Debat mutrindalui Nomlu a vaccinaril’ei
Ministerul a Sănătatil’ei di Bucuresti adusi tru debat public, marţa, proiectul a Nomlui tra vaccinari. Aestu pruveadi că, la îngrapsearea a cilimean’ilor tru una instituţie de învăţământ, părintele lipseasti s-prezinta una adeverinţă care s-atesta că vaccinurile obligatorii fura fapti. Al’iumtrea, părintili ari borgea s-prezinte, ti un kiro di 60 de zile, calendarul di recuperare tra vaccinărli obligatorii ica adeverinţa a contraindicaţiilor medicale tra nascanti vaccinuri. Tru arada a lor, unităţile de învăţământ lipseasti s-cafta adeverinţa de vaccinare a cilimeanlui di la yeaturlu de familie şi s-curma participarea la cursuri a cilimean’ilor care nu suntu vaccinaţ, tru perioada a unei epidemii confirmata de Direcţia de Sănatate Publică.
Florentin Căpitănescu, 12.04.2017, 12:27
Ministerul a Sănătatil’ei di Bucuresti adusi tru debat public, marţa, proiectul a Nomlui tra vaccinari. Aestu pruveadi că, la îngrapsearea a cilimean’ilor tru una instituţie de învăţământ, părintele lipseasti s-prezinta una adeverinţă care s-atesta că vaccinurile obligatorii fura fapti. Al’iumtrea, părintili ari borgea s-prezinte, ti un kiro di 60 de zile, calendarul di recuperare tra vaccinărli obligatorii ica adeverinţa a contraindicaţiilor medicale tra nascanti vaccinuri. Tru arada a lor, unităţile de învăţământ lipseasti s-cafta adeverinţa de vaccinare a cilimeanlui di la yeaturlu de familie şi s-curma participarea la cursuri a cilimean’ilor care nu suntu vaccinaţ, tru perioada a unei epidemii confirmata de Direcţia de Sănatate Publică.
Tutunaoara, la nivelu a cafi unlui giudeţ va s-discl’ida una comisie de vaccinare, care va s-aiba borgi acatarea tru isapi a cilimean’ilor nivaccinaţi, consilierea a părinţalor şi stabilirea a unui plan de recuperare. tru cazul a cilimean’ilor de trei ani care nu loara vaccinurile obligatorii corespunzătoare, comisiile va s-faca sesizari la instituţiile abilitate tra constatarea a infracţiunil’ei tra arali tratamente aplicati a minorului de către părinţa.
Acă tru forma pripusă nomlu a vaccinaril’ei nu are un capitol cu sancţiuni tra părinţa, aestu lucru va s-alaxeasca, spuni ministrul a Sănătatil’ei, Florian Bodog: “Proiectul di nom bagat tra debat public nu ari un capitol de sancţiuni, ama, aşi cum ştim, iti nom care vrem s-hiba bagat tru lucru, şi cari vrem s-aiba un rezultat final, ari ananghi di aestu capitol de sancţiuni. Aesti sancţiuni va sa s-veada tru nom di furn’ia a dezbaterilor publiti şi a dezbaterilor care va s-tana la nivelu a Comisiilor de Sănătate dit Senat şi Camera a Deputaţlor”.
Nomlu a vaccinaril’ei este ghinivinit, maxus pi fondul a epidemiil’ei de rujeolă, instalată nica di asta toamnă. Cama di 4.000 di landzidzari fura confirmate, iara cama di 20 persoane ş-chirura bana. Consilierul a ministrului Sănătăţii, Alexandru Rafila, cundil’eadză ti simasie ari vaccinarea a cilimean’ilor contra ali rujeola: “Cate landzadzascu aesti persoane? Ti furn’ia că viruslu rujeolic urdina la cilimean’I tru ilikia, să spunem, anamisa di 1 şi 5 ani care nu fura vaccinaţ. Si atumtea, ari riscul să landzadzască atel’I cu ilikia ma n’ică de un an, care nu sunt protejaţ nica di vaccin”.
Tra s-creasca procentul de vaccinare a populaţiil’ei, specialiştil’I fac urminie tra s-l’ia meatri cata cum aprovizionarea fără sincope cu tuti turliili di vaccinuri, sancţionarea a atilor cari au cabati tra amanarea nijustificata la darea-loarea şi organizarea de campanii de informare.
Autor: Florin Capitanescu
Armanipsearea: Tascu Lala
