România, partener strategic tra Ripublica Moldova

Tra liderlu socialistu filorus dit Ripublica Moldova, Igor Dodon, luciditatea pari s-l’ia, preayalea-ayalea, loclu a harauual’ei. După victoria dit doilu tur a alidzerlor prezidenţiale, dit 13 di brumar, aburl’i a anachisearil’ei s-araspandescu şi prezidentul aleptu, baga, muteasca tra taxerli babageani dit campania electorală. Tru un interviu tra agenţia rusă Interfax, aleptu di corespondenţal’i Radio România la Chişinău, el spune tora că ali Ripublica Moldova nu-l’i da di mana s-curmă acordul di asociere cu Uniunea Europeană, aca ma ninti la taxea a susţinătorilor a l’ei că va li faca afanu achicaserli cu Bruxellesul, tra s-da cali tra integrarea tru Uniunea Economică Eurasiatică, Rusia-Belarus-Kazahstan.

Bogdan Matei, 23.11.2016, 12:21

Tra liderlu socialistu filorus dit Ripublica Moldova, Igor Dodon, luciditatea pari s-l’ia, preayalea-ayalea, loclu a harauual’ei. După victoria dit doilu tur a alidzerlor prezidenţiale, dit 13 di brumar, aburl’i a anachisearil’ei s-araspandescu şi prezidentul aleptu, baga, muteasca tra taxerli babageani dit campania electorală. Tru un interviu tra agenţia rusă Interfax, aleptu di corespondenţal’i Radio România la Chişinău, el spune tora că ali Ripublica Moldova nu-l’i da di mana s-curmă acordul di asociere cu Uniunea Europeană, aca ma ninti la taxea a susţinătorilor a l’ei că va li faca afanu achicaserli cu Bruxellesul, tra s-da cali tra integrarea tru Uniunea Economică Eurasiatică, Rusia-Belarus-Kazahstan.

Duchimasitu că giumitatea di electorat cari vota tra contracandidata a lui, reformatoarea pro-europeană Maia Sandu, nu va s-aproachi una alaxeari serta a vectorlui di politică externă, Dodon spuni că ripublica nu are ananghi di atea ti nasu numasi un “Maidan” ucrainean — cu pitriteari la manifestaţiile babageani cari, tru ahurhita a anlui 2014, dusira la cadearea a regimlui pro-moscovit di Kiev şi bagarea pi ipotisi a unei administraţii pro-occidentala. El cafta, ama a Uniunil’ei Europene alaxearea a regimlui di comerţu libir, pruvidzut di acordul di asociere, cu unu di comerţu asimetric, ti poati s-da izini ali Ripublica Moldova s-exporta părmatii pi pazarea comunitară ama s-nu palteasca taxi di yimbruchi.

Una persoană, s-hiba si prezidentul, nu poate s-aduca zn’ii acutotalui ti ligatura anamisa di România şi Ripublica Moldova — spusi, marţa, Iaşi (nord-est, la doar 20 di kilometri di frontieara comună), şeflu a statlui român, Klaus Iohannis. Nai ma consecventu şi energic atel ti ndrupasti imnaticlu european a statlui vitin, România va s-armâna un partener strategic şi multu dinamic tra Ripublica Moldova – taxi Iohannis: Io voi s-andrupam Ripublica Moldova şi voi sa u fatem instituţuional. Noi avem una ligatura istorică, avem una ligatura economică, avem ligaturi culturale şi minduescu ma largu ca ari premisili tra una colaborare multu bună anamisa di instituţiili dit România şi Ripublica Moldova şi ari tuti nadiili tra Ripublica Moldova ca economia s-crescă şi atumtea moldovenl’ii s-ducheasca cadealithea ti va s-dzaca apruchearea di Europa.”

Şi experţal’i spun că a naului prezidentu ali Ripublica Moldova nu va-l’i hiba lişor să-şi baga semnul pi borgili di politică externă dit programlu electoral. Profesorlu Iulian Chifu, şef al Centrului tra Prevenirea a Conflictilor Early Warning şi fostu consilier prezidenţial Bucureşti, cundil’eadză că, di una parte, Constituţia nu-l’i aduti dininti multi prerogative al Dodon. Ş-deapoa, di alanta parti, em Guvernul di coaliţie cumandusitu di Pavel Filip, em majoritatea a deputaţlor dit Parlamentul aleptu aoa si doi an’i suntu, declarativ, nai pţanu, adepţal’i a calil’ei europeana, nu nostalghit a chirolui di ma nainti atel sovietic.

Autor: Bogdan Matei

Armanipsearea: Tascu Lala