Participarea a Românil’ei la misiunea di-tru Afganistan
După ma ghine di 12 an’i di prezenţă militară tru Afganistan, România acaţâ să-şi retragă trupile di-tru teatrul di operaţiun’i. Premierulu roman Victor Ponta, ministrulu a apăraril’ei, Mircea Duşa şi ministrulu di interne Gabriel Oprea furâ prezenţâ la Kandahar, la cheremonia ţi marcǎ arhiusita aţistui imnat. Şefulu a guvernului lâ dzâse evharisto, lâ mulţan’iipsi a militarilor român’i trâ curajulu apus, şi evocǎ aţeale 23 di victime di-tru arada a. Victor Ponta dzâse:
Mihai Pelin, 30.06.2014, 22:44
După ma ghine di 12 an’i di prezenţă militară tru Afganistan, România acaţâ să-şi retragă trupile di-tru teatrul di operaţiun’i. Premierulu roman Victor Ponta, ministrulu a apăraril’ei, Mircea Duşa şi ministrulu di interne Gabriel Oprea furâ prezenţâ la Kandahar, la cheremonia ţi marcǎ arhiusita aţistui imnat. Şefulu a guvernului lâ dzâse evharisto, lâ mulţan’iipsi a militarilor român’i trâ curajulu apus, şi evocǎ aţeale 23 di victime di-tru arada a. Victor Ponta dzâse:
“Pri-tru misiunea a dvs, pri-tru sacrificiul, curajulu, România easte azâ unâ ţară ma sigură şi easte un partener respectat di cătrǎ tuţ membril’i NATO şi di cătrǎ tiţ aliaţâl’i a noştri. Aţel’i 23 di camaraaz a dvs care-şi deadirâ bana va arămânâ ca eroi a Româniil’ei, a Armatâl’ei Românâ. Mi minduescu, tru aţeluşi chirotimp, şi la ţel’I pliguiţl’i, care au anahge şi va aibâ ananghe de-a lungul a întreagâl’ei banâ di solidaritatea şi di agiutorulu a nostru, ama voiu să mi adresedzu şi a dvs, a ţilor care va vă turnaţ sănătoşi acasă. Borgea a Româniil’ei şi a Guvernului easte să vă asiguripseascâ şi acasâ în ţară condiţii di banâ ma bune di aţeale pi care li avut tru chirolu di ma nâpoi. Vă aşteptăm pi tuţ sănătoşi acasă, him multu hiperifan’i şi vă mulţan’iipsim.”
Cheremonia fu marcată di un incident, baza aeriană di-tru Kandahar hiinda atacată cu rachete. Ofiţial’l’i român’i furâ apănghisiţ tru buncăre şi nu furâ înreghistraţ răniţ. Tru 2002, tru Afganistan agiundzea primil’i 600 di militari român’i. Di-tru 2006, el’i loarâ tra s-u veagl’e aţea ma periculoasa zonă di-tru Afganistan, Zabul (sud). Cipitulu a participaril’ei româneascâ cu trupe tru aestă ţară fu înregistrat tru 2011, când furâ desfăşuraţ vârâ 1.800 di militari, diunâoarâ cu priloarea a conduţiril’ei a aeroportului internaţional Kabul di cătrǎ forţile aerieane române trâ un an. România participǎ la acţiun’ile NATO di-tru Afganistan cu un efectiv total di 25.000 soldaţ, care îndeplinirâ cu succes priste 1.900 di misiun’i militare şi uminitare.
Contingentul român di-tru Afganistan easte constituit în prezentu di vârâ 2.000 di militari, a cure retradzire va arhiuseascâ tru meşil’i ţi v’in. Numirulu a soldaţâlor român’i care va mai arămânâ tru aestu stat, după bitisita a ţistui an, va hibâ di aproximativ 200, care va sâ si ocupâ di instruirea a armatâl’ei afganâ. Tute trupile NATO si retrag di-tru Afganistan anulu aestu, proces care generează, dupǎ cum spun analiştil’i frixe mutrinda unâ nauă intensificare a violenţilor într-un stat oarfân, tru care taliban’il’i arămân puterniţ, în ciudia a ţilor 12 an’i di prezenţă militară occidentală. Ninte cu 26 di an’i, şi militaril’i sovietiţ si retrădzea di-tru Afganistan, după un polim di aproapea 10 an’i, considerat “Vietnamulu” a Uniunil’ei Sovieticâ şi unulu di factoril’i care aghun’usirâ destrămarea a marilui imperiu comunistu.
