Ma mărli evenimenti a stămânăllei ţi tricu 22.05 – 28.05.2022

Leyla Cheamil, 28.05.2022, 19:33

Prezidentulu a Româniillei, Klaus Iohannis, avu ună convorbire telefonică cu prezidentulu a Consiliului European, Charles Michel

Şeflu a statului român, Klaus Iohanniszbură, gioi la telefon, cu prezidintulu Consiliului European, Charles Michel, tră pregătirea a reuniunillei extraordinare a Consiliului di la Bruxelles di la bitisita aluştui mesu. Prinţipalu subiect di pe agenda a summitului easti agiutorlu umanitar şi financiar tră Ucraina. Siguranţa alimentară, energia, securitatea şi apărarea eara temele di discuţie anamisa di şeful a statului român şi prezidintulu Consiliului European. Tu aistu kiro, s’duţi ninti ofensiva a forțelor ruse contra ali Ucraină viţină, iu situația easti greauă. Inspectoratul General ali Poliţie di Frontieră cundille că, di la diclanșarea a crizăllei ruso-ucrainene, pe 24 şcurtu, tru România intrară pisti ună miliuni di cetățeni ucraineni.

Nomlu offshore, cari reglementează exploatarea gazelor tru Amarea Lae, intră pi lucru

Nomlu offshore, cari reglementează exploatarea a azelor tru Amarea Lae, fu promulgată, ñiercuri, di prezidintulu Klaus Iohannis. Naua turlie a nomlui easti ma di suţată cu investitorllii şi lipseaşti s’aducă amintatiţi şi a companiilor şi a statului, spun reprezentanţii a guvernului. După adoptarea proiectului di lege tru Camera Diputaţilor, ministrul Energiei, liberalu Virgil Popescu, spusi că noile reglementări asigură stabilitate, predictibilitate, ama şi un păhă ma ñicu la gaze tră consumatorii casnici. Nomlu pruveadi un mănuclliu di misuri mutrinda stabilitatea a regimului fiscal şi di redivenţe petroliere, cum şi eliminarea impozitarillei suplimentare a veniturilor tră păhadzlli di vindiare la cari investitorii nu realizeadză supraprofituri. Pe tut kirolu a divărtearillei acordurli mutrinda perimetre petroliere offshore şi onshore di ahândusimi, titularllii a acordurilor au ndreptul di comercializari, tru turlie libiră, hidrocarburile produse ditu perimetrele petroliere respective, la păhadzlli şi tru cantităţile diterminate di aeşti, tru condiţiile a legislaţiillei naţionale şi europene tru vigoare. Uidisitu cu documentul, România va s’aibă antăñitate la extrădzearea a dzăcământului, iar profitul va s’ampartă anamisa di statul român, cari va s’llia 60% şi investitori – 40%. Protili gaze ava s’hibă scoasi tu meslu cirişaru pritu proiectul dirulat di compania Black Sea Oil&Gas. Estimările spunu că un miliard di metri cubi va s’hibă livraţi anual pritu aestă exploatare, aanvălinda, aşi 10% din necesarul a Româniillei.

Clirunomlu Coroanălleli ei Marii Britanii, Prinţul Charles, tru vizită tru România

