Crişteri la tin’iili di cafi mes controversati
Pi atea dit soni sută di meatri a mandatilor, parlamentarl’ii români apufusira s-creasca tin’iili di cafi mes la yiatra şi profesori cu 15% di la 1 di yinaru 2017. Ma s-nu hiba contestat di guvernu, nomlu, cari scoasi tru migdani moeabet apreasi pi scena publică, va s-hiba pitricut tra promulgare. Prezidentul ari la dispozitie caftarea di reexaminare a aistui, ica ataca la Curtea Constituţională. Ministurlu a Lucarlui, Dragoş Pîslaru, spuni că Executivlu poati s-da cali ti cristearea a tin’iilor di cafi mes tra sănătate cu 15% tru medie şi tra educaţie cu 10%, ama tu ma multi hopi.
Mihai Pelin, 08.11.2016, 12:33
Pi atea dit soni sută di meatri a mandatilor, parlamentarl’ii români apufusira s-creasca tin’iili di cafi mes la yiatra şi profesori cu 15% di la 1 di yinaru 2017. Ma s-nu hiba contestat di guvernu, nomlu, cari scoasi tru migdani moeabet apreasi pi scena publică, va s-hiba pitricut tra promulgare. Prezidentul ari la dispozitie caftarea di reexaminare a aistui, ica ataca la Curtea Constituţională. Ministurlu a Lucarlui, Dragoş Pîslaru, spuni că Executivlu poati s-da cali ti cristearea a tin’iilor di cafi mes tra sănătate cu 15% tru medie şi tra educaţie cu 10%, ama tu ma multi hopi.
Di la tribuna a parlamentului, el feati atea dit soni cl’imari tra responsabilitate. Tru minduita al nasu, cristerli a tin’iilor di cafi mes nu pot s-hiba susţanuti di buget şi reprezintă una inechitati, cate va s-creasca ma multu tin’iili di cafi mes ateali marli şi ma puţan alanti.
Ia ti spusi Dragoş Pîslaru: “Avem dimec lucri cari suntu ascumti tru grile. Efectul a aistoru alaxeri pripusi tru raportul ali comisie va s-duca la una polarizari anamisa di atel’I ti ghiusbilea intră tru sistem şi atel’i cari suntu tora cu nai ma marli crişteri procentuale. Groslu dimec a criştearil’ei easti la atel’I cari au tin’iili di cafi mes ma mari.”
Liderlu a PSD, Liviu Dragnea, mindueasti ama că suntu duri paradz tra aesti cristeri a tin’iilor di cafi mes. Impactul bugetar va s-hiba di 1,8 – 1,9 miliardi di lei, a deapoa ixichea bugetara nu va s-creasca pisti limita straxită.
Tru arada a lui Liviu Dragnea spusi: “Dificitlu bugetar tru aesta oară easti di 0,4 – 0,45%, dit PIB, nu ari cum s-agiungă anvelopa di 2,8 – 2,9%. Tra anlu yinitor, criştearea economică ti u da Comisia di prognoză scoati tru migdani tru bitisita amintatiti ma mari la bugetlu general anvartusitu di aproapea 14 di miliardi di lei. Oamin’i buni, numata ţaneţ paradzl’I nihargiuiţ şi oamin’il’i cu tin’ii di cafi mes multu n’it.”
Di alanta parti, opoziţia liberală nu vru tra s-l’ia parti la dezbateri şi la votlu dit bitisita mutrindalui aestu nom, ti furn’ia ca lugurseasti că nu ari anvaleari bugetară şi fu votat masi cu scupo electoral.
Prim-viteprezidentul a PNL, deputatlu Mihai Voicu, cundil’e că specialiştil’i a partidlui fac isapi ti argumentili tra contestari a nomlui la Curtea Constituţională. Un dit eali easti ligat di atea că nomlu fu alaxitu cabaia multu la Camera a Deputaţlor şi nu fu analizat ici la Senat, iu tricu tacitu. Ia ti spusi Mihai Voicu: “Easti un nom cari fu alaxitu cabaia la Camera a Deputaţlor fără ca senatorl’i, avândalui ndreptul aistu, s-poată s-li mindueasca aesti alaxeri, şi nu-n’i aduc aminti vara catastisi tru cari vara ahtari nom s-aiba tricuta di Curtea Constituţională şi aesta easti una furn’ie cabaia salami ti va u bagam tru contestaţia la cari lucreadză juriştil’i a noştri.
Tru minduita a analiştilor, aesti aşi-numasiti “dari electorali”, cari ies tru videala ninti di legislativili dit andreu, va s-alasa tor pi creastirea economica şi va s-duca la scădearea a investiţiilor.
Autor: Mihai Pelin
Armanipsearea: Tascu Lala
