România şi FMI
Agenţia di rating Standard & Poors feaţi ma bun, stămâna ţi tricu, cu dauă scări, calificativlu dat tră România, di agiumsi aşe tra s-hibă tru idyea scară cu alanti dauă mări agenţii di rating cari avea faptă alăxeri pozitive di calificativ tră Bucureşti. Di furn’ia a aiştei apofasi, ma mulţă investitori va u află România atractivă, spuni ministurlu delegat tră buget, Liviu Voinea, iara custuserli la cari Bucureştiul poati să s-mpărmută pi payarea externă va sa scadă ma largu. Relevanţa easti cu ahât ma mari cu cât apofasea yini tru un an electoral şi tru condiţiile a unui conflictu la sinur şi, nica spuni ministurlu Voinea, scoati tu migdani că economia românească easti sigură. Analiştil’i dit dumeni lugursescu că apofasea eara aştiptată, tru contextul tru cari indicatorl’i macroeconom’iţ s-feaţiră ma bun’i. Tsi parametri angricară ţi feaţiră ma bun aestu rating di vâsilie?
Corina Cristea, 20.05.2014, 12:37
Agenţia di rating Standard & Poors feaţi ma bun, stămâna ţi tricu, cu dauă scări, calificativlu dat tră România, di agiumsi aşe tra s-hibă tru idyea scară cu alanti dauă mări agenţii di rating cari avea faptă alăxeri pozitive di calificativ tră Bucureşti. Di furn’ia a aiştei apofasi, ma mulţă investitori va u află România atractivă, spuni ministurlu delegat tră buget, Liviu Voinea, iara custuserli la cari Bucureştiul poati să s-mpărmută pi payarea externă va sa scadă ma largu. Relevanţa easti cu ahât ma mari cu cât apofasea yini tru un an electoral şi tru condiţiile a unui conflictu la sinur şi, nica spuni ministurlu Voinea, scoati tu migdani că economia românească easti sigură. Analiştil’i dit dumeni lugursescu că apofasea eara aştiptată, tru contextul tru cari indicatorl’i macroeconom’iţ s-feaţiră ma bun’i. Tsi parametri angricară ţi feaţiră ma bun aestu rating di vâsilie?
Liviu Voinea: N’icşurarea a dificitlui bugetar, nu maş di la 9 % tru 2009, la 2 % practic tora, şi anvârtuşearea a aiştui. Tru 2013 avum 2,3 % – dificitlu nai cama n’ic dit istoria ali Românie, faptu isapi după standardili a contabilitatil’ei europene. Deapoa n’icşurarea a dificitlui di contu curentu, dimec fluxurli a noastri cu exteriorlu să spun, cari scădzu până la 1 % dit PIB, nai ma n’ic ţi lu avum vârâoară. Anlu ţi tricu s-nregistră aestu nivel, di furn’ia a criştearil’i cabaia multu di multu a exporturlor. Deapoa inflaţia cari agiumsi la minimi istoriti, di 1- 1,5 % anlu ţi tricu, tora scădzu ş-ma nghios di 1,5 % anualizată. Ma multu, criştearea econon’ică di 3,5 % anlu ţi tricu.”
Tendinţa pozitivă s-duţi ma largu, datili statistiţi spun că România avu tru protlu trimestru a aluştui an nai cama marea crişteari dit Europa: 3,8 %. Iara autorităţli români spun că, după 2015, România numata va s-vuluseascâ un nău acordu cu Fondul Monetar Internaţional, Comisia Europeană şi Banca Mondială.Aestă turlie, Bucureştiul va s-da un semnu că ari una economie anvâtuşita, spuni Liviu Voinea, cari, tru un interviu tră Radio România, feaţi unâ trişeari tru revistă a angajamentilor financiari cu creditorl’ii internaţionali: Fu unâ achicâseari di 20 miliardi tru 2009, s-loarâ şi pâradzl’i. Altâ achicâseari di 5 miliardi tru 2011, nu s-loarâ paradzl’i şi fu preventivâ. Altu acord tru 2013, di 4 miliardi, FMI şi Comisia Europeană, iara nu s-l’ia pâradzl’i, ama easti unâ achicâseari preventivâ, di stabilitate, asiguripseaşti un cinghel’iu. Criza s-bitisi. Ti ţâ lipseaşti achicâseari? Aestâ easti cadealihea aţea dit soni achicâseari cu FMI şi Comisia Europeană.” Nivelu a borgil’ei externâ ali Românie easti tru plan să scadă până la 15% dit PIB tru 2015, di la unâ chiptâ di 22% tru 2012.
Armanipsearea: Tascu Lala
