România, nai ma călduroasa dzuuă ditu anu
România s-ampulisi, luni, cu nai ma călduroasă dzuuă di până tora ditu aestu an, cu temperaturi cari agiumsiră până la 41 di gradi Celsius, tru sudlu a teritoriului. 16 giudeți și muniţipiul București eara sumu cod portocaliu di căldură niacumtinată și disconfortu termic cabaia di accentuat, kiro tru cari, tra optu giudeti, Administraţia Naţională di Meteorologie apufusi ună avertizari codu galbinu. Indiţili temperatură-umezeală (ITU) nastricu praglu criticu di 80 di unităţ, di lu crsicu cabaia disconfortulu. Uidisitu cu meteorologilli, tru yinitoarili dauă stămâni, căldura cama va s’dănăsească — va s’aibă ndauă perioadi di căñină, cari va s’alterneadza, ama, cu ateali cu temperaturi ma scădzuti. Sudlu a văsiliillei va s’armănă nai cama zñiipsitu, exighisi la Radio România, Meda Andrei, di la Administraţia Naţională di Meteorologie
Corina Cristea, 04.08.2021, 13:57
România s-ampulisi, luni, cu nai ma călduroasă dzuuă di până tora ditu aestu an, cu temperaturi cari agiumsiră până la 41 di gradi Celsius, tru sudlu a teritoriului. 16 giudeți și muniţipiul București eara sumu cod portocaliu di căldură niacumtinată și disconfortu termic cabaia di accentuat, kiro tru cari, tra optu giudeti, Administraţia Naţională di Meteorologie apufusi ună avertizari codu galbinu. Indiţili temperatură-umezeală (ITU) nastricu praglu criticu di 80 di unităţ, di lu crsicu cabaia disconfortulu. Uidisitu cu meteorologilli, tru yinitoarili dauă stămâni, căldura cama va s’dănăsească — va s’aibă ndauă perioadi di căñină, cari va s’alterneadza, ama, cu ateali cu temperaturi ma scădzuti. Sudlu a văsiliillei va s’armănă nai cama zñiipsitu, exighisi la Radio România, Meda Andrei, di la Administraţia Naţională di Meteorologie
“Tempearaturi ahătu mări, toradioară, nu va s’aibă, ama, tru yinitoarili dauă stămâñi aştiptăm intervale cu temperaturi niheama cama mări, cum, dimecu, stămâna aeasta potu shibă, tu dzuua di gioi, cându, tru sudlu extremu a văsiliillei diznou pot s’agiungă la 39 di gradi, cu 36-37 Bucureşti. Tutu sudlu a văsiliillei va s’hibă cu căldură mari. Tru alanati locări, temperaturi apridunati, iara, după ună şcurtă perioadă di arăţeari, cându va să scadă tempearaturli sumu 35 di gradi, diznău, tu bitisita-a sătămânăllei, dumănică şi deapoa tru ahurhita-a stămânăllei yinitoari, s’toarnă la temperaturli di 35 di gradi ş-cama, dimecu căñina. Dimi, va s’aibă şi aşi şi aşi. Ama, toradioară, după cum spuneamu, nu s’lugurseaşti ta s’aibă ună dalgă di căldură ahâtu di persistentu, ahâtu di intensa, cu valori di temperatură cari s’treacă di 40 di gradi.”
Yeaţărlli fac timbihi ti riscurli la cari suntu băgaţ oamiñilli tru kirolu di caniculă, maxusu aţelli cari tragu di lăngori cronice. UIdisitu cu managerlu a Serviciului di Ambulanţă Bucureşti, Alice Grasu, a organismului va’lli llia şi două săptămâni tra s’nveaţă cu variaţii nu dipu mari di tempearatură, di 4 – 5 gradi “Cându variaţiile di temperatură suntu mari di la ună săhati la alanta, di la ună dzuuă la alanta, di la dzuua la noapti, alănceaşti ună fuvirseari contra a organismului, di veadi zori, ca, tru un skurtu kiro, să s’adapteadză la aesti variaţii mari di tempearatură. Ti aţea născănti persoane cu afecţiuni cronice au riscul tra s’lă si acutizeadza simptomele ditu boala cronică, ase că elli lipseaşti s’llia meatri suplimentare di protecţie tru aestă perioadă. Grupili vulnearabile: naţlli, cilimañilli ñiţ, persoane cu dizabilităţ, persoane cu afecţiuni cronice, persoane di ilikia a treia, tru intervalul 11-18, s’nu alagă pi distanţi mări tru căldura di nafoară, s’nu facă efortu fizic tru soari, s’nu facă sportu tru soari şi niţi expunere voluntară la soare, dimi plajă.”
Easti importantu ca apa s’hibă biută la temperatura a udălui şi s’nu bea biuturli alcooliţi şi aţeali cu cofeină, di itia că aestea deshidrateadză organismulu.
Autoru: Corina Cristea
Armânipsearea: Taşcu Lala
