România, Ripublica Moldova, Basarabia
Evenimentul di la 27 di martu 1918 – unirea ali Basarabie cu România — easti una parti dit actul tra fateari una naţiunea româna tru singur stat, uniri apufusita la 1 di andreu, tru idyiul an. Ti aesta alaxeari istorica fura ahardziti, gioi, ma multi bairi di conferinţe, expoziţii, concerte, spectacole di teatru şi lansări di carte, dizvartiti tru cama di 40 di localităţ dit ateali daua stati-surari, ampartati, artifitial, după doilu polim mondial. Atel di ma ninti prezidentu ali Ripublica Moldova, Mihai Ghimpu, eara vinit, Braşov, tru inima ali Românie, iu lo parti la corlu ali unirii, agioc tradiţional cari spuni, simbolic, unitatea şi continuitatea a naţiunil’i români. Prezidentul ali Românie, Traian Băsescu tin’isi, tru idyea dzuua ma multi personalităţ dit Ripublica Moldova, spunandalui că România andrupasti integrarea europeană ali Ripublica Moldova si va ca aestu stat să s-harseasca di ndrepturli şi libirtăţli pi cari UE li asigurispeasti.
Valentin Țigău, 28.03.2014, 15:38
Evenimentul di la 27 di martu 1918 – unirea ali Basarabie cu România — easti una parti dit actul tra fateari una naţiunea româna tru singur stat, uniri apufusita la 1 di andreu, tru idyiul an. Ti aesta alaxeari istorica fura ahardziti, gioi, ma multi bairi di conferinţe, expoziţii, concerte, spectacole di teatru şi lansări di carte, dizvartiti tru cama di 40 di localităţ dit ateali daua stati-surari, ampartati, artifitial, după doilu polim mondial. Atel di ma ninti prezidentu ali Ripublica Moldova, Mihai Ghimpu, eara vinit, Braşov, tru inima ali Românie, iu lo parti la corlu ali unirii, agioc tradiţional cari spuni, simbolic, unitatea şi continuitatea a naţiunil’i români. Prezidentul ali Românie, Traian Băsescu tin’isi, tru idyea dzuua ma multi personalităţ dit Ripublica Moldova, spunandalui că România andrupasti integrarea europeană ali Ripublica Moldova si va ca aestu stat să s-harseasca di ndrepturli şi libirtăţli pi cari UE li asigurispeasti.
După ampartarea di URSS, tru 1991, Ripublica Moldova, clirunumsitoari ali Basarabie istorica, ş-apufusi ca strateghie, apruchearea di UE şi di România vitină. Bucureştiul sa spusi dit ahuhrita hazari tra s-ndrupasca imnaticlu european ali Moldova şi nchisi un bair di programi, ntra cari darea ali cetăţenie româna tra nascanti categorii di moldoveni cata cum şi înviţămintul fara paradz tru România. Catastisea mintita dit Ucraina şi armanearea tru idyea scara fucurinal’ei tru ligatura cu separatismul dit Transnistria, tru apirita ali Ripublica Moldova, fac, aza, ca statlu moldovean s-aibă ananghi, ma multu ca varnaora, di agiutorlu ali UE şi cadealithea si ali Românie – membră a organizaţiil’ei dit 2007. Dimec, un sondaj adrat, meslu ti tricu, di Centrul Român di Studii şi Strateghii spuni că pisti giumitati dit populaţia ali Ripublica Moldova lugurseasti că, una eventuala unire cu România, tru un contextu istoric favorabil, easti realizabilă, iara 52% vor limbid aestu lucru.
Anamisa di avantajele ti poati s-li aiba reunificarea, pi protlu loc easti libira urdinari tru spaţiul UE, tra cari si spun vrearea 41% ditru ateli antribat. Cu tuti aesti, alti sondaje na spun că liderlu rus, Vladimir Putin, ma largu s-harseasti di nai cama marea pistipseari, tru Moldova, iara opţiunea tra uniunea vamală Rusia-Belarus easti tru amprotusea andicra di integrarea ali Moldova tru UE şi tru NATO. Apruchindalui că naţiunea româna baneadza tru dauă stati, scupolu a Bucureştiului easti tra s-faca, aza, ca Moldova s-agiunga, cât cama ayon’ia, membră ali UE, iara cetăţen’il’i a l’ei s-aproachi, voluntar, valorli europeani, ca urnechi di identitati normala.
Armanipsearea: Tascu Lala
