Ma multu sinferu ti vaccinari
Ună contribuție importantă ti tăneari ritmolu tu scara analtă di imunizari tu România tru dzălili ditu soni u au maratoanele di vaccinare. Unu ditu aestea, organizat tu bitisita-a stămânăllei ţi tricu București — iu s’nregistreadză nai ma mari rată di vaccinare, ama și nai ma mari numiru di năi lăndzidzări ndzuuă — eara pi lucru tru șasi ţentre, arădăpsiti tru tuti sectoarele a capitalăllei. Iara isapea tu cafi dzuuă năstricu cu multu ţifrili mutrinda imunizarea raportate tru aţea ditu soni perioadă, când, cumu ţi s’hibă, tu hăvaia-a numirlui mare di morţă, lăndzidzări și internări, tutu ma multi persoani s-prezentară la ţentrili di vaccinari.
Corina Cristea, 26.10.2021, 13:19
Ună contribuție importantă ti tăneari ritmolu tu scara analtă di imunizari tu România tru dzălili ditu soni u au maratoanele di vaccinare. Unu ditu aestea, organizat tu bitisita-a stămânăllei ţi tricu București — iu s’nregistreadză nai ma mari rată di vaccinare, ama și nai ma mari numiru di năi lăndzidzări ndzuuă — eara pi lucru tru șasi ţentre, arădăpsiti tru tuti sectoarele a capitalăllei. Iara isapea tu cafi dzuuă năstricu cu multu ţifrili mutrinda imunizarea raportate tru aţea ditu soni perioadă, când, cumu ţi s’hibă, tu hăvaia-a numirlui mare di morţă, lăndzidzări și internări, tutu ma multi persoani s-prezentară la ţentrili di vaccinari.
România agiumsi la 40% ditu populația di 18 di añi ş’cama imunizată anticovid, dimăndă coordonatorlu a campaniillei naționali, mediclu Valeriu Gheorghiță, cari cundille că ahtări evenimente va s’hibă ndreapti și tru perioada yinitoari, cu scupolu ta s’agiungă praglu di 70% ditu populație vaccinată până tu bitisita-a anlui:
”Va s’ndridzemu tu cathi bitisită di stămână un maraton di vaccinari tru municipiul București, cu aflarea un centru di vaccinare cari s’aibă program prilundzitu, tamama ti atea, până tu inşita-a anlui, avemu nădie s’agiundzemu aţelu pragu di imunizare colectivă pritu vaccinare. Grescu pi aestă cali cu căliseari tră tuti Universitățli di Medicină și Farmacie ditu văsilie, tutunăoară, tuti Direcțiili di Sănătate Publică, ca tru mărllli căsăbadz s’ndridzemu ahtări evenimente di vaccinare. Tru dzălili ditu soni dişcllisimu progresiv năi ţentre di vaccinare, năi cabinete di vaccinare, și nădăiimu ca tru kirolu ţi yini s’agiundzemu la cama di 150 di ñilli baş 200 di ñilli di dozi administrate tru cathi dzuuă.”
“Tru aţali 3 dzăli, la Maratonlu a vaccinarillei ditu Bucureşti oamiñilli spusiră dişcllideari tră vaccinare atumţea cându neasimu cătă elli. Aesti evenimente lipseaşti să s’facă şi tru localităţli ma ñiţ”, declară și Cseke Attila, ministrul interimar a Sănătatillei.
Tru aestu kiro, un maraton di vaccinare tru primili dauă dzăle ale aistei săptămâni fu ndreptu și tru șase spitale militare cari suntu ţentre regionale di depozitare a vaccinurlor anticovid.Ṭănearea dişcllisă non-stop a ţentrilor ditu Constanța, Cluj-Napoca, Iași, Craiova, Brașov și Timișoara reprezintă una ditu turliili pritu cari Ministerul Apărării Naționale nsimna anlu aestu Dzuua a Armatăllei. Specialiștii și autoritățli di iuţido năpoi spunu că vaccinarea easti ceareia ti curmarea-a pandemiillei.
Tru aestu kiro, Bruxelles, Comisia Europeană apufusi un portofoliu di 10 călliuri tearapeutiţi cari potu s’aibă hăiri tru tratamentul contra a COVID-19. Ampărţăti tru trei categorii – anticorpii virali monoclonali, cari suntu nai ma hăirlătiţ tru stadiile timpurii ali infecţie, antivirali orali, ti ufiliseari câtu cama ntrăoară după infectari, şi imunomodulatori, ti tratarea a pacienţilor spitalizaţi – aestea va s’hibă disponibile cât ma ayoñea cu căbili tru tută Uniunea, cu condiţia ca siguranţa şi eficacitatea a lor s’hibă confirmate di Agenţia Europeană tră Medicamente.
Autoru: Corina Cristea
Armânipsearea: Taşcu Lala
