Finanţări tra proiecti di dezvoltari
Roxana Vasile, 20.07.2017, 11:54
Tru an’il’I dit soni, tru România, multe investiţii locale s-adrara prit Programul Naţional di Dizvoltare Locală (PNDL). Fura adrati ica znuiti spitale, dispensare, şcoli, cal’iuri… Cu tuti avantajili salami, Programul ampărţa aleptal’i tru dauă: primari haracoki şi primari niharacoki, cu amintaticu ica eliminaţ di pi lista a Programlui di multe ori pi criterii polititi. Neise, prezidentul Klaus Iohannis isişi spunea că românii lipseasti s-dukimaseasca, tuţ, ananghea a nascantor poolitit coerente şi responsabile, cari să s-yilipsească pi hroma politică, tuti meatrili adoptate tru arada a PNDL a deapoa sa s-veadă, ninti di tuti, tru arada a miliun’ilor di cetăţeni ali vasilie. N’iercuri, ministrul a Dezvoltaril’ei Regionale, dna Sevil Shhaidih, prezenta obiectivele finanţate prit Programul Naţional di Dezvoltare Locală, ti agiumsi tru a daua hopa. Anamisa di eali: vivliotet, muzee, teatre, pieţe publice şi baze sportive!
Dit ateali 13 di n’il’I di proiecte dipusi până tora, fura aleapti 6.800 pi thimel’ilu a nascantor criterii transparente şi fără niti una conotaţie politică – ţanu s-cundil’eadza Sevil Shhaidih, cari spusi cama minutis aesta turlie: “Tru simfunie cu programul di guvernare, cundil’em că va s-finantam 9.500 di obiective, dit cari, tru amprotusa, 2.500 di creşe şi grădiniţi, 2.000 di şcoli cari au ananghi di autorizaţie di funcţionare, autorizaţie ISU ica alti reabilitări cu scupolu tra dizvarearea a proceslui educaţional la standardi europene şi nica 5.000 di obiective tra s-bagam tru practico scupadzl’I ica di conformari tru dumnea a apal’ei şi apilor uzate, ica di modernizare la tuta infrastructura di cal’iuri.”
Tra tuti aesti investiţii suntu alocati fonduri tru valoari di 30 di miliardi di lei, echivalentul la aproapea 7 miliardi di euro. Paradzl’I va s-yina, isa isa, di Bruxelles, iu fu aprobată investirea tru România – prit Fondul di Coeziune ali Uniuni Europeana — a atilor 270 di miliun’I di euro. Ma ghini spusa, tru nord-estul a vasiliil’ei, Botoşani, va s-hiba alocaţ 47 di miliun’i di euro tra extinderea şi modernizarea a sistemlui actual di distribuţie a apal’ei ti beari şi di tratari a apilor uzate. Tra proiecte di idyea turlie, giudeţile Hunedoara şi Timiş, dit sud-vest, va s-aiba anvarliga di 11 di miliun’i di euro cafi un.
Nai cama consistentăll’I paradz va s-agiunga mardzina di Bucureşti, iu Uniunea Europeană va s-baga paradz tru lucru aproapea 200 di miliun’I di euro tra s-nascarseasca şi tra znuearea a sistemlui di colectare a apilor uzate tra 1,5 miliun’I di banatori. S-nu agarsimu neise, niti paradzl’i cari Banca Europenă di Investiţii îl’i împarmută ali României Easti zborlu ti 1 miliardu di euro tra cofinanţarea a proiectilor prioritare di infrastructură tru dumenea a transporturlor, tru valoare totală di 6,8 miliardi di euro, cari va s-hiba adrati tru perioada di programare 2014 – 2020. Uidisitu cu spusa a comisarlui european tra Politică Regională, Corina Creţu, dezvoltarea a singirlui strateghic di transportu va s-aduca hairi cabaia tra comerţu şi turismu şi va u harneasca direct economia. Idyealui di simasie va s-hiba fi şi impactul pozitiv, tra cetăţeni, a conexiunilor ma pi irusi, a cal’iurlor şi a sistemilor di transportu cama sigura.
Autor: Roxana Vasile
Armanipsearea: Tascu Lala
