Tru Agiocurli Olimpiţi di Tokyo, prota medalie ti România
România amintă, sâmbătă, prota medalie tru Agiocurli Olimpiţi di Tokyo. Tru proba individuală di apală, Ana-Maria Popescu amintă medalia di asimi, di alină pi podiumlu olimpic tră a treia oară tru carieră. Finala-a probăllei, disputată contra a chinezoaicăllei Yiwen Sun, fu dramatică şi multu streasă. Tu imnaticlu a timpului regulamentaru, maş ună oară avu ună dgheafurauă di dauă tuşi anamisa di ateali dauă combatanti, şi aestă tu ahurhită, cându Ana-Maria eara tu capu şi cumăndusea cu 2-0. Dauli sportive avură momenti cându eara la cumandu, ama scrimera ditu China avu ună bitisită ma bună. Cu tuti aesti, românca aprăftăsi s’facă isa-isa tru ateali ditu soni secundi a timpului regulamentaru, di ălu dusi scorlu la 10-10. Ea fu ama loată pi napandica di adversara a llei tru minuta di prilundziri cari vini, şi rată, tră a daua oară, malăma olimpică. Cu tuti aestea, Ana-Maria s-hărsi fără dănăseari di medalia di asimi:
Florin Orban, 26.07.2021, 13:53
România amintă, sâmbătă, prota medalie tru Agiocurli Olimpiţi di Tokyo. Tru proba individuală di apală, Ana-Maria Popescu amintă medalia di asimi, di alină pi podiumlu olimpic tră a treia oară tru carieră. Finala-a probăllei, disputată contra a chinezoaicăllei Yiwen Sun, fu dramatică şi multu streasă. Tu imnaticlu a timpului regulamentaru, maş ună oară avu ună dgheafurauă di dauă tuşi anamisa di ateali dauă combatanti, şi aestă tu ahurhită, cându Ana-Maria eara tu capu şi cumăndusea cu 2-0. Dauli sportive avură momenti cându eara la cumandu, ama scrimera ditu China avu ună bitisită ma bună. Cu tuti aesti, românca aprăftăsi s’facă isa-isa tru ateali ditu soni secundi a timpului regulamentaru, di ălu dusi scorlu la 10-10. Ea fu ama loată pi napandica di adversara a llei tru minuta di prilundziri cari vini, şi rată, tră a daua oară, malăma olimpică. Cu tuti aestea, Ana-Maria s-hărsi fără dănăseari di medalia di asimi:
“Oamiñi buñi, earamu tru finală olimpică! Am 37 di añi. Mi doru tuti, pisitipsiţ-mi, mi pidispsiiu multu di multu. Ti ea lucariu nai cama multu şi nai ma multu ti cari avui miraki. Amu zori ică sinferu di cumăticea aesta di medalie ti cari avui miraki s-u am şi ia că u amu maca spuşu vrearea ti ea. Şi aestă easti nai ma importantu. Şi cara Beijing nu avui maturitatea ţi eara ananghi s’mi hărsescu di aţea medalie, tora escu multu haristusită.
Asimea di Tokyo easti a 17-a medalie amintată di scrima românească la Agiocurli Olimpiţi, ţi s’adavgă a aţiloru patru medalii di malămă, ţinţi di asimi şi şapti di brundzu amintati la ediţiile di ma ninti. Practic, cu excepţia-a Agiocurloru di Atena, ditu 2004, scrima adusi medalii di la tuti ediţiile ditu năulu mileniu. Ana-Maria Popescu, cunuscută di inimarţălli tru sportu sumu numa di Ana-Maria Brânză, fu anamisa di aţeali ditu soni medaliati cu malămă, la Rio, tru 2016, deadunu cu soaţăli a llei ditu echipa di apală ali Românie: Loredana Dinu, Simona Gherman şi Simona Pop. Palmareslu a llei olimpicu nica ari ună medalie di asimi la individualu, amintată Beijing, tru 2008, cându fu azvimtă tru finală di sportiva germană Britta Heidemann.
La Agiocurli di Tokyo, Ana-Maria s-califică după ţi agiumsi pi protlu loc tru clasamentul mondialu individualu adratu di Federaţia Internaţională di Scrimă. Partiţiparea a llei la Olimpiadă eara, unu kiro pi dauă cu pistipsearea di itia a unăllei hirisi la dzănuclliulu drept. Intervenţia fu bună, idyea şi recuperarea faptă deapoa, tru condiţiili speţiale di itia-a pandemiillei a năului coronavirusu. Ana-Maria aprăftăsi deapoa s’toarnă la forma sportivă cari u consacră şi s’alină pi podiumlu olimpicu.
Autoru: Florin Orban
Armânipsearea: Taşcu Lala
