Liberalizarea a pazaril’ei a lucurlui tra roman’i si vargari
Nauă stati dit Uniunea Europeană bagă, tu aestă oară, restricţii pi pâzarea a lucurlui tră român’i şi a vârgari. Di la 1 di yinar, ama, eali au borgea tra sâ scoatâ irevocabil iţi cheadiţi tră lucrătorl’i ţi yinu dit România şi Vârgâria. Goala vâsilie dit Uniune ţi pari s-nu hibâ axi tra s-ciumuleascâ aestu lucru easti Marea Britanie. Jurnali tabloide sâ spusirâ abile tra s-u minteascâ opinia publică tu ligătură cu unâ aşi spusâ arâiri di români şi vârgari. Pi ningâ politicieni conservatori, aesti ndreapsirâ avlăchi-tranşee propagandistiţi di apărare ti fuvirsearea ţi poati sâ u reprezintâ Apirita oarfânâ ali Europâ.
Ştefan Stoica, 20.12.2013, 12:14
Nauă stati dit Uniunea Europeană bagă, tu aestă oară, restricţii pi pâzarea a lucurlui tră român’i şi a vârgari. Di la 1 di yinar, ama, eali au borgea tra sâ scoatâ irevocabil iţi cheadiţi tră lucrătorl’i ţi yinu dit România şi Vârgâria. Goala vâsilie dit Uniune ţi pari s-nu hibâ axi tra s-ciumuleascâ aestu lucru easti Marea Britanie. Jurnali tabloide sâ spusirâ abile tra s-u minteascâ opinia publică tu ligătură cu unâ aşi spusâ arâiri di români şi vârgari. Pi ningâ politicieni conservatori, aesti ndreapsirâ avlăchi-tranşee propagandistiţi di apărare ti fuvirsearea ţi poati sâ u reprezintâ Apirita oarfânâ ali Europâ.
Acâ numata poate s-ncheadicâ yinearea a lucrătorlor român’i şi vârgari tru Regat, guvernul britanic lo meatri ţi au scupolu s-prevină aţea ţi numâseaşti turismul tră benefiţii suţiale, imputabil, toradioarâ, maşi tru naeti, idyilor mâraţl’i di român’i şi vârgari. Subeili ali Londră nu suntu ţânuti tu isapi cu date, reacţionăComisia Europeană, ţi spuni că restricţionarea, sum iţi pretexte şi itii, a libirâl’ei urdinari a lucrătorlor tru Regat va s-hibâ un autogol tră economia şi sistemlu di agiutoari suţiali dit vâsilie. Fără sâ s-aprindâ, autorităţle române loarâ tru şteari di apofasea a cabinetlui Cameron ta s-ngârdeascâ izinea a cetăţean’ilor UE la agiutorlu di şomaj şi cundil’earâ că apofasea easte examinată şi di Comisia Europeană.
Tora ma ninti, ambasadorlu român la Londra, Ion Jinga, declară tră postul a nostru că ici ţiva nu spuni unâ crişteari numirlu di român’i dit Marea Britanie. Cara aeste reacţii di apărari par, ama, pledoarii pro domo, câţea yinu di partea a statlui stipsitu că va s-hibâ furnizor incontinent di migranţâ, ici ţiva, al’iumtrea, nu poate s-hibâpişmânipsitu tră apelu grit di cunuscuta revistă The Economist cătră români şi vârgari, tra s-yinâ şi s-lucreadzâ tin’isitu tru Regat. Jurnalili di tu Marea Britanie — ngrâpseaşti publicaţia — suntu mplini di pirmituseri ti urfan’ia, criminalitatea şi seatea a voastră di bună prucuchie. Politicien’il’i britaniţ agiungu pisuprâ di normili europeani mutrindalui libira urdinari şi fac gaereţ tra s-vâ licşureadzâ s-aveţ izini la agiutoari.
Populaţia britanică easti ma ncuntrată andicra di ghirman’i icâ francezi. Va vâ duteţ cu mintea, dimi, câ nu hiţ ghini aştiptaţ. Ama hiţ. Tu numa a vâsiliil’ei nicuchirâ a publicaţiil’ei The Economist, vă câlisim s-yiniţ şi s-lucraţ aoa”. Săptămânalu aduţi aminti că psihoza actuală dit suţiitatea britanică ari la orighini babageana imigraţie poloneză di aoa şi un decheniu. Di altâ parti, cartea dişcl’isâ demonteadză cu argumenti imbatabile falsa temă a alâgaril’ei după hâirli suţiali, tu condiţiile tu cari migranţâl’ii suntu tiniri şi irbapi di lucru. Tru bitisita a pledoariil’ei a l’ei, fimirida The Economist lâ da curayiu a român’ilor şi a vârgarlor, di lâ aduţi aminti că pâzarea britanică a forţâl’ei di lucru easti aţea nai cama flexibilă dit Europa şi că, tu practică, britaniţl’i nu au prigiudicăţ tra s-ufiliseascâ serviţiili a imigranţilor.
Armanipsearea: Tascu Lala
