Rezultatili a Consiliului European
Andămusiţ tru arada a summitului european di veară, liderl’i comunitari adoptară Agenda Strategică a Uniunii Europene tra yinitorl’i 5 ani. Patru sunt priorităţile apufusiti prit aest document — avigl’earea a cetăţenilor, dezvoltarea a unei baze economiţi vărtoasi, construirea a unei Europe veardi, echitabilă, socială şi neutră dit videala a impactului tu ligătură cu clima şi, nu dip tru soni, promovarea a valorilor şi intereselor europene pi scena mondială. Şefan’il’i di stat şi di guvernu nu aprăftăsiră, ama, s-agiungă la un acord mutrindalui titularl’i a principalelor funcţii comunitare, acă prezidentul a Consiliului European, Donald Tusk, avu moeabeţ tru stămân’ili dit soni em cu liderl’ii europeni, em cu atel’i a grupurilor politice. Negocierile s-ţ1nură pi thimel’iu a unui mandat tra ună pachetă di patru ipotisi, di s-acătă tru isapi criterii ligate di echilibru di gen, semti geografică ică ponderea tru Parlamentul European.
Corina Cristea, 21.06.2019, 13:12
Andămusiţ tru arada a summitului european di veară, liderl’i comunitari adoptară Agenda Strategică a Uniunii Europene tra yinitorl’i 5 ani. Patru sunt priorităţile apufusiti prit aest document — avigl’earea a cetăţenilor, dezvoltarea a unei baze economiţi vărtoasi, construirea a unei Europe veardi, echitabilă, socială şi neutră dit videala a impactului tu ligătură cu clima şi, nu dip tru soni, promovarea a valorilor şi intereselor europene pi scena mondială. Şefan’il’i di stat şi di guvernu nu aprăftăsiră, ama, s-agiungă la un acord mutrindalui titularl’i a principalelor funcţii comunitare, acă prezidentul a Consiliului European, Donald Tusk, avu moeabeţ tru stămân’ili dit soni em cu liderl’ii europeni, em cu atel’i a grupurilor politice. Negocierile s-ţ1nură pi thimel’iu a unui mandat tra ună pachetă di patru ipotisi, di s-acătă tru isapi criterii ligate di echilibru di gen, semti geografică ică ponderea tru Parlamentul European.
Ia ţi spusi Donald Tusk: Consiliul European avu ună moeabeti completă tu ligătură cu nominalizărli, di acătă tu isapi consultările şi declaraţiile fapti tru arada a Parlamentului European. Nu as-vidzu niţi ună majoritate la niţi un candidat. Va nă adunăm diznă pi 30 di cirisar.”
Nai cama disputată ipotisi easti atea di prezidentu a Comisiil’ei Europene, tra cari candidatlu cari va-l’i l’ia loclu a Jean-Claudi Juncker lipseaşti s-amintă nai ma puţăn 21 di voturi di partea a statelor membre, avânda ananghi, tru idyiul chiro, di majoritate absolută tru Parlamentul European. Tra aestă ipotisi suntu ma mulţă candidaţ andrupăţ di grupurile politiţ: ghirmanlu Manfred Weber di la populari, olandezlu Frans Timmermans di la socialişti şi democraţi, cum şi daneza Margrethe Vestager di partea a liberalilor şi centriştilor. La summitlu di Bruxelles, iu şeflu a statlui român, Klaus Iohannis feati ună prezentare a rezultatelor amintati di Bucureşti tru atel’i şasi mesi di mandat la prezienţil’ia rotativă a Consiliului UE, liderl’ii europeni salutară lucurlu adratu di România tru aţea ţi mutreasti cadrul financiar multianual, domeniu tru cari s-amintară acorduri pi 10 programe sectoriale dit ateli 37 niintate di Comisia Europeană.
Preşedenţia ali Românie la Consiliul UE fu ună hăirlătică, cu un numir multu mari di dosare cari fură bitisiti cu hăiri, spunea prezidentul Iohannis, ninti di andamusea a Consiliului European, di adusi aminti şi aţea că summitlu di Sibiu, dit 9 di mai, fu un succes pricănăscut di tută lumea.
Autor: Corina Cristea
Armânipsearea: Tascu Lala
