Cardurile di energhie, pi îndridzeare
Executivulu di București are aprobată, ninte cu doauă siptămâni, instituirea a unor misuri di agiutor suportate parţial din fonduri europeane aferente a politicălei di coeziune 2014-2020, destinate/pitricute a categoriilor di
Mihai Pelin, 26.01.2023, 22:14
Executivulu di București are aprobată, ninte cu doauă siptămân’i, instituirea a unor misuri di agiutor suportate parţial din fonduri europeane aferente a politicălei di coeziune 2014-2020, destinate/pitricute a categoriilor di persoane vulnerabile/(fără puteare) tră compensarea preţului la energhie. Un cardu di energhie va hibă livrat di poştaş/(lucrătorulu ţi alagă cu servicii poştale) la domiciliu arhiuinda cu 1 februariu, iar pi data di 20 va poată să hibă utilizat tră plata a facturilor tră energhie electrică şi căldură și gaze, tră leamne di foc, butelii di gaz, păcură/ (catrane lichidă), peleţi şi alte materiale di îngăldzare. Cardul are ună valoare di 700 di lei (cca.140 euro) şi reprezintă prima tranşă a agiutorului total di 1.400 di lei tră 2023, ună subvenţie dedicată în general a ţilor cu un buget/amintatic mai m’ic di 2.000 di lei ( cca.410 euro) pi membru di familie. Macă mai mulță beneficiari au tot aţeauăși adresă di domiciliu, va să si emită un singur cardu di energhie tră un loc di consum. Tră aţel’i care sta la casă lucrurile par distul/baia di simple. Macă beneficiarulu deţâne/are un apartamentu la bloc şi doreaşte/are dor să plătească întreţânirea, va/lipseaşte să si preziintă la administratorulu a asociaţil’ei di proprietari, ţel care u adară/u scrie factura a imobilului în relaţia cu furnizorulu di căldură. Răspundirea cade/revine a administratorilor, care prinde să facă isapea/calculul defalcat și, pi baza al uştui, să emită un certificat di validare a datoriilei/pâradzâl’i trâ dare. Tru mesulu agheazmaciune/septembriu va acaţă distribuirea şi tră ţel de-al doilea cardu di energhie, cu ună valoare tot di 700 di lei, ama Guvernul si minduiaşte să lărdzească sfera a beneficiarilor, în sensul că va poată să l’ia toţ aţel’i care si înscriu într-ună limită a veniturilor (di păradz) di 3.000 di lei (cca. 610 euro) pi membru di familie. Beneficiarili a cardului di energhie va poată să facă plata a unor facturi la energhie în baza aluştui documentu, însoţât di cartea de identitate şi di factura pi care vor să o/u achită maşi prin intermediul a Poştălei Română, explicăă ministrulu a Investiţiilor şi Proiectilor Europene, Marcel Boloş:
“Hibă la poştar, hibă la oficiile poştale, di siptămâna v’initoare sper să avem şi aprobat serviciulu di e-mandat poştal, va dzâcă, inclusiv plăţi electroniţe, aclo iu easte posibil. După catheună operaţiune să solicite proba tră videare/dovada a serviciilor di mandat poştal, easte documentul care confirmă că plata va aibă loc, respectiv, Poşta Română va vireadză păradzăl’i pi care îl’i l’ia di la noi cătră furnizorulu di energhie a beneficiarului. Va dăm posibilitatea ca pi baza seril’ei pi care o/u are cardul di energhie să poată să hibă, electronic, consultat soldul a contului şi istoriculu a plăţâlor.”
Tot din fonduri europeane, ama și di la bugetulu di stat, autoritățâle va contiinuă să finanțeadză și tru 2023 acordarea a voucherilor sociale oferite tot pi cardu, tră achiziția di alimente și mase calde/mâcare în valoare di 250 lei (cca.50 euro), ună oară la doi meşi. Piste 2,5 milioane di persoane oarfăne/di ftohie l’ia aeste tichete di-tru 2022. Tră toţ clienţâl’i casniţ/di acasă funcţioneadză, şi tru 2023, sistemulu di plafonare şi compensare a facturilor la energhie.
Autor: Mihai Pelin
Autor: Hristu Steriu
