România şi flancul estic a sutatal’ei NATO
Membră NATO dit 2004, România easti vartos mintită tru proceslu di taneari ali stabilitati. Militari români cilastasescu tru teatre di opearaţiuni deadun cu camaradz dit alti vasilii a Alianţal’ei Nord-Atlantica, l’ia parti niacumtnatu la exerciţii internaţionale di coordonare tra len turlii di catastisi, a deapoa, di estan, Bucureştiul ari ahardzita 2 procente dit PIB tra Apărare. Tru idyiul kiro, Armata română ş-duti ma lrgu proceslu di armatuseari prit ancupararea avioane di alumtă F16. Tutunaoara, Bucureştiul apufusi s-faca nica una jgl’ioată importanta — s-ancupara sisteme di apărare Patriot. Lugursitu nai cama avansat sistem di apărare antiaeriană dit lume, Patriot easti anamisa di puţanili cari fura testate tru condiţii reale di alumtă.
Corina Cristea, 08.11.2017, 13:47
Membră NATO dit 2004, România easti vartos mintită tru proceslu di taneari ali stabilitati. Militari români cilastasescu tru teatre di opearaţiuni deadun cu camaradz dit alti vasilii a Alianţal’ei Nord-Atlantica, l’ia parti niacumtnatu la exerciţii internaţionale di coordonare tra len turlii di catastisi, a deapoa, di estan, Bucureştiul ari ahardzita 2 procente dit PIB tra Apărare. Tru idyiul kiro, Armata română ş-duti ma lrgu proceslu di armatuseari prit ancupararea avioane di alumtă F16. Tutunaoara, Bucureştiul apufusi s-faca nica una jgl’ioată importanta — s-ancupara sisteme di apărare Patriot. Lugursitu nai cama avansat sistem di apărare antiaeriană dit lume, Patriot easti anamisa di puţanili cari fura testate tru condiţii reale di alumtă.
Easti ndeptu cu rachete dit barnul dit soni construite, maxus, contra a atiloru balistice. Cafi una ari una griutate di 350 di kilograme, poate să s-mina cu una irusi di 5000 di kilometri tu sihati, ari una aradză di acţiune di 20 kilometri şi poate s-agiunga la una altitudite di 24 di n’il’I di metri. Patriot easti dotat şi cu un radar complex cari poate s-detecteadza tru kiro record una rachetă aminata di inamic şi s-apandaseasca la fuvirseri ti masi ndaua secundi. Ti aesta achiziţie, Ministerlu ali Apărari di Bucureşti apufusi s-ahardzească paradz ti nu suntu dip putan’i — 3,9 miliardi di euro, cari s-justifică ma s-acatam tu isapi că tru aestu kiro, tra apărăre antiaeriană, armata română baga besa pi rachetili americane şi sovietice cari dateadză dit kirolu a polimlui dit Vietnam.
Prit tuti aesti demersuri, România ş-anvartuseadza poziţia di vector di stabilitate tru regiune, di agiundzi tru idyiul kiro un partener tut ma vartos tru Alianţă. Dit harea di vasilie membră a NATO şi di furn’ia a semtil’ei a l’eigeostrateghiti, România are un rol extrem di important tra s-tal’e curayilu şi apărarea tra tuta areapta estica a Alianţal’ei, cu ahât ma multu di furn’ia ca easti ningă Ucraina, cundil’e, marţa, ambasadorlu american la NATO, d-na Kay Bailey Hutchinson, nintea ali andamusi cu miniştarl’i ali Apărarii dit Alianţă, tru disvarteari aesti dzale Bruxelles.
Ambasadorlu apandasi la una ntribare adresată di Radio România şi spusi că pi agenda NATO, tru general, ama şi pi atea ali reuniuni di Bruxelles easti tru amprotusa fatearea cama cu hairi a mobilitatil’ei tra trupili a Alianţal’ei pi teritoriul ali Europa, atea turlie ca eali s-giungă rapid la iti aliat cari ari ananghi di agiutor. Tema reprezintă una prioritate şi tru cadrul a parteneriatlui NATO – UE, cari nsimneadza ma multă coopearare nu masi individual cu vasilii membre, ca ş-cu Uniunea ca antreg, tra s-li faca afanu keaditli presupuse di controali la yimbruki, di infrastructura ti nu easti duri ica keaditli birocratiti.
Autor: Corina Cristea
Armanipsearea: Tascu Lala
