Concurs: Festivalulu Internaţional “George Enescu” 2017

Vruţ soţ, RRI acaţâ diznou trâ difuzare seria concursurilor cu premii şi vă invită să participaţ la un nou concursu, Festivalulu Internaţional “George Enescu” 2017, dedicat a unui evenimentu muzical de pota tese a lumil’ei culturală mondială.

Eugen Cojocariu, 02.08.2017, 22:08

Vruţ soţ, RRI acaţâ diznou trâ difuzare seria concursurilor cu premii şi vă invită să participaţ la un nou concursu, Festivalulu Internaţional “George Enescu” 2017, dedicat a unui evenimentu muzical de pota tese a lumil’ei culturală mondială.

Întră 2 şi 24 aghizmăciune 2017 are loc în Bucureşti şi tru alţâ 7 csâbadz din România ediţia a XXIII-a a Festivalului Internaţional “George Enescu”, care poartă numa a ţilui mai marile compozitor român din toate timpurile. Preşedinte de Tim’ie easte avdzâtulu dirijor Zubin Mehta. Director Artistic easte un altu dirijor cu aname, Vladimir Jurowski. Aestua ninca are şi să descl’ide Festivalulu la pupitrul London Philharmonic Orchestra, cu opera Oedipe”, de George Enescu, în versiune concertantă.

Ediţia 2017 a Festivalului aduţe dinintea publicului piste 3.000 di aţel’i mai apreciaţâl’i artişti xeni şi români, tru circa 125 di evenimente. Programulu include nume de primă mărime a li muzică clasică, unile în premieră în Festival, 37 de lucrări di George Enescu, amar şi muzică contemporană.

Ca şi tru alţâ ani, Festivalulu oferă serii di concerte şi evenimente. Seria Mări orchestre a lumil’ei” reuneaşte orchestre di talie (di boie) mondială, cap de afiş pi unile di aţeale mai mările scene internaţionale. Seria Recitaluri şi concerte camerale” reuneaşte ţeale mai importantile spectacole camerale din Festival, pi schena Ateneului Român din Bucureşti. Una di aţeale mai vrutile serii de concerte, “Concertele de la m’iedzulu di noapte” reuneaşte orchestre camerale de talie mondială la Ateneulu Român. Publiculu va poată să se hărăsească în premieră di seria Muzica secolului 21” într-un conceptu nou, care va aducă pi scena Salăl’ei Radio importante creaţii contemporane, tru interpretări inedite. Personalităţ a li muzică va aibă ocazia, în seria Forumulu Internaţional a Compozitorilor”, să spună di experienţile a lor profesionale pe subiecte care vizeadză limbajulu muzical contemporan (dezbateri, conferinţe, mase rotunde). Ca şi tru alte ediţii, Piaţa Festivalului” va hibă ocazie trâ participarea meloman’ilor la un program variat, gratuit, prezentat de Primăria Capitalâl’ei pri-tru ARCUB, Chentrul Cultural a Municipiului Bucureşti, în Piaţa George Enescu. La toate aestea se adavgă seria di concerte din ţară, programate în chentre muzicale a li Românie.

Vă invităm să urmăriţ emisiun’ile RRI, siteul www.rri.ro şi profilurile di Facebook, Google+, LinkedIn, să răspundeţ corectu, în scris, la îndauă întrebări şi puteţ să amintaţ. Concursul va ţână până pi 30 aghizmăciune 2017, data poştâl’ei (respectiv 30 septembrie ora 24.00, ora a Româniil’ei, trâ mediul online).

Premiile şi menţiun’ile a concursului va hibă CD-uri cu muzică simfonică românească şi xeană, pricum şi alte obiecte de promovare culturală. Concursul easte organizat împreună cu Primăria Municipiului Bucureşti, Liceulu de Arte Plastiţe Nicolae Tonitza”, din Bucureşti, şi Editura Casa Radio”.

Şi tora, întrebările:

– A câta ediţie a Festivalului Internaţional “George Enescu” are loc tru 2017?

– Care easte Directorulu Artistic a li ediţie 2017? Şi care, Preşedinte de Tim’ie?

– Câţ artişti participă la ediţia di aestu an a Festivalului “Enescu”?

– Tru câte politii/câsâbadz se desfăşoară Festivalul Internaţional “George Enescu” 2017?

Vă câftăm, va paracalsim să nă scriiţ ţe vâ determinăă să participaţ la concursu şi, mai multu di aestâ, câte ascultaţ emisiun’ile RRI sau nă urmăriţ în mediul online. Coordonatile a noastre suntu nealâxite: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 00.40.21.319.05.62, e-mail: arom@rri.ro

Aştiptăm răspunsurile a dumnil’ilor a vs. până la 30 septembrie 2017, data poştâl’ei (respectiv 30 aghizmăciune oara 24.00, ora a li Românie, trâ mediul online). Regulamentul a concursuluiu poate sa hibă aflat pe site-ul RRI şi pi Facebook. Succes! (Eugen Cojocariu, Alecu Marciuc)

Armânipsire: Hristu Steriu