Sanctificarea a doi suvearan’i pontifi
L’i-apufusim şi îl’i zuyrăpsimu ca sămţă pi Mult Luţiţl’i Ioan XXIII-lu şi Ioan Paul II-lu”, spusi, cu tin’ie, Papa Francisc, dinintea a mărlor masti ţi-l’i spunea ti videari aţel’i doi foşti suvearan’i pontifi, Angelo Roncalli şi Karol Wojtila, dizvărtiti dumănică pi faţada a bazilicăl’ei San Pietro. Suti di n’il’i di embistimen’i loară parti la ţeremonie, prota la cari fură canonizaţ doi papan’i, masti cu anami a Basericăl’ei catolică după Doilu Polim Mondial şi complementari, asi cum comenta agenţiile di presă. Papa Ioan XXIII-lu ndreapsi Conciliul Vatican II, cari discl’isi Baserica Catolică căta lumea modernă ama şi căta alti religii, chiro tru cari Ioan Paul II-lu, protlu polonez cari alină tru scamnul pontifical, fu un haris şi nicurmat mesager a vrearil’ei cristică tru tută lumea, cu contribuţie la surparea a demoniclui regim comunistu.
Ştefan Stoica, 28.04.2014, 13:34
L’i-apufusim şi îl’i zuyrăpsimu ca sămţă pi Mult Luţiţl’i Ioan XXIII-lu şi Ioan Paul II-lu”, spusi, cu tin’ie, Papa Francisc, dinintea a mărlor masti ţi-l’i spunea ti videari aţel’i doi foşti suvearan’i pontifi, Angelo Roncalli şi Karol Wojtila, dizvărtiti dumănică pi faţada a bazilicăl’ei San Pietro. Suti di n’il’i di embistimen’i loară parti la ţeremonie, prota la cari fură canonizaţ doi papan’i, masti cu anami a Basericăl’ei catolică după Doilu Polim Mondial şi complementari, asi cum comenta agenţiile di presă. Papa Ioan XXIII-lu ndreapsi Conciliul Vatican II, cari discl’isi Baserica Catolică căta lumea modernă ama şi căta alti religii, chiro tru cari Ioan Paul II-lu, protlu polonez cari alină tru scamnul pontifical, fu un haris şi nicurmat mesager a vrearil’ei cristică tru tută lumea, cu contribuţie la surparea a demoniclui regim comunistu.
La ţeremoniile di dumanică loara parti şi Arhiepiscoplu Mitropolit di Bucureşti şi prezidentul a Conferinţal’ei a Episcopilor Catolit dit România, Ioan Robu, cata cum şi mulţă prefţă, călugări şi călugăriţi, embistimen’i dit tută văsilia. Arhiepiscopia Romano-Catolică aduţi aminti că doil’i suvearan’i pontifi pricunuscuţ ca sămţă eara viniţ Bucureşti anda eara tru bană. Ioan Paul II-lu feaţi ună vizită istorică, tru România, tru mai 1999, prota a unui suvearan pontif tru ună vasilie majoritar ortodoxă. Şi italianlu Angelo Roncalli u vizită România, tru 1930 şi 1932, căndu eara tru misiuni diplomatică tru Vărgarie. Tru 1944, tru harea di delegat apostolic tru Turchie, la căftarea a Rabinlui şef a Ierusalimlui, agiută evrei român’i deportaţ tru Transnistria (tru aestu chiro, regiune dit apirita ali Ripublică Moldova), di pitricu agiutoare tru lagări şi deadi tertificate di pătigiuni.
Tutunaoară, monseniorlu Roncalli cilăstasi pi ninga autorităţli nturţesti cu furn’ia că ună pampori cu evrei român’i, ţi avea nchisită dit portul Constanţa căta Ierusalim, s-poată s-treacă apili teritoriali ali Turchie, haristusită al năs hiindalui ascăpaţ 750 di evrei român’i, a deapoa dit arada a lor un cirec eara cilimean’i. “Em Ioan XXIII-lu, em Ioan Paul al II-lu spusiră vreari tră văsilia a noastră”, cundil’ea Arhiepiscopia Romano-Catolică Bucureşti tru un comunicat. Şi ma largu adăvga: Aloatlu ţi l’i-adună, ama, tru ună turlie ti anami aţel’i doi suveran’i pontifi di văsilia a noastră easti un călugăr capucin, Ieremia Valahlu (1556-1625), protlu român alinat tru harea a ayiudimilor di Băserica Catolică. Ioan XXIII-lu li pricunuscu hărli eroiţi a călugărlui, tru 1959, a deapoa Ioan Paul II-lu lu beatifică, tru 1983, di ahărdzi, aestă turlie, un avigl’itor tru Ter tră român’il’i avinaţ tră pistea a lor.”
Armanipserea: Tascu Lala
