Habari dit bana romaneasca si internationala
BUCURESTI – Ministrul roman delegat tra Afaceri Europene, Ana Birchall, va s-l’ia parti, luni, Bruxelles, la andamusea a Consiliului tra Afaceri Generale tru format 27, dimandă Ministerlu tra Afaceri Externe di Bucuresti. Miniştrii va s-vuluseasca apofasea a Consiliului di autorizare tra discl’idearea a pazarapserlor tra un acord cu Regatlu Unit ali Mari Britanii şi Irlanda di Nord cari apufuseaşte condiţiile di ritradzeari dit Uniunea Europeană. Tru marja ali andamusi, ministrul Ana Birchall va s-aiba moeabeti cu omologlu eston, Matti Maasikas, tra priorităţile ali Prezidentil’e estona a Consiliului UE şi protili dosari tru dezbatere la nivel european. Ministrul delegat tra Afaceri Europene napoi adusi aminti ca tra Bucuresti easti di mari simasie vigl’earea a ndrepturlor şi interesili a românilor dit Marea Britanie şi a fumel’ilor a lor.
Ştefan Stoica, 21.05.2017, 16:58
BUCURESTI – Ministrul roman delegat tra Afaceri Europene, Ana Birchall, va s-l’ia parti, luni, Bruxelles, la andamusea a Consiliului tra Afaceri Generale tru format 27, dimandă Ministerlu tra Afaceri Externe di Bucuresti. Miniştrii va s-vuluseasca apofasea a Consiliului di autorizare tra discl’idearea a pazarapserlor tra un acord cu Regatlu Unit ali Mari Britanii şi Irlanda di Nord cari apufuseaşte condiţiile di ritradzeari dit Uniunea Europeană. Tru marja ali andamusi, ministrul Ana Birchall va s-aiba moeabeti cu omologlu eston, Matti Maasikas, tra priorităţile ali Prezidentil’e estona a Consiliului UE şi protili dosari tru dezbatere la nivel european. Ministrul delegat tra Afaceri Europene napoi adusi aminti ca tra Bucuresti easti di mari simasie vigl’earea a ndrepturlor şi interesili a românilor dit Marea Britanie şi a fumel’ilor a lor.
(Faneos)
BUCURESTI — Comisia dit Parlamentul ali Romanie cari ancheteadza alidzerli prezidentiale dit 2009 ahurheasti, luni, audierli cu jurnalistul si fostul consultantu politic Dan Andronic. Aestu declara, tora ma ninti, ca sefl’i dit atel kiro a nascantor importanti institutii a statlui, ntra cari SRI si Parchetlu general, vahi lu influentara rezultatlu a votlui tra hairea al Traian Basescu. Adutem aminti ca aestu aminta, tru 2009, un doilu mandat prezidential, dupa una victorie la limita dinintea al Mircea Geoana. Tru ligatura cu aestu caz, procurorl’i ahurhira pusputearea penală in rem, dimi tra fapti şi nu contra a nascantor persoani tadi s-tadi, tra infracţiunile di abuz tru lucru şi falsificarea a documentilor şi a isakilor electorali.
(Faneos)
Roma — Agiucatoarea română di tenis Simona Halep, numirlu 4 mondial, kiru, dumanica, finala a turneului di Roma, dotat cu premii de 2,7 milioane dolari. Tru actul dit soni, Halep fu azvimta, cu 4-6; 7-5; 6-1 la seturi, di Elina Svitolina ( Ucraina, loclu 11 tru lumi). Stămâna ti tricu, romanca aminta turneulu di Madrid, tra doilu an arada. Halep agiuca Roma a 24-a finală dit carieră, până tora ari amintatâ 15 di titluri.
(Florentin)
Armanipsearea: Tascu Lala
