Anchetă mutrindalui evenimentili dit 10 di agustu
Corina Cristea, 22.08.2018, 12:52
Iţili a evenimentilor prescavi di la mitinglu antiguvernamental a diasporalei di Bucureşti, dit 10 august, suntu nica alargu tra s-hiba dizmintiti, aca tricura aproapea dauă stămâni di atumtea şi cu tuti spunerli fapti di ministrul di resort Carmen Dan. Dumanică seara, ministrul di Interne feati una declaraţie di presă ahurhita cu ljirtari tra ateli cari trapsira cabaia la mitingu, em civili em jandarmi militari, a deapoa eara parastisitu filmulu a evenimentelor şi una sinteză a nascantor “falsuri şi minciuni”, uidisitu cu Carmen Dan, cari urdinara em tru mediul online, em tru mass-media. Dauă dzale ma amanatu, la audierile la cari eara calisita tru Parlamentu, napoi tanu un zbor ti evenimentele dit 10 august, cundilindalui că raportul ti lu apruke di la structurile competente dit subordinea a nasalei va s-hiba bagatu la dispoziţia Comisiei dit Camera a Deputaţlor una s-una ti procedura di la nivelu a forlui parlamentar va s-hiba bitisitu.
Carmen Dan nica spusi că nu avu borgi operative ca ministru tru kirolu a protestului, spunandalui că avu atumtea masi una şeditţă di informare cu ateli cari coordonara acţiunea: “Nu fu una andamusi operativă, ca fu una andamusi di informare, itie cu cari caftam tra a daua dzuua un prot raportu a misiunilei. Nu easti lucurlu a ministrului s-limbidzasca aspecte cari ţan di misiunea operativă cate nu ministrul ari axizearea legală ti interventie tru apofasili opearative.” Opoziţia di dreapta di Bucureşti, cari lugurseasti că ministrul lipseasti tra s-da demisia, sa spusi, ama, niifharistusită di secretizarea a documentului, ama şi di atea că la audiere nu eara vinitu prefectul.
Ia ti spusi reprezentantul a protlui partid di opoziţie, PNL, Victor Paul Dobre: “Aza, aoa nu vini un personaj golu, apufusitor, respectiv prefectul ali capitala, cari easti atel cari apufusi, aşi cum na exighisi doamna ministru, consultânda-si şi cu comandantul di dispozitiv. Nu avum cu cari s-limbidzamu furniili, nivelu all intervenţie, cate s-apufusi la optu seara şi s-feati interventia la 23:30. Ama, ngatanu, prefectul ali capitala nu easti un personaj ahoryea ica di arada, prefectul ali capitala easti atel cari reprezintă Guvernul ali Românie, tru municipiul Bucureşti, capitala a vasiliileui.” Tru opinia ali opoziţie, Carmen Dan mindueasti s-anvaleasca responsabilitatea ali Janamamerie ti gazarea şi agudearea a manifestanţalor irineatit. Suti di oamini dipusira plândzeri penale la adresa a jandarmilor, kiro tru cari PSD denunţă una ase dzasă tentativă di avinari cu zorea a guvernului legitim.
Autor: Corina Cristea
Armanipsearea: Tascu Lala
