Habari dit bana romaneasca si internationala
XXX — Gruplu a statilor contra ali arusfeti, GRECO, organismu a Consiliului ali Europa, si spusi gailelu tu ligatura ufilisearea a procedurlor di urgenţă tra alaxearea a legislaţiil’ei tru România, tru loc di procedura parlamentară. Tru un raportu tipusitu aza, sa spuni că autorităţli di Bucureşti adoptara una mari parte dit urminiili di ma nainti ali GRECO, mutrindalui legislaţia antiarusfeti şi transparenţa tra finanţarea a partidelor, ama nica ari tra fatseari jgl’ioati ti hairlatica ali catastisi. tutunaoara, GRECO feati timbihi a autorităţlor tra angajamentili ti s-li lo tru ligatura cu incriminarea a faptilor di arufeti. Tru aesta oara, România nu baga tru practico dauă di urminiili a organismului european anti-arusfeti, a deapoa alti trei fura bagati tru lucru masi aoa si aclo.
România Internațional, 18.04.2017, 17:28
XXX — Gruplu a statilor contra ali arusfeti, GRECO, organismu a Consiliului ali Europa, si spusi gailelu tu ligatura ufilisearea a procedurlor di urgenţă tra alaxearea a legislaţiil’ei tru România, tru loc di procedura parlamentară. Tru un raportu tipusitu aza, sa spuni că autorităţli di Bucureşti adoptara una mari parte dit urminiili di ma nainti ali GRECO, mutrindalui legislaţia antiarusfeti şi transparenţa tra finanţarea a partidelor, ama nica ari tra fatseari jgl’ioati ti hairlatica ali catastisi. tutunaoara, GRECO feati timbihi a autorităţlor tra angajamentili ti s-li lo tru ligatura cu incriminarea a faptilor di arufeti. Tru aesta oara, România nu baga tru practico dauă di urminiili a organismului european anti-arusfeti, a deapoa alti trei fura bagati tru lucru masi aoa si aclo.
(Daniela Budu)
Bucuresti — Ministrul roman ali Justitie, Tudorel Toader, spusi, aza, că procedura di extrădare a fostului deputat Sebastian Ghită easti ndreaptă, ama suntu astiptate deciziile a instantilor di giudicată. Oficialu nica spusi ca “nu pistipseasti” ca Sebastian Ghita va s-hiba giudicat tru Sarbie ninti tra s-hiba extradat tru Romania. Sebastian Ghita fu localizat şi ncl’isu di poliţişti viniri, Belgrad, după aproapea patru mesi di anda nu eara aflat. Tru oara anda lu aflara, el parastisi tra legitimare documente false cari avea seamnili a unlui stat dit Uniunea Europeană. Sebastian Ghiţă nu eara aflat dit 21 di andreu 2016 şi fu iniţial dat tru pusputeari naţională, după ti călca vadeadzl’I a controlui judiciar. Tru 10 di yinaru, un complet di la Instanţa supremă apufusi un mandat european di arestari pi numa al Sebastian Ghiţă, omlu di emburlaki hiindalui dat şi tru pusputeari internaţională, prit Interpol. Ghita easti giudicat tru daua dosari di coruptie si pusputit penal tru alti daua.
(Daniela Budu)
Bucuresti — Tru Romania, rata di ocupare a banatorlor tru ilikie di lucru criscu, anlu ti tricu, cu 0,2 puncti procentuale andicra di anlu ti tricu, până la 61,6%, a deapoa numirlu a persoanilor ti suntu irbapi tra lucru agiumsi la aproapea 9 miliun’i – spun datili tipusiti, aza, di Institutlu National di Statistică (INS). Di aesta, aproapea 8,5 miliun’I di insi avea un loc di lucru, a deapoa 530.000 era someri. La nivel general, rata a somajlui fu di 5,9%, tru scădeare andicra di anlu ti tricu, cându s-agiumsi la un procentaj di 6,8%. Nai cama marei rată a somajlui (20,6%) s-agiumsi tru arada a tinirlor, cu ilikia anamisa di 15 si 24 di an’i. Tru arada a persoanelor cu studii superioare, rata a somajlui fu di masi 3,1%.
(Daniela Budu)
Bucuresti — Un exercitiu di avertizari si alarmare s-tani, tru tuta Romania, di aza pana viniri inclusiv. Tru aestu kiro sirenili va s-hiba testate alternativ anamisa di oarili 10 şi 15. Oamin’il’I va s-avda semnalu di alarmare, adrat dit tinti ihadz, cafi un avandalui un kiro di 16 di secunde. Secretarlu di stat tru Ministerlu di Interne, Raed Arafat, spusi ca easti nai cama marli exerciţiu di testari ndreptu tru an’il’I dit soni şi ari tru scupo s-veada desi alarma easti dukita di tut banatorl’I dit ariili di anvaleari. Bucureşti ari 400 di sirene, a deapoa tru tuta Romania suntu bagati 7000. Aesti suntu montate maxus tru zonili cu activităţ cari nsimneadza piricl’iuri tehnologhiti ica radiologhiti.
(Daniela Budu)
Armanipsearea: Tascu Lala