Aflat tru ună nauă vizită tru România, Prinţul Charles di Wales s-andămusi, ñiercuri, Bucureşti, cu prezidintul Klaus Iohannis, cu premierul Nicolae Ciucă şi Custodile a Cărunăllei Române, Margareta. Muabeţli fură ţănuti pi criza a arifugaţloru ucraineni şi pi agiutorul dat di România a văsiliillei viţini tru contextul ali invazie arusă. Uidisitu cu Administraţia Prezidinţială, şeflu a statlui lu informă pi Prinţul di Wales ti hub-ul umanitar di Suceava şi simfunizarea a gaereţloru di agiutoru ditu partea a ma multor state tru hăirea ali Ucraină. Klaus Iohannis şi clirunomlu a Cărunăllei Britanică zbură ti relaţiile bilatearale şi Parteneriatlu strategic româno-britanic, ti cearei di limitare a efectilor alăxerloru climatiţi şi tră conservarea biodiversitatillei, ama şi ti oportunitatea dizvoltarillei a născăntoru proiecte educaţionale mutrinda alăxerli climatiţi. Klaus Iohannis sumlinie angajamentul a Bucureștiului tra s’bagă tru practico obiectivele europene tru planu di alăxeri climatiţi. Tru cadrul ali andamasi cu şeful a Guvernului, Prinţul Charles fu sinfirisitu di politiţli a Româniillei tru domeniul a energiillei veardi şi regenerabile. Nicolae Ciucă şi spusi dişcllidiareaa ti andruparea a investiţiilor tru energia veardi, nai cama multu aţea eoliană offshore tru cari companiile britaniţi suntu aştiptate s’inveastiască tru perioada yinitoari. Prinţul Charles avu muabeti cu premierlu și ti polimlu ditu Ucraina. Uidisitu cu un comunicat a Executivlui, prinţipalele mindueri şi cilăstăseri a Alteţăllei a Lui Regale mutriră fuvirsearea a securitatillei alimentari a lumillei, la cari s’agiumsi di itia a ambudyiusearillei porturli Odisa şi Nikolaev di către askerili ruse. Iara Nicolae Ciucă părăstisi gaereţli a Româniillei di andrupari a Ucrainăllei: aprukearea şi apănghisearea a arifugaţloru, andruparea a cetăţenilor ucraineni strămutaţ internu şi a atiloru cari ş-u-apără văsilia, cum și andruparea a exporturlor ucrainene di yiptu. Tutunăoară, şeflu a Guvernului di Bucureşti părăstisi perspectivili şi fuvirserli genearate tru regiunea ali Amarea Lae, tru contextul a polimlui di la sinuru.

Executivul di la București a aprobat un nou pachet di măsuri sociale și economice

Executivul di la București dimăndă, luni, ună nauă pachetă di misuri sociale şi economice convenit di coaliţia di guvernare, tru condițiile tru cari ună dalgă di scunkeri fără precedint afecteadză populația a văsiliillei. Aestă pachetă, tru valoare di 1,1 miliardi di euro, va s’bagă tru lucru di la 1 alunaru. Anamisa di misuri s’arădăpsescu amânarea, tră nouă meşi, a ratelor la bănţă tră cetăţenii şi companiile cari au dificultăţi financiare di itia a crizelor multiple tru kirolu ditu soni. S-apufusi, tutunăoară, darea unu cirecu ditu diferenţa di tiñî di cafi mesu, tru simfunie cu nomlu a salarizării unitare akicăsită cu lucrătorlli ditu sistemul public, cum şi darea a unui giutoru unic di 700 di lei (140 di euro) tră tuţ pensionarii cu pensii sum 2.000 di lei (400 di euro).

Tru idyiul kiro, Guvernul va llia misuri tră anvărtuşearea fiscală şi respectarea angajamentelor mutrinda dificitul public. Easti zborlu ti ñîcurarea a hărgiloru bugetare cu nai puţăn 10%, cu excepţia aţiloru cu investiţiile, tiñiili, pensiile şi asistenţa socială, suspendarea angajărilor la stat ahurhinda cu 1 alunaru, cum şi creastirea colectariilli veniturlir la bugetul general consolidat a statului cu 10 miliardi di lei (2 miliardi di euro). Tut luni, ministrul Investiţiilor şi Proiectelor Europene, Marcel Boloş, dimanda că marea majoritate a voucherelor tră persoanele vulnerabile va s’hibă dati către beneficiari tru meslu cirişaru, iar alantă tru prima parte ditu alunaru. Pe 9 mai, Guvernul di la București aprobă misura mutrinda tichetele sociale cari va s’hibă date ti ma multi categorii di persoane aflate tru risc di ftuhie extremă. Pisti trei milioane di români va s’aibă hăiri, unăoară la doi meşi, di un voucher social tru valoare di 250 di lei (50 di euro).

Autoru: Leyla Cheamil

Armânipsearea: Taşcu Lala