniuni Europene. Şefan’il’i di state şi di guverne participanţa la summitlu di Roma znuira angajamentul că va s-cilastaseasca deadun tra una Europă ma vartoasa şi ma rezistentă.
(Corina Cristea)
Bucuresti — Ministerlu di Interne di Bucuresti lansa tru dezbatere publică un proiectu di nom ti mutreasti combaterea a terorismului, ti va s-dzaca companiile aeriene va s-aiba borgea s-da a autorităţlor datili a pasagerilor. Easti zborlu di data di emiteri a biletlui, atea ali călătorie, datili di contact, itinerariul ica agenţia di turism prit cari fu ancupărat biletlu. Proiectul di nom interzite prilucrarea a informaţiilor tu ligatura cu originea rasială ica etnică, opiniile polititi, religia, apartenenţa la un sindicat, catastisea di sănătate ica orientarea sexuală. Proiectul nica pruveadi ca datele a pasagerlor s-hibă tanuti tinti ani, după cari s-hiba aştearsi automat.
(Florentin)
BUCURESTI — Pistipsearea a analiştilor finaciari dit România tru evoluţiile macroeconomiti a vasiliil’ei criscu tru meslu scurtu cu dauă puncte andicra di meslu precedentu, cându avea agiumta la un minim di aproapea 55% – uidisitu cu datili publicate di Asociaţia Profesioniştilor tru Investiţii dit România. Majoritatea analiştilor anticipează, tra intervalu martu 2017 — martu 2018, un nivel ali inflaţie di 1,5% şi un cursu di alaxeari di 4 lei şi 55 di bani tra un euro şi di 4 lei şi 56 di bani tra yinitorlu an. Pistipsearea a analiştilor financiari certificaţ tru economia românească agiumsi diznau pi creaştiri, pi fondul a aştiptărlor pozitive mutrindalui condiţiile di afaceri dit vasilie.
(Corina Cristea)
BUCURESTI – România tricu, aprindu dumanica, la oara di veară, ora 3:00 agiungandalui oara 4:00. sahatli s-deadira nainti tru cama di una sută di stati a lumil’ei, ntra aesti şi tuti vasiliili ali Uniuni Europene. Tru România, oara di veară fu bagata ninti di Doilu Polim Mondial, s-trapsi mana di la ea tru 1943, ama fu bagata diznau tru 1979.
(Corina Cristea)
XXX – Comisarlu european tra politica regională, Corina Creţu, spusi tru un interviu dat a cotidianlui german Frankfurter Allemagne Zeitung că s-ncuntreadza ti bagrea tru lucru sancţiuni tra vasiliili dit Europa di Est şi refuză s-ufiliseasca fondurli structurale ca una halati prit cari baga zoru tru chestiunea a arifugaţlor. Tru opinia ali Corina Creţu, fondurile structurale pot s-gioaca un rol important tra rezolvarea a crizal’ei a arifugaţlor prit direcţionarea a aistor catra ateali regiuni cari s-ampulisescu cu dificultăţ tru aesta noima. Eurocomisarlu sa spusi susto contra ali idei tra s-hiba adunati stog fondurli structurali dit yinitoarea perioadă financiară masi pi statili membri ma oarfani. Ea spusi că şi vasiliili avuti, catacum Germania ica Austria, au nica ananghi di agiutor financiar tru domenii catacum ntreprinderli n’it şi di mesi ica inovarea.
(Corina Cristea)
Armanipsearea: Tascu Lala
