Radio România si Gaudeamus avină iarna ditu Craiova

Neaua, arcoarea, si cingrimea cu gletlu di mpadi nu tale curayilu a atiloru cu mirakea tra carti. Cama di 10.000 di vizitatori cari nu vrura s-ascapa anadamusea cu nsi ma importantu evenimentu ahardzitu tra carti, dit aestă zonă a vasiliilei, agiumsira tru foaierlu a Teatrului Naţional Marin Sorescu” tru aesta ahurhita di martu la Panayirlu Gaudeamus Craiova.

Prezidentul di tinie la Gaudeamus Radio România Craiova 2018 fu Gabriel Coşoveanu, prezidentul a Uniunil’ei Scriitorilor dit România — Filiala Craiova. Premiile Gaudeamus Radio România Craiova, ediţia a 17-a, decernati dumanică, 4 di martu:

– Trofeele GAUDIAMUS dati a expozanţalor prit votlu a publiclui: locul 3 — Editura Humanitas, locul 2 — Editura RAO, locul 1 — Grupul Editorial ART;

– Volumlu Mândrie si prigiudicată” di Jane Austen, publicat di Editura RAO, fu desemnat ca hiindalui “nai ma caftata carte” a aistei ediţii;

– Trofeulu a Presaei s-deadi a cotidianlui Cuvântul Libertăţii” — secţiunea publicaţii şi postului DIGI 24 Craiova — secţiunea TV; premiile tra secţiunile radio si online nu s-deadira, câte ma marea parti a voturlor li amintara postulu Radio România Oltenia — Craiova si pagina Facebook Radio România Gaudeamus

– Premiul Educaţia, ahardzitu di organizatori tra instituţiili di nviţămintu participante, lu aminta Editura Universitaria Craiova (editura Universitatil’ei dit Craiova) si ali Academie di Studii Economice dit Bucuresti;

– Premiul Miss Lectura fu amintat di domnişoara Bianca Fronie, elevă la Colegiul National Elena Cuza” dit Craiova.