Habari dit bana romaneasca si internationala

BUCURESTI – Prezidittul roman Klaus Iohannis alu tin’isi post-mortem cu Ordinlu Naţional “Steaua României” tru grad di cavaler sublocotenentul Mădălin Stoica, cari muri, viniri, tru Afganistan, după una ataca cu aftukina scandil’e ti u featira pi una patrula di militari români ti era tru misiune. Tru decretlu simnat di şeflu a statlui sa spuni ca distinctia al’I si deadi ca semnu di pricunusteari şi apreciere tra cilastasearea şi curayilu ti lu spusi sum hromili a hlambural’ei naţionala. Curayilu a askirladzlor români tru misiunea NATO dit Afganistan ma largu spuni nai cama ahandoslu angajament adicra di apărarea a libirtatil’ei şi democraţiil’ei, declara ambasadorlu SUA la Bucureşti, Hans Klemm, cari pitricu un mesaj di pargurii ti familie şi a sotloru a militarlui vatamat viniri. Aestu eara la prima misiune tru teatrele di operaţii. Tru idyiul incidentu nica fura pliguit doi militari romani. Tru anlui 2017, Armata României l’ia parti la misiunea NATO Resolute Support dit Afganistan cu cama di 620 di militari, alţa aproximativ 300 hiinda disvartiţ tru operaţii sum mandat NATO, UE, ONU şi OSCE tru alte regiuni. 29 di militari romani ş-kirura bana şi alţa cama di 180 fura pligiţ tru misiunile externe. Situaţia di securitate dit Afganistan easti ma laru instabilă, nai ma multe incidente nregistrânda-si tru provinciile dit estu şi sud.

Ştefan Stoica, 16.09.2017, 18:02

BUCURESTI – Prezidittul roman Klaus Iohannis alu tin’isi post-mortem cu Ordinlu Naţional “Steaua României” tru grad di cavaler sublocotenentul Mădălin Stoica, cari muri, viniri, tru Afganistan, după una ataca cu aftukina scandil’e ti u featira pi una patrula di militari români ti era tru misiune. Tru decretlu simnat di şeflu a statlui sa spuni ca distinctia al’I si deadi ca semnu di pricunusteari şi apreciere tra cilastasearea şi curayilu ti lu spusi sum hromili a hlambural’ei naţionala. Curayilu a askirladzlor români tru misiunea NATO dit Afganistan ma largu spuni nai cama ahandoslu angajament adicra di apărarea a libirtatil’ei şi democraţiil’ei, declara ambasadorlu SUA la Bucureşti, Hans Klemm, cari pitricu un mesaj di pargurii ti familie şi a sotloru a militarlui vatamat viniri. Aestu eara la prima misiune tru teatrele di operaţii. Tru idyiul incidentu nica fura pliguit doi militari romani. Tru anlui 2017, Armata României l’ia parti la misiunea NATO Resolute Support dit Afganistan cu cama di 620 di militari, alţa aproximativ 300 hiinda disvartiţ tru operaţii sum mandat NATO, UE, ONU şi OSCE tru alte regiuni. 29 di militari romani ş-kirura bana şi alţa cama di 180 fura pligiţ tru misiunile externe. Situaţia di securitate dit Afganistan easti ma laru instabilă, nai ma multe incidente nregistrânda-si tru provinciile dit estu şi sud.

Luxemburg — Pareia di feati la tenis di measa ali Românie s-califica, sâmbătă, tru finala a Campionatlui European di Luxemburg, după ti trecu di naţionala ali Rusie, scor 3-0. Romantili va s-agioaca, dumanica, tu atea dit soni faza ali competitie contra ali Germaniei cari azvimsi tu alanta semifinala Olanda cu scorlu di 3-2. România agiumsi tru finala europeană tra a opta oară.Echipa feminină ali Românie ari trei titluri europeane tru palmares, ama atel dit soni fu amintatu aoa si 12 di ani. Germania fu campioană tu ateali dit soni trei ediţii pi echipe, a deapoa, tut cu tut, ari amintata 7 medalii di malama.

VIENA — Austria conduti Romania cu 2-1 tru andamusea di Cupa Davis cari s-dizvarteasti Vels, pi teren austriac, dit turlu una a barajlui tra s-armana tru grupa I valorică a zonal’ei Europa-Africa. Sambata, tru proba di dublu, preacl’ea Horia Tecău/Nicolae Frunză azvimsi, cu 3-1 la seturi, preacl’a Thiem/Philipp Oswald. Viniri, la simplu, Gerald Melzer lu azvimsi Dragoş Dima, a deapoa Dominic Thiem, prota rachetă ali Austrie si loclu 7 mondial, pi Bogdan Borza. Dumanică, va s-disputa ateali dit soni meciuri di simplu. Dominic Thiem va s-alumta cu Dragoş Dima, iara Gerald Melzer cu Bogdan Borza. România conduti cu 3-2 tu meciurile directi cu Austria.

Autor: Andreea Bojoi

Armanipsearea: Tascu Lala