Scoala românească tu ahurhitâ di an
Aştiptată cu niarăvdari di elevi, vacanţa di iarnă s-bitisi ! După trei săptămâni di adye, grădiniţile, şcol’urle şi liceele ş-dişcl’isirâ, diznou, porţâle tra doilu semestru a anlui şcolar 2019 — 2020. Ministrul ali Educaţie, Monica Anisie, lâ spusi a elevilor că va s-yinâ un semestru ma lungu, itie tra cari lipseasti s-mindueascâ ti atea ţi va s-yinâ — trã nâscântâ simulări şi examenili naţionale, iara tra alţâl’ii, olimpiadi, testi şi tezi. Tut ministrul ali Educaţie spusi că, tru aestă săptămână, suntu bâgati trâ debatu publicu metodologhiile tra organizarea a concursurlor di inspectori generali şi directori di şcoală. “Aestă situaţie di provizorat tru cari îl’i ţânem soţl’i directori, inspectori ica inspectori generali nu easti unâ situaţie multu bună tra atea că alăsăm loc a politiclui să s-minteascâ tru educaţie”, cundil’e Monica Anisie.
Leyla Cheamil, 13.01.2020, 11:21
Aştiptată cu niarăvdari di elevi, vacanţa di iarnă s-bitisi ! După trei săptămâni di adye, grădiniţile, şcol’urle şi liceele ş-dişcl’isirâ, diznou, porţâle tra doilu semestru a anlui şcolar 2019 — 2020. Ministrul ali Educaţie, Monica Anisie, lâ spusi a elevilor că va s-yinâ un semestru ma lungu, itie tra cari lipseasti s-mindueascâ ti atea ţi va s-yinâ — trã nâscântâ simulări şi examenili naţionale, iara tra alţâl’ii, olimpiadi, testi şi tezi. Tut ministrul ali Educaţie spusi că, tru aestă săptămână, suntu bâgati trâ debatu publicu metodologhiile tra organizarea a concursurlor di inspectori generali şi directori di şcoală. “Aestă situaţie di provizorat tru cari îl’i ţânem soţl’i directori, inspectori ica inspectori generali nu easti unâ situaţie multu bună tra atea că alăsăm loc a politiclui să s-minteascâ tru educaţie”, cundil’e Monica Anisie.
Di altă parti, aproapea 6.000 di elevi dit ţinţi şcol’urii bucureştene dit sectoarili 1 şi 6 va s-ducâ la cursuri cu autobuze speţiale, declară, dumănică dicseara, dimarhul general ali Capitală, Gabriela Firea, la comandamentul di trafic, organizat cu itia câ ahurhi năulu semestru şcolar. Edilu zburâ şi ti meatrili loate tra siguranţa a cilimean’ilor. “Pi ningâ transportul a elevilor, ună altă cilâstâseari a noastră easti siguranţa a aiştoru şi deadun cu poliţiili locali di sector şi cu poliţia naţională şi Poliţia ali Capitalâ va s-asiguripsimu tut ţi ţâni di securitatea, di garantarea a integritatil’ei emu ti elevi, emu ti profesori”, cundil’e Gabriela Firea. Uidisitu cu câlindarea aprobatâ di Ministerlu ali Educaţie, yinitoarea vacanţă, atea ti di Paşte, easti programată anamisa di 4 şi 21 di apriliu, ama până atumtea suntu aştiptate s-hibă organizate testărli di simulare tra evaluarea naţională la clasa a VIII – a şi di simulare tra Bacalaureat.
Tru aestu an şcolar, probili scrise si testile di ghivăseari dit cadrul a evaluărlor naţionale di la bitisita a clasilor a II-a, a IV-a şi a VI-a va s-dizvârteascâ tru intervalu 11 – 28 mai. Semestrul doi va s-bitiseascâ tru 12 di cirişaru. Tu ţi mutreasti durata a anlui şcolar, reprezentanţâl’i ali Federaţie Coaliţia tra Educaţie spunu că aestu lipseasti s-ahurheascâ ma ayon’ea, iara vacanţili s-hibâ ma şcurti. Tru minduita ali coaliţie, unâ vacanţă di veară di trei meşi zn’iipseaşti cabaia cilimean’il’I şi nivelu la cari el’i s-toarnâ tu sculie, după unâ adye ahâtu mari. Vacanţi mai şcurte, ritmiţi, periodiţi, tru kirolu a anlui şcolar, pot s-agiutâ ti ancvârtusearea a nvitaril’ei, a progresilor fapti di cilimean’i şi pot s-hibâ locuri di arihati, mindueari, planificari tra profesoru, sâ spuni tru un comunicat di presă ali federaţie.
Autor: Leyla Cheamil
Armânipsearea: Taşcu Lala
