România, aliat apufusit al NATO
Multu cu hairi integrată tru structurli aliati a curi la si adăvga tru 2004, România u simfunidzeadză politica di apărare cu atea di securitate pi cari NATO ş-mindueaşte strategiili. Tru aestă logică s-ngrapseasti şi apofasea a Bucureştiului tra s-hiba nicuchira tra doauă tentre di cumandu ali Alianţa Nord-Atlantica, un ditru aesti discl’isu gioi, şi cari va s-lucreadza ca un cartier general di iu va s-hiba bagati tru plan exerciţiili a askerilor aliate.
Corina Cristea, 03.07.2015, 13:14
Multu cu hairi integrată tru structurli aliati a curi la si adăvga tru 2004, România u simfunidzeadză politica di apărare cu atea di securitate pi cari NATO ş-mindueaşte strategiili. Tru aestă logică s-ngrapseasti şi apofasea a Bucureştiului tra s-hiba nicuchira tra doauă tentre di cumandu ali Alianţa Nord-Atlantica, un ditru aesti discl’isu gioi, şi cari va s-lucreadza ca un cartier general di iu va s-hiba bagati tru plan exerciţiili a askerilor aliate.
Unitatea tra integrarea a forţelor NATO dit capitala ali Românie va s-agiunga opearaţională ti di toamnă, dimandara, Bucureşti, secretarlu general ali Alianţa Nord Atlantica, Jens Stoltenberg, şi prezidentul Klaus Iohannis.Vara 42 di militari va s-asisiguripseasca funcţionarea a aistei structuri, dit cari 27 di posturi va-l’i si cada ali Românie ca ţară nicuchiră. Tut România va s-hibă şi nicuchira a Comandamentului Multinaţional di Divizie Sud-Est, cari va s-hiba operaţional dit primveara a anlui yiniitor. România ş–pripuni s-hibă un furnizor di securitate tru regiune, tru un contextu multu complicat, declara prezidentul Klaus Iohannis, sumliniindalui că discuţiile ti li avu cu secretarlu general al NATO avura tru scupo şi yinitorlu summit ali Alianţa di Varşovia.
Tru perspectiva a aistui easti ananghi ti una adaptare strategică tra s-da apandisi la naili fuvirseri viniti dit estu şi dit sud, ia ti spusi Klaus Iohannis:
Politica ali alianţa a noastra ari tru scupo consolidarea a securitatil’ei tru spaţiul euroatlantic. Nu vrem s-na ampulisim cu varnu, nu vrem una naua nchisita a anarmărlor. Bagam pesa ma largu pi achicasearea di cătra tuţ oamin’il’i politit responsabili că nu easti tru intereslu a varnui stat s-mutrească cristearea a unui conflictu pi cari nu poati s-li aminâ, niti economic, niti militar.”
Tu arada a lui, secretarlu general al NATO, Jens Stoltenberg, cundil’e contribuţia ali Românie la misiun’ili a alianţal’ei si spusi:
România easti un aliat multu apufusit. NATO baga besa api România şi România poati s-aiba besa pi NATO. Apruchem angajamentul vartos, niacumtinat ali Românie tru opearaţiun’ili NATO dit Afganistan până tru Kosovo. Cilastasit cu agiutor si hairi tra gaeretli a noastre di andrupari a partenerlor a noştri – Republica Moldova, Ucraina şi Georgia -, cilastasiţ tutunaoara tra stabilitatea tru zona ali Amarea Lae, cari armâne una componentă di simasie tra securitatea euroatlantica şi, tutunaoara, hit nicuchirlu a unei parti di mari simasie tra sistemlu di apărare antirachetă al NATO.”
Noaua structură NATO dit România s-ngrapseasti tru proteslu di uidiseari a alaxerlor ti medilu di securitate şi fate parte dit meatrili tra anvartusearea a aradarichil’ei dit apirita ali Alianţa.
Angrapsearea: Corina Cristea
Armanipsearea: Tascu Lala
