Demisii dit guvernul ali Românie

Vitepremierlu Sevil Shhaidih, ministrul a fondurlor europene, Rovana Plumb, şi atel a transporturlor, Răzvan Cuc, apufusira ta s-iasa dit executivlu cumandusitu di social-democratlu Mihai Tudose. A protiloru, şeflu a cabinetlui la avea caftata orlea zorlea demisia, anapuda di minduearea majoritară dit partid, di furn’ia a zn’iilor di imagine isiti tru videala di mintearea a lor tru un dosar di arusfeti. Cu tuti aesti, Mihai Tudose nu veadi tru fudzearea a atiloru dauă una victorie personală şi nu aproaki ca ari una niachicaseari di sinferuri tru partid. Ia ti spusi Mihai Tudose: “Em Sevil Shhaidih em Rovana, una s-una dupu ti aprukeara citaţiile la DNA vinira tra să-n’I parastiseasca demisia. Şi aapraftasim di li danasimu, tamama tra s-nu dam un semnu di mintireasi tru guvernu. Ateali dauă soata agiumsira msrdzina di aravdari. Ma vini zborlu ti polimu, e, spusu că an’i dau demisia ma s-n’I-u caftă partidlu ica ma s-agiungu pi isapea că numata escu axi s-bag tu lucru programlu di guvernari. Nu fu un polimu, nu easti un amintâtor, minduim ca după aestă seară lungă amintâtor s-hibă partidlu şi prit partid guvernul şi vasilia”.

Ştefan Stoica, 13.10.2017, 14:01

Vitepremierlu Sevil Shhaidih, ministrul a fondurlor europene, Rovana Plumb, şi atel a transporturlor, Răzvan Cuc, apufusira ta s-iasa dit executivlu cumandusitu di social-democratlu Mihai Tudose. A protiloru, şeflu a cabinetlui la avea caftata orlea zorlea demisia, anapuda di minduearea majoritară dit partid, di furn’ia a zn’iilor di imagine isiti tru videala di mintearea a lor tru un dosar di arusfeti. Cu tuti aesti, Mihai Tudose nu veadi tru fudzearea a atiloru dauă una victorie personală şi nu aproaki ca ari una niachicaseari di sinferuri tru partid. Ia ti spusi Mihai Tudose: “Em Sevil Shhaidih em Rovana, una s-una dupu ti aprukeara citaţiile la DNA vinira tra să-n’I parastiseasca demisia. Şi aapraftasim di li danasimu, tamama tra s-nu dam un semnu di mintireasi tru guvernu. Ateali dauă soata agiumsira msrdzina di aravdari. Ma vini zborlu ti polimu, e, spusu că an’i dau demisia ma s-n’I-u caftă partidlu ica ma s-agiungu pi isapea că numata escu axi s-bag tu lucru programlu di guvernari. Nu fu un polimu, nu easti un amintâtor, minduim ca după aestă seară lungă amintâtor s-hibă partidlu şi prit partid guvernul şi vasilia”.

Liderlu a PSD, Liviu Dragnea, spuni ca mintireasili di nauntrul a partiil’ei s-featira di furn’ia a alatusilor di habariseari un alantu anamisa di nasu şi primlu ministru. Ia ti spusi Liviu Dragnea: “Habarisimu multu slabu un-alantu. Io pricanoscu aesta, minduescu ca si nasu idyea. Numata putem s-adrama ahatari alathusi, s-băgam empartidlu em coaliţia şi majoritatea parlamentară şi guvernul tru una catastisi limită. Ama atea ti voi tra s-dimandu io, ca prezidentu a partidlui, s-nu mindueasca vara instituţie, cari ti s-hiba ea, că aestu partid s-alasa urminipsitu tru lucarlu politic ica guvernamental, ici vara turlie”.

Spuneari yilipsitoari la una asi dzasa tentativă a DNA tra sa-lu surpa PSD şi guvernul. Lucru di care pari candasitu prezidentul ALDE, Călin Popescu-Tăriceanu, partenerlu al Liviu Dragnea tru coaliţia majoritară cari spusi: “Tuti stepsurli ti li fati DNA-ul tru aestu kiro andicra di noi lugursimu că lipseasti s-hiba fapti isap cu ngatanu şi, ici, nu putem s-aprukem ca DNA-ul să-lu adara guvernul ali Românie aşi cum mindueasti”.

Al’iumtrea, prezidentulu a vasiliil’ei, Klaus Iohannis, al’I deadi ndriptati a premierlui Tudose tru gaeretli a aistui tra sa scoata dit cabinet miniştri cu probleme penale. Ia ti spusi Klaus Iohannis: “Io minduescu că premierlu easti cu buna mindueari şi va tra s-aiba una parei hairlatică. Di altă parte, şi român’il’i, şi io, după aproapea un an di la amintarea a alidzerloru, aştiptăm ca PSD-ul s-yină cu nascanti rezultate tangibile”. PSD tricu pi ninga una naua criză internă di piricl’iu. Tu giumitatea a anlui, insubordonarea pi faţă a primlui ministru di atumtea, Sorin Grindianu, andicra di Liviu Dragnea, omlu furteata a partidlui, baga zori ali majoritati s-ufiliseasca una halati ti nu s-ari preacl’e tru istoria a vasiliil’ei- surparea a cabinetlui isisi cu moţiuni di cenzură.

Autor: Ştefan Stoica

Armanipsearea: Tascu Lala