Emiţătoari cari nu lucreadză
Vruţ soţ, dauă di aţeali 5 emiţătoari di undi şcurti cari pitrec nyie programili RRI nu lucreadză.
Eugen Cojocariu, 16.10.2019, 09:06
Vruţ soţ, dauă di aţeali 5 emiţătoari di undi şcurti cari pitrec nyie programili RRI nu lucreadză.
Un di emiţătoarili di undi şcurti di Ţigăneşti, BD 300-1, di ningă Bucureşti, cari difuzeadză programili RRI easti aspartu. Radiocom, furnizorlu di serviţii di emisie, hăbărisi că, ti amărtie, va s-hibă ma mulţă meşi asparti până cându componentili defecti va s-hibă alăxiti.
Un altu emiţător di undi şcurti, atel di Galbeni, nord-estul ali Românie, ID 300-1, easti tru revizie şi reparaţie tru tut chirolu a meslui sumedru, la căftarea Radiocom.
Di itia că nu lucreadză ateali dauă emiţătoari easti perturbată şi emisia digitală (standard DRM) a născăntor programi RRI. Ndauă di emisiun’ili zn’iipsiti suntu transmise provizoriu pi emiţătorlu di undi şcurti di Săftica, di ningă Capitală.
Tru aestu chiro vă plăcărsim s-ascultaţ emisiunile RRI pi a daua frecvenţă prit cari emitemu di arada tru undi şcurti cătră idyea ţintă, simfun cu tabelu di frecvenţi dimăndat pi site ică di pareili RRI.
Vă căftăm l’irtari că aveţ zn’iipseri ti căbilea tra s-recepţionaţ programili RRI, di itii externi a postului a nostru di radio.
Autor: Eugen Cojocariu
Armanipsearea: Tascu Lala
