Avertismente di la Comisia Europeană
România fu spusă, gioi, di Comisia Europeană că nu ş-tin’isi borgili di stat membru tru ma multi domenii, hiinda căbili ti proteduri di infringement mutrinda eșeclu sistemic tru atea ţi mutreaşti monitorizarea a poluaril’ei, serviciile financiare, transpunerea normilor ti filisearea a armatlor de foc, migrația paranom ică protecţia a cilimean’ilor. Executivlu comunitar agiumsi pi isapea că, prit alăxerli fapti la Nmlu ali energie, easti ţănută tru idyea scară borgea tra s-vindă gaze naturale tu amprotusa pi păzarea internă, atea ţi reprezintă ună călcari a ndreptului ali Uniuni Europene şi aduţi ambodyiuri niăntimil’eati tru calea a exporturilor di gaze dit România. Bucurestiul ari chio doi mesi di dzăli tra s-da apandis la aesti stepsuri. Al’iumtrea, Comisia poate s-apufusească cu sesizari la Curtea de Justiţie ali Uniunii Europene.
Daniela Budu, 26.07.2019, 12:25
România fu spusă, gioi, di Comisia Europeană că nu ş-tin’isi borgili di stat membru tru ma multi domenii, hiinda căbili ti proteduri di infringement mutrinda eșeclu sistemic tru atea ţi mutreaşti monitorizarea a poluaril’ei, serviciile financiare, transpunerea normilor ti filisearea a armatlor de foc, migrația paranom ică protecţia a cilimean’ilor. Executivlu comunitar agiumsi pi isapea că, prit alăxerli fapti la Nmlu ali energie, easti ţănută tru idyea scară borgea tra s-vindă gaze naturale tu amprotusa pi păzarea internă, atea ţi reprezintă ună călcari a ndreptului ali Uniuni Europene şi aduţi ambodyiuri niăntimil’eati tru calea a exporturilor di gaze dit România. Bucurestiul ari chio doi mesi di dzăli tra s-da apandis la aesti stepsuri. Al’iumtrea, Comisia poate s-apufusească cu sesizari la Curtea de Justiţie ali Uniunii Europene.
Ună acţiune di idyea turlie poate s-hibă niintată şi cara România nu va s-hibă simfună cu legislaţia europene mutrinda piaţa asigurărilor auto. Comisia lugurseasti că emiterea de poliţie de asigurare tră născănti categorii de vehicule, valabile maşi pi teritoriul ali României, nu easte simfună cu directiva mutrinda asigurarea auto, prit cari s-caftă că poliţele RCA s-anvălească tut spaţiul comunitar, pi baza a unei primă di asigurare unică. Tutunăoară, trei dit protedurile de infringement mutrescu niaxia a Guvernului ali României tra ş-tin’isească angajamentele ti ş-li lo tră combaterea a poluaril’ei. A deapoa tru cazlu a monitorizaril’ei tră calitatea a aerlui, Comisia Europeană zburaşti nica şi ti un “eşec sistemic”. Bucureşti, Ministerul Mediului apăndăsi ună s-ună la aesti avertismente: pricunoaşti problema şi tăxeasti restructurarea a reţeauăl’ei naţională di misurare ti calitatea a aerlui.
Tru un comunicat, ministerul spuni că România feaţi tru chirolu dit soni, jglioati importanti ti modernizarea şi hăirlătica a aiştei. Neise, la capitolul mutrinda gazili cu efectu di seră, România ari ună amănari di doi an’i ş-cama andicra di angajamentele europene, ama ministerul spune că Bucureştiul feaţi, tutunăoară, progrese importante şi tru aestă dumeni, un nău act normativ hiinda tru lucru. România nu easti cratlu gol faptu timbihi di executivul comunitar. Tut cu tut, tru meslu alunar, Comisia Europeană pitricu aproapea 130 di cărtă di notificare ti amănarea mutrinda tin’isearea a aborgilor. Anamisa di statele care aprucheara ahtari avertismente suntu Belgia, Cehia, Estonia, Polonia, Portugalia, Suedia, Ungaria ică Spania. Şi Austria lo un aviz motivat, di itia a incompatibilitatil’ei legislaţia a l’ei tu ligatura cu n’icsurarea a alocaţiilor ti cilimean’i a curi părinţă lucreadză pi teritoriul a văsiliil’ei, ama băneadză tru un altu stat ali Uniunii Europene. Indexarea a alocaţiilor ti cilimea’i ăl’I zn’iipsescu şi cetăţen’il’i români cari lucreadză tru Austria şi păltescu contribuţii sociale.
Autor: Daniela Budu
Armânipsearea: Taşcu Lala
