România şi societatea informatizată
Corina Cristea, 04.11.2016, 13:00
UE riscă s-hiba chisata di competiţia cu SUA şi Asia cara nu va s-aiba una dizvultari rapida tru direcţia ali digitalizari şi a dezvoltaril’ei nica si infrastructural’ei di internet. Timbihea fu fapta si di comisarlu european tra economia şi societatea digitala, Günther Oettinger, Bucureşti, la Forumlu Internaţional “România Digitală”. Banam una revoluţie digitală, nica spuni comisarlu Oettinger — tricutlu fu tru hardware, software, telecomunicaţii, tuti fura digitalizati. Tora ari un transfer. Tehnologiile digitale, serviciile ahurhira s-lucreadza tru tuti sectoarili dit societate şi dit economie şi s-li alaxeasca.
Tru Europa avem ananghi di una pazari digitală comună. Iara România ari un loc esenţial tru strategia europeană mutrindalui digitalizarea, lugurseasti Günther Oettinger: Tru UE nu ari masi un singur stat cari s-hiba pi protlu loc tru tuti clasamentili. Ari, ti exemplu, tru zona di IT un clasamentu cari u aduti România pi protili locuri, ama şi statili baltiti ica Danemarca, Norvegia, Suedia. România ari una poziţie multu bună di furn’ia ali infrastructura tru IT, ari şi informaticieni, fizicieni multu buni şi specialişti tru tehnologia a informaţiilor. Ma s-neg tru Silicon Valley, va s-vedu că aclo, totana, lucreadză mulţa europeni. Mulţ di aeşta suntu români.”
Simfun cu Indicili ali economie şi societatil’ei digitala 2015, ndreptu di Comisia Europeană, România easti pi penultimlu loc tru UE tru atea ti mutreasti serviciile publiti digitale. Tru aestu chiro, un procentu multu n’ic dit populaţie completeadză formulari online, exighisi la anadamusi prezidentul Klaus Iohannis, atea ti dusi la ndridzearea a unui cadru strateghic tra darea sila a procesului di digitalizare tru România. Aşi s-aminta Manifestul tra România digitală” — minduit ca un vector di inovaţie şi un furnizor di cearei tru tehnologia ali informaţie, securitate cibernetică, tehnologie tra casabadz mintimen’i, cari s-aducă hairi directa şi ntraoara pi nivelu a cetăţeanlui.
Ari una haua majoră anamisa di sectorlu privat şi atel public tru atea ti mutreasti turlia tru cari easti ufilisită tehnologia ali informaţie, fati timbihi, di altă parte, premierlu Dacian Cioloş. Ma multu, nica spuni el, tru administraţie easti vartos siminata birocraţia, atea ti baga pi cal’iuri cetăţen’il’i şi cafta un mari consum di energhie şi paradz. Cu tuti aesti, România ari tuti atuurile tra s-agiunga un actor importantu tru reghiuni, tru construcţia europeană şi tru plan global, tru dumenea tra Tehnologia ali Informaţie.
Autor: Corina Cristea
Armanipsearea: Tascu Lala
