România di 15 aňi tru UE
Eugen Coroianu, 03.01.2022, 12:41
La 1 yinaru 2007, după negocieri niacumtinati, România agiundzea membră cu tuti ndrepturli a Uniunillei Europene. Apartenenţa la spațiul comunitar nsimnă dispariţia a sinurloru tră români, căbilea că elli s’urdituă liber, să studiadză şi s’lucreadză tru alti văsilii europene. Libertatea di urdituari, inclusiv a bunurilor, adusi ună păzari cabaia mari a companiilor şi produsilor româneşti, aproapea 80% ditu exporturile aluștoru agiungu tora tru Uniunea Europeană. Fondurile europene di ma multi tipuri și regulamentili comunitari feațiră ca tru România s’alăncească ntrăoară alăxeri vizibile, tru condiţiile tru cari ăsilia easti un dit beneficiarlli neţi a bugetlui european: dimi llia ma multă păradz andicra di câtu vireadză la trastulu comun.
România aprăftăsi să-și crească Produslu Internu Brut pi cap di bănătoru di la 39% ditu media a Uniunillei, ninti di aderare, la 59%, după maș nauă ani, iara simfunu cu prognozili aestea poati s’agiungă tru 2022 la cama di 66%. “Aderarea la Uniunea Europeană nă ligă stresu tru spaţiul european di democraţie şi valori, un idealu cari agiumsi averu pritu curbanea păn di mardzină a ațiloru cari alumtară tru Andreu 1989. Calea europeană armâne cadealihea goala opţiune di prucukie, stabilitate şi dizvultare pi lungu kiro a Româniillei”, spuni tru un mesaj prezidentulu Klaus Iohannis. El nica adavgă că hăirlătițli adusi a cetăţenilor şi societatillei sunt concrete şi truseamnă îmbunătăţirea vieţii di zi cu zi, fie că vorbim dispre piaţa internă, protecţia mediului, digitalizare, libeara urdituari şi oportunităţile di a studia, lucra sau trăi oriundi tru Uniunea Europeană, fie dispre finanţarea dizvultarillei şi a modernizarille tru multiple dumenii, catacum infrastructura, zonili di pritu hori, energia, sectorlu medical, educaţia.
Șeflu a statului cundilleadză că România ari contributu adză, tru turlia directă, ca stat membru, la anvărtușearea-a a Uniunillei Europene. Premierlu Nicolae Ciucă spuni. Tu arada a lui, că intrarea tru Uniune s’feați pritu gaeretea comună a clasăllei politică şi diplomaţlor români, sumu auspiciile a garanţiilor di securitate ți li da apartenenţa la NATO, pritu pistipsearea amintată tru teatrili di opearaţii di militarlli români cari fură parteneri tiňisiț şi ghini pregătiţ a aliaţlor occidentalli. El cundilleadză prucukia adusă tru atelli 15 di aňi di apartenenţă la Uniune: Produslu Intern Brut a Româniillei agiumsi triplo, iara PIB -ul pi cap di bănătoru agiumsi di aproapea patru ori ma mari. Acţiunea a Româniillei tru plan european ma largu va s’hibă ghidată di tiňia pănu di mardzină tră statlu di drept, tră Tratatili a Uniunillei şi tră prințipiili şi valorli ngrăpsiti tru Tratate, ca sturi di thimelliu ali Uniuni, cum şi tră ndreptul european nghenearal, asiguripseaști caplu a guvernului di București.
Autoru: Eugen Coroianu
Armânipsearea: Tașcu Lala
