Reorganizări pi sţena politică
Guvernul di stânga PSD — ALDE va s-facă alăxeri la ministerili di Interne şi di Externe, apufusi, luni, cumăndusearea a social-democraţlor. La Interni va s-yină tru loclu ali Carmen Dan senatorlu PSD Nicolae Moga. Fidelă colaboratoari a aţilui di ma ninti lider social-democrat Liviu Dragnea, aţel cari faţi ună condamnari tra corupţie, demisionă ninti ca PSD să-l’i apufusească fudzearea, di-l’i caftă giueapi a partidlui că nu ţănu cheptu presiunilor ti li feaţi prezidentul Klaus Iohannis. Portofoliul di la Externi va s-hibă priloat di Ramona Mănescu, di la ALDE, cari va-l’i l’ia loclu al Teodor Meleşcanu. Carmen Dan şi Teodor Meleşcanu fură cutugursiţ sertu di prezidentu tră turlia tru cari fu organizat votlu la alidzerli europarlamentare dit mai. Tru mengă fu, prota ş-prota, Meleşcanu, tra itia că tru diaspora oamin’il’i şidzura multu chiro, iara mulţă român’i nu putură s-voteadză. Carmen Dan ari la pasiv şi intervenţia lugursită disproporţionată a jandarmilor la mitinglu antiguvernamental dit agustu anlu ţi tricu. Premierlu Viorica Dăncilă exighisi că el’i chirură andrupămintul politic di furn’ia a unăl’ei percepţie publică nifavorabilă. Neise, năulu secretar gheneral a partidlui, Mihai Fifor, easti pripunerea PSD tră ipotisea di viţepremier tră parteneriati strateghiţi.
Ştefan Stoica, 16.07.2019, 11:26
Guvernul di stânga PSD — ALDE va s-facă alăxeri la ministerili di Interne şi di Externe, apufusi, luni, cumăndusearea a social-democraţlor. La Interni va s-yină tru loclu ali Carmen Dan senatorlu PSD Nicolae Moga. Fidelă colaboratoari a aţilui di ma ninti lider social-democrat Liviu Dragnea, aţel cari faţi ună condamnari tra corupţie, demisionă ninti ca PSD să-l’i apufusească fudzearea, di-l’i caftă giueapi a partidlui că nu ţănu cheptu presiunilor ti li feaţi prezidentul Klaus Iohannis. Portofoliul di la Externi va s-hibă priloat di Ramona Mănescu, di la ALDE, cari va-l’i l’ia loclu al Teodor Meleşcanu. Carmen Dan şi Teodor Meleşcanu fură cutugursiţ sertu di prezidentu tră turlia tru cari fu organizat votlu la alidzerli europarlamentare dit mai. Tru mengă fu, prota ş-prota, Meleşcanu, tra itia că tru diaspora oamin’il’i şidzura multu chiro, iara mulţă român’i nu putură s-voteadză. Carmen Dan ari la pasiv şi intervenţia lugursită disproporţionată a jandarmilor la mitinglu antiguvernamental dit agustu anlu ţi tricu. Premierlu Viorica Dăncilă exighisi că el’i chirură andrupămintul politic di furn’ia a unăl’ei percepţie publică nifavorabilă. Neise, năulu secretar gheneral a partidlui, Mihai Fifor, easti pripunerea PSD tră ipotisea di viţepremier tră parteneriati strateghiţi.
Aesti fură apofasili cari mutrescu executivlu. Cumăndusearea PSD lo nica ună apofasi importantă, ţi poati s-aducă alăxeri tru peisajlu politic preelectoral: va s-aibă candidatlu a lui işişi la prezidenţialili dit meslu brumar. Partidlu va ca aestu s-hibă ndrupătu di ALDE şi PRO România, formaţiunea dizidentă adrată di fostul premier şi lider social-democrat Victor Ponta. ALDE s-ducheaşti, ama, purdat tru nădiili a lui şi apăndăseaşti PSD că va ş-andrupască liderlu, Călin Popescu-Tăriceanu, duchitu nica şi di născănţă social-democraţ ca un candidat comun redutabil, tru antriţearea tra ipotisea nai cama analtă. Stămâna ţi yini, social-democraţl’i va s-apufusească cu cari va s-iasă dininti la prezidenţiali. Comentatorl’i pricunoscu că un partid mari nu ari izini s-nu s-ngrăpsească tru competiţie cu un candidat a lui işişi, ama nu ved cari poati s-aibă nădii salami tra s-lu azvingă marli favorit, actualu şef a statlui Klaus Iohannis.
Dit aestă mutrită, tră PNL, lucărli suntu limbidz: dusiră şi nica s-ducu pi mâna a aluştui. Ciudusearea a politicălei româneşti — ună dit eali — poati s-hibă aţea că protlu contracandidat al Iohannis s-yină di cătă nanDreapta şi nu di cătă na-Stânga, cum s-cadi. Congreslu USR, formaţiune parlamentară di opoziţie, lu aleapsi liderlu a lui, Dan Barna, candidat tră prezidenţialie. După ţi şi aliatlu PLUS va ş-apufusească candidatlu — nai cama cu căbili tru persoana a liderlui Dacian Cioloş, fostu premier tehnocrat — aţeali dauă formaţiuni cari s-feaţiră suţată cu hăiri tră europarlamentari lipseaşti s-apufusească un candidat comun. USR şi PLUS vor ca la alidzerli dit toamnă alianţa s-yină cu un tandem prezidentu-premier.
Autor: Ştefan Stoica
Armânipsearea: Taşcu Lala
