„Dzuua Ascultătorului” 2025 la Radio România Internaţionalu
Vruţ soţ, tru 2-li di brumar 2025, tru prota dumãnicã di după Dzuua Radioului Românescu, pi cari u yiurtusimu cathi anu tru 1 di brumaru, vă aștiptămu la “Dzuua Ascultătorlui" la Radio România Internaționalu.
Tașcu Lala, 08.10.2025, 12:57
Vruţ soţ, tru 2-li di brumar 2025, tru prota dumãnicã di după Dzuua Radioului Românescu, pi cari u yiurtusimu cathi anu tru 1-lu di brumar, v-aștiptămu la “Dzuua Ascultătorlui” la Radio România Internaționalu.
Bãnãmu tu unã lumi tru cari piriclliurli nu yinu maş di pi geadei icã di pi câmpulu di alumtã, ama şi ditu vimtulu invizibilu a Internetlui. Securitatea Tibernetică agiumsi unã di tu nai mãrli provocări a kirolui di adzã. Di la aplo-sitili campaniili di phishing, aţeali hãbãri icã apeluri arãdociki cari nã arãdu ti s’dãmu dati pirsonali, pânu di furlãkili ti finasii cu boţ silighiti di AI, cathi unu di noi poati s’hibã aguditu. Tru idyiulu kiro pareili di criminalitati ţibernetică andregu atacurli di turlia ransomware, di li ambudyiusescu spitalili, universitățli i companiili. Videmu cum polimlu informaticu agiundzi s’hibã unu averu: atacuri tu şingirili di energhie, tu comunicații i nica şi babageani campanii di dizinformari și aţeali şingiri di boți, cari potu s’alãxeascã imnaticlu a alidzerloru icã s’minteascã bana suţialã.
Iţrãllia artifiţială ari rolã diplo: di unã parti, da atacatorloru hãlãţ nãi, axiziti s’adarã hãbãri arãdociki ş-ţi suntu pistipsiti; di alantă parti, agiută experțãlli s’li scoatã tu padi ma ayoñea fuvirserli.
Tru aestã hãvaie, multi craturi și organizații internaționali facu gaereţ tra s’bagã tu aradã nãscãnti reguli cama sãnãtoasi și cu vigllearea a tutãloru. Ghini ma, averlu easti cãţe cathi unu di noi ari arola a lui: unã vãrtoasã parolă, un clicku minduitu di dauă ori icã s’mutreascã izvurlu di iu yini hãbarea, neisi aestea suntu ñiţli jgllioati ta s’nã vigllemu.
Tru ediţia 2025 ti „Dzuua Ascultătorlui” la RRI vă ntribãmu: Cumu dukiţ aesti fuvirseri? Minduiţ cã hiţ viglleaţ dinintea loru icã hiţ tu catastisea s’hiţ agudiţ? Ti minduiţ cã lipseaşti s’adarã suţiitatea ta sã s’veaglle cama ghini?
Aştiptămu cu cu sinferu apandisili a dumnilliloru a voasti, tra s’li hidzemu tu programili RRI ditu 2-lu di brumaru 2025! Aestea puteţ s’li pitriţeţ pritu e-mail, la ro@rri.ro ili mail-urli ali secţie armãneascã lala_tascu@yahoo.com ; biolan.mirela@gmail.com icã pi Facebook. Ma vreţ, puteţ s’pitriteţ apandisi audio pri’nreghistrati pi WhatsApp, la +40744312650, icã puteţ s’nã pitriteţ numirlu a vostu di telefonu şi va vă asunãmu ditu studio ta s’nreghistrãmu audio mesajlu a dumnilliloru a voasti. Haristusimu !
Autor: Radio România Internaţional
Armânipsearea: Taşcu Lala
