Omlu a Anlui 2021 la Radio România Internaţional
Vruţ soţ, Radio România Internaţional u duţi ninti tradiţionala-a lui câftari di opinie anamisa di ascultãtori şi ufilisitorlli di Internetu şi ditu şingirili suţiali şi vă greaşti la un nău exerciţiu, şi anlu aestu 2021, tut ahâtu ndilicatu ş-cu zori mari tră noi tuţ di itia a pandemiillei di COVID-19.
Eugen Cojocariu, 15.11.2021, 22:43
Vruţ soţ, Radio România Internaţional u duţi ninti tradiţionala-a lui câftari di opinie anamisa di ascultãtori şi ufilisitorlli di Internetu şi ditu şingirili suţiali şi vă greaşti la un nău exerciţiu, şi anlu aestu 2021, tut ahâtu ndilicatu ş-cu zori mari tră noi tuţ di itia a pandemiillei di COVID-19.
Vă plăcărsimu s’alidzeţ cari di personalităţli a prezentului ş-ari bâgată vula nai cama multu, tru sensu pozitiv, tru lumi tru anlu 2021. Nă ndriadzem sã-lu alidzemu/ spunemu, pi thimellilu a opţiuñ’ilor a voastri ngrăpsiti, pi “Omlu a anlui 2021 la Radio România Internaţional”. Cari poati s’hibă aestu ică aesta şi, cama multu, căţe? Va s’hibă ună personalitati cunuscută i vără nicunuscut a marilui publicu, ama cu un părmithu exemplaru? Apandisea easti a voastă, ca di aradă!
Aştiptãmu pripunirli a dumnilliloru a voasti, cum şi di ţi itie, câtu cama ntrăoară, ndreptu pi site, la www.rri.ro, cu pitriţearea-a unlui comentariu la articolu, pritu e-mail la arom@rri.ro , pi profilu a nostru di Facebook sumu turlia di comentariu, pi WhatsApp la +40744312650, pritu fax la 00.4021.319.05.62 ică pritu poştă (cu menţiunea expresă că serviţiile poştali ditu multi craturi suntu zñiipsiti di pandemie), la adresa cunuscută, Radio România Internaţional, calea General Berthelot nr. 60-64, sectorlu 1, cod 010165 (PO Box 111), Bucureşti, România.
Aduţemu aminti că “Omlu a Anlui 2020 la Radio România Internaţional”, di faptu “Oamiñilli a anlui 2020 la Radio România Internaţional” fură desemnaţ lucrătorll’i ditu sistemlu medicalu di lumea tută, aflaţ tru linia antâñea-a alumtăllei contra a pandemiillei di COVID-19.
Va vă spunemu cari easti “Omlu a anlui 2021 la Radio România InternaţionaI” tru emisiuñili a noastri, ama şi tru mediulu online, sâmbătă, 1 di yinaru 2022.
Autoru: Eugen Cojocariu
Armănipsirea: Hristu Steriu@Taşcu Lala
