Ahurhi campania electorală
Scrutinlu tra leghislativili di anlu aestu easti organizat după una nauă leghislaţie. Ase, s-toarna la votlu pi listă, ufilisitu atea dit soni dată aoa si 12 di an’i, şi s-tradzi mana di la sistemlu numasit, impropriu, uninominal, cari, la ateali dit soni dauă aradrichi di alidzeri parlamentari, tru 2004 şi 2008, scoasi tru migdani multi alathusi şi dusi la un for leghislativ babageanu, cu 588 di alepta. Tora suntu tru agioc masi 466 di mandati, 134 tru Senat şi 308 tru Camera a Depuaţlor, la cari s-adavgă atel’i 18 di deputaţ a minorităţlor naţionali, alti andicra di atea maghiară, a curi reprezentari easti garantată cari ti s-hiba numirlu di voturi amintati.
Bogdan Matei, 11.11.2016, 13:11
Scrutinlu tra leghislativili di anlu aestu easti organizat după una nauă leghislaţie. Ase, s-toarna la votlu pi listă, ufilisitu atea dit soni dată aoa si 12 di an’i, şi s-tradzi mana di la sistemlu numasit, impropriu, uninominal, cari, la ateali dit soni dauă aradrichi di alidzeri parlamentari, tru 2004 şi 2008, scoasi tru migdani multi alathusi şi dusi la un for leghislativ babageanu, cu 588 di alepta. Tora suntu tru agioc masi 466 di mandati, 134 tru Senat şi 308 tru Camera a Depuaţlor, la cari s-adavgă atel’i 18 di deputaţ a minorităţlor naţionali, alti andicra di atea maghiară, a curi reprezentari easti garantată cari ti s-hiba numirlu di voturi amintati.
Va s-aiba nai normi di reprezentari: 1 deputat la 73 di n’il’i di banatori şi un 1 senator la 168 di n’il’i. Tut cama tru numir diaspora românească, dimec, fapta isapi la cama di trei miliun’i di insi, va s-hiba reprezentată ma largu tut di 2 senatori şi 4 deputaţ. Una premieră easti, ama, bagarea tru practico a votlui prit corespondenţă tra român’il’i cari au domiciliu ica reşedinta nafoara a vasiliil’ei. Pul’ii cu documentili ti suntu ananghi tru aesta noima fura pitricuti a atilor cari s-ngrapsira tru registrul electoral.
Ion Barbu, director tru Compania Naţională Poşta Română, declara, tra Radio România, că fu nreghistrată prima opţiune electorală a unui cetăţean român dit xinatati: Pot s-vă confirmu că un alegător dit Austria ari pitricuta catra Romania pacheta cu buletinili di vot, pi cari şi spusi ndreptul di vot. Pacheta va s-hiba tru chivernisearea a Biroului Electoral tra Votlu prit Corespondenţă până tru data a alidzerlor, dit 11 di andreu. Atumtea va s-hiba momentul tru cari va s-hiba desigilati şi va s-misura voturli”.
Tru antritearea electorală s-ngrapsira 6493 di insi. Nai cama mulţa candidaţ suntu di la partidili reprezentati tru actualu Parlamentu şi cari, uidisitu cu sondajili mutrindalui naeţli di vot, va sa s-veada şi tru atel yinitor. Stânga a spectrului politic ari tru amprotusa PSD, cotat ca hiindalui alithiul amintator a scrutinlui. Catra nandreapta, PNL easti lugursitu masi el gol irbapi s-fuvirseasca heghemonia a social-democraţlor, chiro tru cari ALDI, PMP ica UDMR graviteadză anvarliga a praglui electoral di tinti procenti. Ncl’igată anvarliga a unui ONG bucureştean alaxitu tru partid, USR easti calificată di analişti ca hiindalui nai cama importantă dit formaţiunile nau isiti tru migdani şi cu nadii alithea tra s-intra tru Parlamentu.
Nafoara a partidilor, s-ngrapsira tru antriteari şi 44 di candidaţ independenţa. Scrutinlu easti multu importantu, spun comentatorl’ii, nu masi cate lipseasti s-ndreaga una yinitoari majoritati guvernamentală, cari va s-pril’ia farnurli executivi di la actualu cabinet tehnocrat şi va u cumanduseasca România di anlu ti yini. Ama si di furn’ia ca andicra di axizearea şi namuzea a yinitorlor alepta, poati sa u faca cama hairlatica vidzuta a Parlamentului, tru aestu chiro multu impopular anamisad di român’i di furn’ia a multaloru cavgadz di arusfeti cu senatori ica deputaţ tru prota thesi.
Autor: Bogdan Matei
Armanipsearea: Tascu Lala
