Dzuua a Unitatil’ei Ghermană, marcată la București
La București, fu aniversată Dzuua a Unitatilei Ghermană, evenimentu de importanță majoră ahât tră ghermani, cât și tră Europa, care marcheadză reunificarea completă a liştei țară pi 3 octombriu 1990, la aproapea un an di la cădearea Murului a Berlinului.
Leyla Cheamil, 03.10.2023, 22:19
La București, fu aniversată Dzuua a Unitatilei Ghermană, evenimentu de importanță majoră ahât tră ghermani, cât și tră Europa, care marcheadză reunificarea completă a liştei țară pi 3 octombriu 1990, la aproapea un an di la cădearea Murului a Berlinului. La recepția organizată, dzuua di nâinte, cu aformia ţelei de-a 33 – a aniversare, șefulu a statului român, Klaus Iohannis, el însuși membru a minoritatilei ghermane din România, dzâse că amintirea a cădearilei a Murului a Berlinului da să si veadă că Uniunea Europeană easte un proiectu ali paceˮ. Împreună prinde loc să acţionăm, în continuare, tra să nă protejăm şi promovăm valorile, precum şi tra să li proiectăm în veţinata a noastrăˮ, spuse liderulu di la București.
Aestua mai afirmăă că easte nevolie, tora, mai multi decât iţido altă oară, di mai multă unitate în cadrulu a Uniunilei Europeană, tră a gestionare cu succes numeroasile provocări, ahât din interiorul a Uniunilei, cât şi din afoara a liştei, iu si desfășoară polimulu brutal di agresiune a li Rusie contra Ucrainălei, cu urmările a lui nefaste. Prin bairulu di evenimente istoriţe declanşate di cădearea Murului a Berlinului, nă xanaaflăm împreună în Europa, români şi ghermani, ca priiateni/soţ şi parteneri europeani, ama şi ca aliaţi în NATOˮ, punctăă Klaus Iohannis. Şefulu a statului precizăă că relaţiile economiţe anamisa di România şi Ghermănia sunt la ţel mai analtul nivel din ultimili 20 ani. Aestua aduse aminte vizitile a analţălor responsabili ghermani care au vinită anulu aestua în țară şi evocă/aduse aminte contribuţia semnificativă la dezvoltarea şi modernizarea ţarălei, a comunitailei românască tru Ghermănie şi a comunitatilei a etniţălor ghermani din România, dispre care spuse că acţioneadză ca liantu/ca legatură întră societăţăle şi popoarile a noastre. În aţeluși chiro, Klaus Iohannis subliniee susţănerea Ghermăniilei tră aderarea a Româniilei la spaţiul de liberă urdinare Schengen.
Un proverbu pi care lu avem ahât în România, cât şi tru Ghermănie, dzâţe că soţulu la nevolie si cunoaşte. Susţânerea vocală şi constantă a Ghermăniilei în favoarea a li aderare a Româniilei la spaţiul Schengen easte elocventă tru aestu sensu. Avem umute/Sperăm să atindzem aestu deziderat cât mai curundu, ahât în baza performanţilor a noastre piste tut recunoscute, cât şi ca ună confirmare a faptului că Uniunea easte capabilă să răspundă a necesitatilei di coeziune, rezilienţă, solidaritate şi securitate crescutăˮ.
Prezentu la recepția organizată cu aformia Dzuălei a li Unitate Ghermană, premierulu Marcel Ciolacu punctăă faptul că valoarea a relaţiilor româno-ghermane easte amplificată şi di apuntea umană realizată di comunitatea românească din Ghermănie şi di aţea germană din Româniaˮ. El aduse aminta că Ghermănia easte ţel mai importantul partener comercial ali Românie şi al doilea investitor în economia statului. Alăxemintile comerciale au depăşită, anulu trecut, 40 de miliarde di euro, iar piste 25.000 di firme cu capital gherman sunt înreghistrate în România, mai precizăă Marcel Ciolacu.
Autor: Leyla Cheamil
Armânipsire: Hristu Steriu
