Dzua NATO tru România
România, membră a Alianţal’ei Nord-Atlantica dit martu 2004, yiurtuseasti, tru prima dumanică a meslui apriliu, Dzua NATO. Tru aest an, teremonii militare fura organizate cu aesta furn’ia, tru 2 apriliu, Bucureşti, tru marl’i casabadz şi tru garnizoanele locale. Tru un mesaj, preşedittele Klaus Iohannis cundil’e că România ma largu va lu anvartuseadza profilu credibil strategic nauntrul ali Alianţa şi va-şi tin’iseasca acutotalui angajamentele ti s-li lo. Iara ca argument şeflu a statlui adusi aminti alocarea, dit aest an, 2% dit Produsul Intern Brut tra apărare — nai cama mare creaştere bugetară tru aestu domeniu di la aderarea la NATO.
Corina Cristea, 03.04.2017, 13:05
România, membră a Alianţal’ei Nord-Atlantica dit martu 2004, yiurtuseasti, tru prima dumanică a meslui apriliu, Dzua NATO. Tru aest an, teremonii militare fura organizate cu aesta furn’ia, tru 2 apriliu, Bucureşti, tru marl’i casabadz şi tru garnizoanele locale. Tru un mesaj, preşedittele Klaus Iohannis cundil’e că România ma largu va lu anvartuseadza profilu credibil strategic nauntrul ali Alianţa şi va-şi tin’iseasca acutotalui angajamentele ti s-li lo. Iara ca argument şeflu a statlui adusi aminti alocarea, dit aest an, 2% dit Produsul Intern Brut tra apărare — nai cama mare creaştere bugetară tru aestu domeniu di la aderarea la NATO.
“Alianţa deadi ali Românie democratica şansa tra ş-valideadza ireversibil vocaţia democratică şi pro-occidentală. Parteneriatlu Strategic cu SUA, apartenenţa la NATO şi la UE suntu thimeal’ili a politicii a noastre externe, iar construcţia ali României vartoasa tru Europa şi tru lume easti stres ligată di aeasti. Apărarea colectivă aliată nsimneadză, aza, ma mult di iti altu kiro, duchimasearea că securitatea a cafiunlui stat poate s-hiba asigurată ma hairlaticu deadun andicra di sa u faca ahoryea”, nica spusi prezidentul. Şi Ministerul di Externe scoasi tru migdani că România va s-armâna un contributor semnificativ tru Alianţă, prit participarea directă la chivernisearea a provocărilor di securitate dit regiune.
România da una atentie specială ti anvartusearea NATO, pe baza a unei ligaturi trans-atlantiti vartoasi, si ma largu va s-l’ia parti activ la formularea si bagarea tru lucru a polititlor aliate. Apofasili adoptate la Summit-ul di Varsovia, dit alunar 2016, confirmă rolu cl’eaie al NATO tru actualu context international, marcat di incertitudite si multi provocări”, sa spuni tru un comunicat a Ministerului. “Progresele semnificative amintati prit bagrea tru lucru a aistor apofasi, nica s-cundil’eadza tru documentu, scoati tru videala diterminarea si axia a statelor membre tra s-apandaseasca a tutulor a aistor provocări, cari ti s-hiba turlia a lor ica di loclu di provenientă.”
Suntu adusi aminti şi contributiile tra bagrea tru practico a prezental’ei aliati niintati tru zona ali Amarea Lae, cata cum si tru Polonia, participarea românească la operatiile si misiunile NATO, cum easti atea dit Afganistan, ica agiutorlu ti alu da ali Ucraina, Georgie, Republicii Moldova si a vasiliilor partenere dit Balcanii dit Ascapitata — tuti yilipsescu că România s-tin’iseasti fara s-traga mana angajamentele ti s-li lo tru arada al NATO, simfun cu printipiili di thimel’iu a solidaritatil’ei aliati si ampărtarea isa a borgilor anamisa di statili membre.
Autor: Corina Cristea
Armanipsearea: Tascu Lala
